● الطاقم التقني في "التغييب المقصود و الإرادي" للإدارة الرياضية من طرف المكتب المسير : شناهي المهمة ديال أبو شروان فالراجا ؟!

● بعد أسابيع من الإنجاز التاريخي للمنتخب فكاس لعالم ، شناهو التأثير على الكرة المغربية و بالخصوص على مسألة التكوين؟قبل ماندويو على الواقع، غانحاولو فهاد الحلقة نفهمو بعدا شناهي سياسة التكوين لي كاينة فالمغرب و شناهو الإطار القانوني لي كاينظم هاد المسألة.

● المحور الاول غانخصصوه لمناقشة ماتشات المولودية الوجدية و الجيش الملكي و لقاء الغد ضد الدفاع الجديدي باش نكملو فسلسلة الإنتصارات و نجمعو أكبر عدد من النقاط قبل ماتبدا CL

● المحور الثاني : المندر لكبير، إجتياز أول إختبار، قراءة فالديسكور و كيفاش باغي يلعب و يسير الأشهر المقبلة و شنو خاص يدار باش مانعاودوش نطيحو فمتلازمة غياب الإدارة الرياضية.

● المحور الثالث : تحفيز و تشجيع اللاعبين و دور الجمهور . كلنا شفنا و فرحنا لإحتفاليات اللاعبين مع الجمهور و لكن واش الجمهور يقدر يشجع و يدفع باللاعبين كذلك وسط لماتشات باش يبقاو مركزين تال آخر دقيقة ؟!

● كرويا- نتائج الدورات الأخيرة فالبطولة و ناقشو كذلك مستوى الفرق لي فمقدمة الترتيب- الميركاطو الشتوي بين déjà vu و التركيبة البشرية- منافسات CL

● مبادرة "راجامعانا" أو الصينية :- شناهو الهدف ؟!- لي مع هاد المبادرة و علاش ؟!- لي ضد المبادرة و علاش ؟!

● العهد التسييري .. الخطاب و الممارسة كل الإقتراحات والأسئلة مرحب بيها فالتعاليق 🙏تهلاو و ديما راجا و الله يرزق الصحة و السلامة 🤲

بعد غيبة طويلة أملاها الواقع الراجاوي لي ماخلا لينا مانقولو و أملاها كذلك تألق رموز العهد التسييري الجديد لي إكتسحوا الأخضر و اليابس.

خيبة الامل لي بعداتنا على البودكاست ماخلاتناش نبقاو متجاهلين الإنجاز لي عشناه طيلة هاد الأسابيع الاخيرة مع المنتخب الوطني، شعارات و ميساجات و رسائل من قبيل "ديرو النية" و "خاص تغيير العقليات"  و "تيقو فالكفاءات"  كان البطل ديالها وليد الركراكي عاود عطاتنا واحد سوفل جديد باش نرجعو لصديقات و أصدقاء Nser Zawya.

غدا إن شاء الله غناقشو المواضيع التالية :

● المنتخب الوطني المغربي و صناعة التاريخ

-   قبل لمونديال flashback و التوقعات

-   شناهما العومل لي ساهمو فهاد الإنجاز ؟!

-   شناهما لحوايج لي خاصنا نصلحو ؟!

-   شنو خاص يدار باش نربحو كاس إفريقيا ؟!

● إنجاز المنتخب و التأثير على البطولة

-  كيفاش غايتعاملو لفراقي مع هاد الإنجاز ؟!

-  شناهي مسؤولية الجامعة و الاندية للرفع من المستوى ؟!

-  واش يقدر يدير وليد الركراكي يساهم فتغيير العقليات ؟!

● الراجا : البطولة و قرعة CL

كونو معانا و مرحبا بصديقات و أصدقاء نسر الزاوية معانا و ديما راجا 💚

صديقات و أصدقاء نسر الزاوية

بداية البطولة و معها حلقة جديدة من بودكاست نسر الزاوية اليوم الجمعة مع 8 مساءا بتوقيت درب السلطان

غادي نتكلموا في الشق الرياضي مع تعيين المدرب الجديد، الاستعدادات القبلية للموسم، المجموعة ديال اللاعبين اللي غادي يحملوا القميص و حظوظ الرجا هاد الموسم فالواجهات بثلاثة

غادي يكون معنا الصحفي الرجاوي عدنان الشطراوي مع باقي أعضاء الفريق

يعيش الكيان 💚🦅

● نهاية الموسم : الحصيلة العامة ● التحضير للموسم المقبل: شناهو الهدف و كيفاش نوصلو ليه ● على بعد 4 أيام من التاريخ المعلن للجمع العام : شناهو المشروع الرياضي ديال الأربع سنوات المقبلة

(1) دابا كاين إجماع بلي المرحلة السابقة (ولا المراحل السابقة)  كانو فيها كوارث تسييرية ولا أغلاط تسييرية وصلاتنا لباب مسدود .. دابا كاينة إرادة لعهد تسييري جديد ..  (2)  لنفرض بلي مكان تا واحد عارف بلي غايكونو أخطاء تسييرية فالمراحل السابقة و بلي مكناش نقدرو نقولو بلي الدخان لي كان كايبان مكانش كايعني بلي لعافية غاتشعل.. (3) لنفرض جدلا كذلك  بلي كل مرة كنا كانجربو شي حاجة مختلفة و بالتالي مكانش بالإمكان أننا نعرفو واش كنا كانعاودو نفس السبب لي كايوصلنا لنفس النتيجة ..  الا اعتابرنا بلي (2) و (3) فرضيات صحاح ..  كيفاش نقدرو نبرهنو على مصداقية و صحة (1) ؟!  شاركو معانا الآراء ديالكم و التصور و السبل لي كاتبان ليكم  تقدر تزيد بالراجا للقدام و لي كاتمناو كذلك من المكتب و الرئيس الحالي يخدمو عليهم.

على بعد ساعات من إنعقاد الجمع العام الإستثنائي بعد تنحي المكتب الحالي من المسؤولية المنوطة إليه آخر الأوراق لتفادي الخروج بموسم صفري ، غذا إن شاء الله مقابلة الديربي لي غاتفصل بشكل كبير فحسم اللقب.  ● شناهما الحظوظ ديالنا فمقابلة الغد و شناهو التأثير ديال النتيجة على بقية البطولة و الموسم المقبل؟ بعدما إستنفدت منظومة الإنخراط الحالية كل الحلول الكائنة و الممكنة و بعدما إقتنع الكل بإستحالة التغيير في ظل هاد الجمود و الإنحطاط لي وصلاتنا ليه ، ربما "الحل" يأتي خارج هاد المنظومة لي تضررات منها الراجا بزاف بينما ستافد و مزال كايستافد منها بزاف ديال الإنتهازيين.         " عزيز البدراوي مرشح وحيد لرئاسة الراجا" بزاف ديال النقاط الإيجابية لي كاتبين بالواضح بلي البدراوي على علم بكل كبيرة و صغيرة فالراجا.  بزاف ديال الجرأة و الشجاعة فالتطرق لمكامن الخلل على جميع الأصعدة و المستويات. كاريزما خطابية تليق برئاسة الراجا و رد الإعتبار للراجا لي افتقدناها منذ مدة ليست بالقصيرة.  هادو هما أول الإشارات و أول الأفكار لي ممكن نلتقطوها الا سمعنا الخرجات ديال المرشح الوحيد. ولكن هدشي كايبقا غير خطابات لي ممكن تعتابر قوية أحيانا و شعبوية أحيانا أخرى.  في إنتظار المشروع الرياضي و التنزيل الفعلي و العملي على أرض الواقع،  قراءة و نقاش فأبرز المحاور لي تطرق ليها المرشح الوحيد فالخرجات الإعلامية الأخيرة :  ● الحكامة الجيدة و الهيكلة الإدارية  ● التسيير الرياضي و الأكاديمية ● التسيير المالي و تدبير النزاعات  ● السياسة التواصلية و الشفافية  ● إصلاح منظومة الإنخراط و تمثيلية الجمهور

مكتب أنيس محفوظ علم على إستقالة فنهاية الموسم. كلشي  كاي ينتظر الاعلان عن:  - تاريخ الجمع العام  - أسماء المرشحين لرئاسة الرجاء  في هاذ الظرفية الصعبة، أعلن كل من البدراوي و فهمي نيتهم الترشيح للرآسة. كل واحد فيهم كايقول بأنه حامل مشروع وكل واحد عند نهج ونظرة للخروج من الوحل الناتج عن سنين من العبث.  الجمهور عايش أزمة ثقة في المنخرطين وباغي الرجاء ترجع لمكانها ولكن باي ثمن؟  بدورنا كطرف من جمهور الرجاء، عندنا رؤية خاصة بنا ولي غانتقاسموها معاكم في الحلقة 30 من بودكاست نسر الزاوية.  و أول سؤال يطرح نفسه هو :  واش الأزمة أزمة رئيس؟

بعد الإقصاء المذل من CL ، كانقصيو راسنا رسميا من حظوظ  الظفر بالبطولة بغض النظر على نتائج المتصدر بما يعني مابقاتش مسألة الفوز بالبطولة بين يدينا من غير لكان شي تعثر " آخر" ديال المتصدر. تحصيل حاصل و الهروب من المسؤولية عبر بلاغ الإستقالة ديال المكتب المسير و النداء لجمع عام إستثنائي في تحد  سافر و خرق واضح لما يسمى "بالديموقراطية الرجاوية" :    هذه بضاعتكم ردت إليكم. مؤخرا كترات الهضرة بزاف على أزمة منظومة الإنخراط و إصلاح منظومة الإنخراط و مسؤولية المنخرطين في إعادة كتابة سيناريو العبث كل عام بالديطاي الممل جدّا. واش بصاح المنخرطين عندهم يد فهدشي و شناهما الأسباب لي خلات أصابع الإتهام توجه ليهم؟ واش وصلنا لمرحلة الوعي الجماعي بمسألة إصلاح المنظومة ولا فقط effet de mode كيما وقع لمواضيع لا تقل أهمية  كالإدارة الرياضية و الإدارة التقنية ؟ كيفاش ممكن ترجع الثقة ففرضية الإصلاح من داخل منظومة مسؤولة مباشرة على الواقع المعاش ؟ كونوا معانا هاد الليلة إن شاء الله مع 21:00 بالتوقيت المغربي لمناقشة هاد المحاور و التفكير فكيفية الخروج بأقل الأضرار هاد الموسم.