Një ngjarje dy të vërteta

Shtatori ka qënë një muaj plot zhurmë dhe zhvillime, nuk pati vetëm nxënës dhe studentë të emocionuar, por edhe deputetë, politikanë dhe klerikë të turbulluar. Këtë shtator i pamë dhe i dëgjuam të gjitha, por të gjithë biem dakord se zona më në trend në Tiranë, tashmë nuk është zona e bllokut, por zona e Spakut. Edhe gjykatat kanë patur trafik të rënduar, madje kanë prodhuar lajme të bujshme, çka nuk përben risi për specifikë pune, risia e lajmit këtë muaj ishte kryegjyshata.

Sezoni turistik u mbyll, por ai politik sapo ka nisur. Gara për 2025 ka filluar t’i shqetësojë partitë politike dhe beteja ka filluar. Ndërkaq sezoni tursitik kishte shumë për të folur, të gjitha këto në “Një ngjarje dy të vërteta”.

Korriku ishte padyshim muaji i skandaleve përfshirë këtu atë të spitalit onkologjik dhe atë të mikrokredive. Një muaj ndoshta pushimi për të tjerët, por mjaft intensiv për SPAK i cili i ka patur dyert plot këtë periudhë. Drama e çmimeve të larta në sezonin turistik nuk mungon as këtë verë. Për këto dhe shumë të tjera ndiqni videon…. Edison Hallaçi Dj Saix

Kampionati Europian i Futbollit ‘Gjermani 2024’ është padyshim ngjarja që shënoi muajin qershor, me pjesmarrjen e Shqipërisë dhe legjendën e flokëve të Hysaj. Një “bombë” tjetër për shqiptarët ishte edhe divorci Meta-Kryemadhi i cili bart mistere dhe dritëhije të mëdha. Tashmë edhe mospërputhjet politike janë një shkak goxha i fortë për ndarjen e një çifti. Këto dhe shumë të tjera në lajmet e muajit qershor!

Maji nisi më patriotik se kurrë me turin e diasporës së Kryeministrit Edi Rama. Një “sebep” për t’u mbledhur diku e për të bërë shqiponjën e për t’u larguar nga realiteti SPAK qe nuk po kursen askënd. Basha dhe Meta njëri në krevat e tjetri mbi paralele vijojnë të qetë aktivitetin e tyre. Këto dhe shumë të tjera në ngjarjet e muajit maj!

Prilli ishte muaji i rikthimit për çiftin Meta-Kryemadhi, të cilët janë në qendër të vëmendjes për deklaratat e tyre kundër SPAK, por edhe për vetë marrëdhënien mes tyre. Nga ana tjetër Kryeministri Rama e ‘ka kapur’ me mediat italiane të cilat sipas tij kanë baltosur Shqipërinë. Këto e shumë të tjera ju presin në përmbledhjen e këtij muaji.

Janari do të njihet si muaji i dashurisë së ballkonit. I ndodhur në arrest shtëpie për aferën e çështjes “Partizani”, Sali Berisha ka gjetur prehje tek ballkoni i tij. Natë për natë sapo bie muzgu, ai del në ballkon me megafon dhe komunikon nga larg me adhuruesit e tij. Ligjeratat e dashurisë, optimizmit e shpresës përlotin sytë e tyre çdo mbrëmje duke mos patur mundësinë ta përqafojnë apo t’i puthin duart. Një histori e dhimbshme dashurie, por aq sa prekëse.

Janari do të njihet si muaji i dashurisë së ballkonit. I ndodhur në arrest shtëpie për aferën e çështjes “Partizani”, Sali Berisha ka gjetur prehje tek ballkoni i tij. Natë për natë sapo bie muzgu, ai del në ballkon me megafon dhe komunikon nga larg me adhuruesit e tij. Ligjeratat e dashurisë, optimizmit e shpresës përlotin sytë e tyre çdo mbrëmje duke mos patur mundësinë ta përqafojnë apo t’i puthin duart. Një histori e dhimbshme dashurie, por aq sa prekëse.

Viti 2023 nisi kaos me parlament dhe për ironi me kaos po mbyllet. Ngjarjet e pazakonta në politikë, shoqëri e kulturë nuk munguan as këtë muaj të fundit të 2023-shit. Sali Berisha padyshim mbetet kryefjalë për shkak të hetimeve të SPAK për çështjen ‘Partizani’. Marrëveshja e emigrantëve me Italinë që po mbahet pezull nga Gjykata Kushtetuese është jo më pak e rëndësishme.

Marrëveshja Shqipëri – Itali për refugjatët, e nënshkruar disi ‘në fshehtësi’ mes Kryeministrave Rama – Meloni padyshim që trazoi poltikën por edhe shoqërinë shqiptare. Ku do të strehohen emigarantët nga Afrika? Janë vetëm burra apo gra? Do rrinë apo do ikin? Kush do t’i mbajë me bukë etj, janë disa nga pyetjet që të gjithë u munduan t’i jepnin përgjigje. Nga ana tjetër flakadanët dhe tymyeset që ishim mësuar t’i shikonim në stadium, përfunduan në një sallë më të vogël atë të parlamentit. Kaos, karrige përmbys, hyrje nga dritaret e përjashtime nga salla ishin imazhet qe na kanë shoqëruar çdo fillim jave. Sali Berisha mes prokurorisë dhe dirigjimit të kaosit padyshim që është një orkestrues i zoti. SPAK ndërkohë e ka lëshuar dorën fare, operacione me të arrestuar të rëndësishëm po mbahen thuajse çdo javë, saqë frika është evidente në çdo qytet, tek ata që kanë bërë zarar. Ama një festë e kishim, Shqipëria zyrtarisht në Euro 2024. Të paktën vitin e ardhshëm do kemi me ça të merremi ca muaj, shyqyr jo me politikë.