Nuacht an Deiscirt.

Nuacht Náisiúnta & Idirnáisiúnta Marion Ní Shúilleabháin Nuacht an Tuaiscirt Maighréad Uí Annluain Nuacht an Iarthair Séamus Ó Scanláin Nuacht anDeiscirt Róisín Ní Chéilleachair.

Leanfar tráthnóna amárach sa Dáil den phlé le leasaithe a dhéanamh ar Bhille Údarás na Gaeltachta, tráth a dtabharfar Staid an Choiste chun críche. Tá imní ar an Teachta Ó Snodaigh go gcuirfidh an rialtas an ‘guillotine’ i bhfeidhm, tá plé 5 huaire a chloig curtha go leath taobh amárach ag an rialtas.

Deir an Tánaiste nach bhfuil aon amhras ach go mbeidh constaicí trádála nua feasta idir na Stáit Aontaithe agus an tAontas Eorpach. Dúirt sé go mbeadh sé ag iarraidh cúrsaí trádála idir Eirinn agus na Stáit Aontaithe a dhéanamh níos éasca.

An barr is deireannaí nuachta.

Inné shaoragh Hamas an saighdiúir Edan Alexander, saoránach de chuid Mheiriceá agus Iosrael a bhí á choinneáil ina ghiall le 19 mí. Tuigtear gur comhartha deá-mhéine a bhí anseo, sula gcuirfeadh Uachtarán Mheiriceá Donald Trump tús lena chuairt ar an Meán-Oirthear inniu. Cé chomh suntasach is atá sé seo do Gaza?

Tuairiscítear gur ag díriú a chúrsaí eacnamaíochta agus ar chúrsaí slándála a bheidh Uachtarán Trump na Stáit Aontaithe sa gcuairt trí lá atá dá thabhairt aige ar an Araib Shádach, an Chatar agus ar Aontas na nÉimíríochtaí Arabacha. Níl aon chuairt ar Iosraeil beartaithe. An bhfuil suntas dá thabhairt de seo i Meiriceá?

Tá sé ráite ag Uachtarán na hÚcráine, Volodymyr Zelensky go bhfuil sé faoi réir le freastal ar chainteanna síochána a chuirfeadh deireadh leis an gcogadh leis an Rúis, an fhad agus go mbeidh an t-Uachtarán Vladimir Putin i láthair freisin ag an gcruinniú.

Deir Coimisinéir na nGardaí, Drew Harris go gcaithfidh an pobal a bheith i bhfad níos cúramaí agus aird a thabhairt ar shábháilteacht bóithre.

Reáchtáladh agóidí ag scoileanna náisiúnta ó Chois Fharraige go Bearna ar maidin le aird a tharraingt  ar an gcontúirt a bhaineann le bóthar an R336 agus go bhfuil sé thar am é a dhéanamh níos sábháilte don phobal agus do na gasúir scoile.