Láithreoir: Fionnuala Uí Neachtain.

An barr is deireanaí nuachta.

Tá go leor cáineadh déanta ar an Scéim Tacaíochta Daonnúil, le teacht i gcabhair ar dhaoine a ndearna Stoirm Eowyn damáiste dá gcuid maoine. Tá daoine ag rá go raibh sé ró-chasta agus gur cuireadh deireadh leis an gcéad chuid den scéim gan dóthain foláirimh a thabhairt don phobal.

Tá an-amhras dá léiriú san Úcráin faoin gcomhrá a bhí inné ag Uachtarán na Rúise agus Uachtarán Stáit Aontaithe Mheiriceá faoi réiteach shíochánta a fhail ar chogadh na hÚcráine. Inniú, tá sé tugtha le fios ag Volodymyr Zelensky go bhfuil sé sásta freastal ar na cainteanna síochána atá le reáchtáil i Jeddah na hAraibe Sádaí ar an Domhnach.

Tá cruinniú ar siúl faoi láthair i mBaile Átha Cliath le súil réiteach a fháil a fhadhbanna maoinithe Fhoras na Gaeilge. I mí Eanáir d’fhógair an Foras ciorraithe €820,000, maoiniú a raibh eagraíochtaí Gaeilge ar fud na tíre ag braith uirthi.

Tá an rialtas chun Comhairle Naisiúnta Slándála agus Cosanta nua a bhunú, cén bhaint a bheidh ag an gComhairle nua leis na h-iarrachtaí atá san Aontas Eorpach le haghaidh cúrsaí cosanta comónta a dhréachtadh. Tá Banc Ceannais na hÉireann ag tuar go mbeidh titim beag ar an mborradh eacnamaíochta sa tír seo i mbliana.

Nuacht Náisiúnta & Idirnáisiúnta Marion Ní Shúilleabháín Nuacht an Deiscirt Conn Ó Muíneacháín Nuacht an Tuaiscirt Caoimhe Ní Chonchoille Nuacht an Iarthair Séamus Ó Scanláin.

Nuacht an Iarthair.

Tá na céadta oibrí, dream atá fostaithe mar churamóirí baile den chuid is mó, fágtha amach as an socrú páigh a haontaíodh an tseachtain seo sa gCoimisiún um Chaidreamh san Áit Oibre, d'oibrithe pobail agus deonacha.

Nuacht an Deiscirt.