Í þessum fyrsta þætti af Í Fremstu Röð fjöllum við um NOVA, fyrirtæki sem hefur hlotið íslensku ánægjuvogina 17 ár í röð. En frá því að þátturinn var tekinn upp bættist enn eitt árið við! 

Í þættinum ræði ég við þær Renötu Blöndal, fararstjóra upplifunar og Elfu Arnardóttur, þjálfara viðskiptaþróunar. 

Við köfum sérstaklega í tryggðarvegferð NOVA og hvernig fyrirtækið byggir upp langtíma samband við viðskiptavini sem snýst ekki um afslætti, heldur að skapa raunverulegt virði, þannig að viðskiptavinir elski að vera en hati að fara!

Við förum yfir hvað liggur raunverulega að baki árangri, allt frá menningu og teymisvinnu yfir í gögn, mælikvarða, samstörf og nýtingu gervigreindar.

Og að lokum gefa þær Elfa og Renata hlustendum hagnýt ráð til að hefja eigin tryggðarvegferð.

Þessi þáttur er fyrir alla sem vilja byggja upp sterkari tengsl og raunverulegt langtímasamband við viðskiptavini.

Góða skemmtun!

Sérstakar þakkir fær Hans Pjetursson fyrir tónlistina í þættinum.