Á FMA-tiltakinum leygarkvøldið varð Árins tónleikaheiður latin Teimum av Kamarinum - vit tosa við Nikolinu av Kamarinum og Jákup Jakobsen.

Tvær Michelin-stjørnur, fleiri hotel og hópin av matstovum. Hósdagsgesturin er stjórin í Gist&Vist, Johannes Jensen.

Klaksvíkar sjónleikarfelag fer á pall við ævintýrleikinum Kraddarin. Vit hitta leikstjóran Aðalbjørg Linklett og annan av pallsmiðunum, Nikolaj Falk.

Illir andar heja í Sjónleikarhúsinum í Havn. Vit práta við leikarar og framleiðslustjóra í nýggjum spennings-spælifilmi, sum verður sýndur í Sjónleikarhúsinum frá hósdegnum 14. mars.

Darwin og klukkur herseta Tjóðsavnið leygardagin 16. mars kl. 14, tá Tjóðsavnið og Bókadeild Føroya Lærarafelags bjóða inn til eina øðrvísi og spennandi sanvsvitjan við skaldskapi og náttúruvísindum. Á skránni eru spennandi framløgur, rundvísing og klukkuveiða.

Í dag er Grækarismessa, fyrsti várdagur hevur verið, og skjótt er várjavndøgur, tá ið vit eru mitt í millum stytsta og longsta dag.

Og hendan Grækarismessu-tematýsdagin fagna vit í Nón várinum.

Hvussu halda vit Grækarismessu í Føroyum? Vit vitjaðu í Klaksvík sunnudagin, tá Skótalið Nólsoyarpáls, við eitt nú stórfingnari skrúðgongu, hátíðarhelt 75 ára stovningardagin. Eisini vóru vit á Toftum á Grækarismessu, har næmingarráðið í Tofta skúla skipaði fyri Grækarismessuhaldi.

Grækarismessa er, og tjøldrini ímynda eina nýggja byrjan við ljósi og vónum.

Hvussu síggja lívfrøðingurin, sálarfrøðingurin og prestur várið?

Hoyr áhugaverda orðaskiftið millum Magnus Gaard, Erling Fles og Theodor Eli Dam Olsen.

Nógv virksemi er á virkinum Care on Sea í Hvalvík, sum átekur sær viðlíkahald og umvælingar av bátum, samstundis sum bátaeigarar eisini sjálvur kunnu fáast við sínar bátar, tá teir eru á bátahotellinum í Hvalvík. Og fleiri eru tey, sum hava bátarnar standandi innandura í Hvalvík í vetrarhálvuni.

Vit tosa við Søren Svenning Danielsen, sum rekur Care on Sea, og Búgva Johannesen, sum júst hevði fingið bátin hjá sær á land í Hvalvík, nú hann riggar til várróðurin.

Tú kanst hoyra frásøgnina her!

Tað hevur stóran týdning, at listin hevur eina meining um tað samfelagið, sum hon er ein partur av. Tað er millum sjónarmiðini, sum stjórin í Norðurlandahúsinum førir fram í hesi samrøðuni, har hon ger greitt, at Norðurlandahúsið í størri mun skal vera ein stovnur í føroyska samfelagnum, sum torir at seta mál á dagsskránna. Millum málini Gunn Hernes hevur sett sær, er at Norðurlandahúsið skal vera ein pallur til samfelagskjak, og at Norðurlandahúsið bæði skal røkka um alt landið og út um landoddarnar.

Á Grækarsimessu eru 75 ár liðin, síðani Skótalið Nólsoyarpáls varð sett á stovn. Vit fregnast um søgu, skótalív og hvat verður gjørt burturúr runda degnum.

Tú kanst hoyra samrøðuna við Árna Skaale, fylkisleiðara, her. Eisini fáa vit orðið á Símun Michael Sørensen..

Á Grækarsimessu eru 75 ár liðin, síðani Skótalið Nólsoyarpáls varð sett á stovn. Vit fregnast um søgu, skótalív og hvat verður gjørt burturúr runda degnum.

Í fjør summar tók Gunn Hernes við sum nýggjur stjóri í Norðurlandahúsinum í Føroyum. Hvørjir visiónir hevur hon við Føroya heitasta húsið er ein av spurningunum, vit seta henni, tá hon vitjar sum Hósdagsgestur.

Sendingin kann hoyrast her.

Farnu vikuna hevur høvið verið at sæð sjónleikin Deyðadansur 3.0, sum Teaterbólkurin Tvazz úr Føroyum, Teatergrad úr Danmark, og Teater Insite úr Svøríki, hava lagt úr hondum.

Og saman við Maritu Dalsgaard og Birnu Heinesen ummæla vit leikin.

FemiFagnaður 2019 er eitt av tiltøkunum, nú tað stundar til Altjóða kvinnudagin. Vit skifta orð við tveir av fyrireikarunum, nevniliga Hervør Pálsdóttir og Sunnuva Háberg Eysturstein, umframt Marnu Jacobsen, sum fer at lesa upp til tiltakið Orð & kyn.

Hanna Jensen, landsstýriskvinna í útbúgving og gransking, og Tóra Petersen, sálarfrøðingur, eru tveir av luttakarunum á tiltakinum, Skal samfelagið skifta fortekn, sum verður í Mentanarhúsinum í Fuglafirði fríggjakvøldið 8.mars á altjóða kvinnudegnum.

Tóra Petersen setur temaið, Skal samfelagið skifta fortekn í perspektiv við tølum og trends, og Hanna Jensen er við í kjakinum við heitinum, Einstaklingurin vs. Samfelagið,