ဝါရှင်တန်မြို့တော် အနီးမှာကျင်းပတဲ့ ကွန်ဆာဗေးတစ် နိုင်ငံရေးလှုပ်ရှားမှုညီလာခံ CPAC ရဲ့ နောက်ဆုံးနေ့ ဖြစ်တဲ့ စနေနေ့မှာ အမေရိကန် သမ္မတ ဒေါ်နယ်ထရမ့်က ညီလာခံ အပိတ် မိန့်ခွန်းပြောကြားခဲ့ပြီး “တိုင်းပြည်ကို ကျနော်တို့ ပြန်ရခဲ့ပြီ” လို့ ကြွေးကြော်ခဲ့ပါတယ်။

ဖက်ဒရယ်အစိုးရ ဝန်ဆောင်မှုနဲ့ ဝန်ထမ်း အရေအတွက် လျှော့ချနိုင်ရေးကို ပိုပြီး ပြင်းပြင်းထန်ထန် အရှိန်မြှင့်လုပ်ဆောင်ဖို့ အမေရိကန် သမ္မတ ဒေါ်နယ်ထရမ့်က အစိုးရ ဌာန စွမ်းဆောင်ရည် စိစစ် အကဲဖြတ်‌ရေး အတွက် တာဝန်ပေးထားတဲ့ ကုဋေကြွယ် သူဌေးကြီး အီလွန်မတ်စ်ကို စနေနေ့က တိုက်တွန်းလိုက်ပါတယ်။

ဖိလစ်ပိုင်ဟာ နယ်မြေအငြင်းပွါးနေတဲ့ တောင်တရုတ် ပင်လယ်ပြင် ပေါ်က ဝေဟင်ထဲကို သောကြာနေ့က သူ့ရဲ့ လေယာဉ် ၃ စင်း တရားမဝင် စေလွှတ်ခဲ့ပြီး ၂ နိုင်ငံကြား ကာလတာရှည် နယ်မြေအငြင်းပွါးပြီး တင်းမာနေတဲ့ အခြေအနေကို ပိုဆိုးလာစေတယ်လို့ တရုတ်က စွပ်စွဲပါတယ်။

အစ္စရေးနိုင်ငံ Tel Aviv မြို့က Bat Yam ဆင်ခြေဖုံးဒေသမှာ ပေါက်ကွဲမှု ၃ ခု ဖြစ်ပွါးခဲ့တဲ့နောက် ဂျော်ဒန်မြစ် အနောက်ဘက်ကမ်း West Bank ဒေသမှာ အကြမ်းဖက်မှု တိုက်ဖျက်ရေး စစ်ဆင်မှုတွေ တိုးမြှင့်ဖို့ အစ္စရေး ကာကွယ်ရေးဝန်ကြီး Israel Katz က သောကြာနေ့မှာ အမိန့်ပေးခဲ့ပါတယ်။

တာလီဘန်တွေ ထိန်းချုပ်ထားတဲ့ အာဖဂန်နစ်စတန် နိုင်ငံထဲက အုပ်ချုပ်သူကင်းမဲ့နေတဲ့ ဒေသတွေဟာ အစွန်းရောက်အဖွဲ့တွေ လှုပ်ရှားဖို့ အခွင့်အရေး ပေးသလို ဖြစ်နေတယ်လို့ အမေရိကန် နိုင်ငံခြားရေးဝန်ကြီး Marco Rubio က ပြောပါတယ်။

ဝါရှင်တန်ဒီစီ မြို့ပြင်မှာ ၃ ရက်ကြာကျင်းပတဲ့ ကွန်ဆာဗေးတစ် နိုင်ငံရေးလှုပ်ရှားမှု ညီလာခံ CPAC ကို ကြာသပတေးနေ့မှာ စတင်ခဲ့ပြီး အမေရိကန်သမ္မတ ဒေါ်နယ်ထရမ့်နဲ့အတူ အာဂျင်တီးနား၊ အီတလီနဲ့ စလိုဗက်ကီးယား နိုင်ငံခေါင်းဆောင်တွေ တက်ရောက် မိန့်ခွန်းပြောကြဖို့ ရှိနေပါတယ်။

ရုရှားရဲ့ ယူကရိန်းကျူးကျော်စစ်နဲ့ ပတ်သက်ပြီး အမေရိကန်သမ္မတ ဒေါ်နယ်ထရမ့်နဲ့ ယူကရိန်းသမ္မတ Zelenskyy တို့ကြား အပြန်အလှန် ပြောဆိုမှုတွေနဲ့ တင်းမာမှုရှိခဲ့တဲ့ နောက်မှာ ကြာသပတေးနေ့ကတော့ အမေရိကန် သံတမန် Keith Kellogg နဲ့ သမ္မတ Zelenskyy တို့ မြို့တော် Kyiv မှာ တွေ့ဆုံခဲ့ကြပါတယ်။

တရုတ်နိုင်ငံထုတ် လျှပ်စစ်ကားတွေအပေါ် သွင်းကုန်ခွန် တိုးမြှင့်တဲ့ကိစ္စ ဥရောပသမဂ္ဂ အီးယူနဲ့ ညှိနှိုင်း နိုင်ဖို့ အကောင်းဆုံး ကြိုးစားနေပါတယ်လို့ တရုတ် စီးပွားရေးနဲ့ ကူးသန်းသွားလာရေး ဝန်ကြီးဌာန ပြောခွင့်ရက ကြာသပတေးနေ့က ပြောပါတယ်။

အမေရိကန်ပြည်ထောင်စု အရှေ့ပိုင်းပြည်နယ် နေရာအတော်များများမှာ အခုသီတင်းပတ်ကုန် ရက်ပိုင်းတွေအတွင်း စိုစွတ်ပြီး ဆိုးရွား ပြင်းထန်တဲ့ ရာသီဥတု ဒဏ်ကို ရင်ဆိုင်ရဖို့ ရှိနေပါတယ်။

ခိုင်မာတဲ့ လုံခြုံရေးအာမခံချက်တွေ ပါဝင်တဲ့ ယူကရိန်း ငြိမ်းချမ်းရေး သဘောတူညီချက် ရယူနိုင်ဖို့ ဆက်လက် အတူလက်တွဲ ဆောင်ရွက်ရေးနဲ့ စေ့စပ်ညှိနှိုင်းမှုတွေမှာ ရုရှားနိုင်ငံဘက်က သဘောထား မှန်မှန်ကန်ကန်နဲ့ ပါဝင်လာခြင်းမရှိရင် ထပ်ဆောင်း ပိတ်ဆို့အရေးယူဖို့ G7 နိုင်ငံခြားရေးဝန်ကြီးတွေ သဘောတူခဲ့ကြပါတယ်။