Die polisie in Johannesburg het twee verdagte persone ondervra na die sluipmoord op die mediapersoonlikheid Warrick “DJ Warras” Stock verlede week in die middestad. Stock, 'n direkteur by Imperium Security, is buite die Zambezi-gebou doodgeskiet. Die polisie se woordvoerder, Athlenda Mathe sê die twee is vroeg vanoggend by 'n hostel in Soweto vasgetrek. Sy sê ondersoekbeamptes gaan voort om alle leidrade op te volg om die saak op te los: