Бидний та бүхэнд хүргэж байгаа  өнөөдрийн ярилцлага нь шинжлэх ухааны үндэслэлтэйгээр практикт суурилсан зөвлөмжүүдээр та бүхэнд хүрч байна. Өнөөдрийн ярилцлагад Кристина Ноблийн Хүүхдийн Сангийн "Нархан"хотхоны эмч Ж.Авирмэд  оролцож байгаа бөгөөд та бүхэн ярилцлагаас доорх асуултуудад хариултыг авах болно. 

Биднийг үргэлж сонсдог сонсогч та бүхэндээ баярлалаа.

Энэхүү подкастаар бид Уур бухимдлаа хэрхэн хянах боломжтой, уур бухимдал хүнд байх хэрэгтэй зүйл үү , үгүй юу гэсэн асуултанд   та хариултуудыг авах болно. Подкастаа илүү сонирхолтой  байлгах үүднээс  хүмүүсийн туршлага дээр үндэслэн практик харилцан яриа, мэдээллүүдийг  Кристина Ноблийн Хүүхдийн Сангийн Ивээн Тэтгэх Хөтөлбөрийн менежер Т.Өлзийханд, Нягтан бодогч Ч. Нямцэцэг нарын хамтаар хүлээх авах  болно. 

Та бүхэн өнөөдрийн дугаараар Өсвөр насны хүүхдийн онцлог,  тэдэнд төрдөг мэдрэмж, хэрэгцээ зэргийг ойлгохоос гадна, өсвөр насны хүүхэддээ хэрхэн харилцаж, хэрхэн тусалж чадах талаар мэдээллийг сэтгэл зүйч Э.Номин-Эрдэнэ, Арт терапист Б.Нарантулга хүргэх болно оо. 

Бид үгээр илэрхийлэмгүй  зүйлс , өөрт төрж буй таатай таагүй мэдрэмжүүдээ бүтээлч байдал дээрээ тулгуурлан урлагийн  хэрэгслүүд ашиглан , арга техникийн тусламжтайгаар  илэрхийлэх боломжтой байдаг гэдэгтээ та санал нийлж байна уу?

  Тэгвэл та  өнөөдөр энэхүү подкастаар  дамжуулан урлагийн сэтгэл заслын талаарх дэлгэрэнгүй  мэдээлэл, урлагийн сэтгэл заслын ач холбогдлын талаарх ойлголтыг  арт терапист Б.Нарантулгын ярилцлагаас хүлээн авч сонсох боломжтой. 

Бид энэ дугаараараа үерхэл нөхөрлөлийн харилцааны тухай болон өсвөр насны хүүхдийн үерхэлд юу байж болох юу байж болохгүй талаар сонирхолтой мэдээлэл, практик зөвлөмжүүдийг хүргэх болно. 

Сургууль, цэцэрлэгийн үйл ажиллагаа хэвийн үргэлжилж эхэлсэнтэй холбоотой хүүхдүүдийн дунд амьсгалын дээд болон доод замын халдварын тохиолдол эрс нэмэгдэж байгаа билээ. 

Иймд хүүхдийг улирлын томуу ба томуу төст өвчнөөс урьдчилан сэргийлэхийн тулд эцэг эхийн зүгээс гэрийн нөхцөлд хүүхдийнхээ дархлааг хэрхэн сайжруулах болон ямар тохиолдолд эмчид яаралтай  хандах талаар зөвлөгөө мэдээллийг  хүүхдийн эмч Б.Мөнхжаргал та бүхэнд хүргэх болно.

Нобле подкастын шинэ цувралаар бид "Кристина Ноблийн Хүүхдийн Сангийн тухай болон тус подкастаар дамжуулан сонсогчдодоо хэрхэн хүрч ажиллах талаар мэдээллүүдийг хүргэнэ. Энэхүү подкастанд эрүүл мэндийн хөтөлбөрийн менежер Б.Мөнхжаргал, Олон нийтийг чадавхижуулах хөтөлбөрийн мэргэжилтэн Ц.Алтанзул, Сэтгэл зүйч Э.Номин-Эрдэнэ, Арт терапист Б.Нарантулга нар оролцох болно.

Сургууль, цэцэрлэг эхэлсэнтэй зэрэгцэн удахгүй хүйтний улирал эхлэхээр хүүхдүүдийн дунд суулгах өвчин болон томуугийн дэгдэлт их гардаг билээ. Энэхүү вирусээс хэрхэн сэргийлэх талаар манай Нархан хотхоны эмч Авирмэд та бүхэнд зөвлөж байна.

КНХС-ийн дэргэдэх "Нархан" асрамж, халамжийн төвийн менежер М.Урансайхан оролцож, асрамжийн газар бол хүүхдүүдийн цагаахан бодлоо дүүрэн, гэрэл цацруулсан газар байдаг талаар ярилаа.

Энэ удаагийн дугаарт мэргэжлийн судлаачтай бактери, вирус тэр дундаа COVID-19-ын талаар дэлгэрэнгүй ярилцлага хийлээ.