Mar gheall ar pholasaí an Uachtaráin Trump táillí breise trádála a ghearradh ar chomhlachtaí atá ag díol táirgí ar fud Mheiriceá cén tionchar atá ag a théarma oifige ar gheilleagar ní amháin na Stáit Aontaithe ach ar fud na cruinne?

Tá ceapadh Brendan McDonagh, cathaoirleach na Gníomhaireachta Náisiúnta um Bainistíocht Sócmhainní cáinte ag Sinn Fein mar cheannasaí rannóige nua a fhéachas le aghaidh a thabhairt ar an ngéarchéim lóistín atá sa tír. Deir Mairéad nár lorg sí cathaoirleacht Choiste Oireachtais na gCuntas Poiblí.

Tá toil an rialtais faighte ag an Aire Dlí & Cirt Jim O’Callaghan le athbhreithniú a dhéanamh ar chóras tearmainn na tíre. Deir an tAire go bhfuil an córas reatha ró liopasta. Tá an freasúra ag rá go mbeidh leasaithe an Aire i bhfad ró-dhian agus ró-ghéar.

Nuacht Náisiúnta & Idirnáisiúnta Cáit de Bhailís Nuacht an Iarthair Aoife Ní Chonghaile Nuacht an Deiscirt Róisín Ní Chéilleachair Nuacht anTuaiscirt Maighréad Uí Annluain.

An barr is deireanaí nuachta.

I gCeanada, tá an Príomh Aire Mark Carney ag maíomh go bhfuil an t-olltoghchán buaite ag a pháirtí; An Páirtí Liobrálach cé nach mbeidh móramh iomlán acu agus go mbeidh siad ag braith ar thacaíocht páirtithe eile.

Ar maidin, tugadh tuairisc Ombudsman na bPóilíní ar lámh do ghaolta na ndaoine a maraíodh san ionsaí a déanadh ar oibrithe Protastúnacha ar an Sruthán, i ndeisceart Ard Mhacha tá beagnach 50 bliain ó shin.

Tá Comhdháil na gCeardchumann agus an tÚdarás Sláinte agus Sábháilteachta ag éileamh go gceapfaí tuilleadh ionadaithe slándála agus sábháilteachta in ionaid oibre, ionas nach mbeadh an-oiread daoine á ngortú agus á marú sa láthair oibre.

Tá sé tugtha le fios ag an gCoimisiún Neamhspleách um Aimsiú Taisí Íospartach go bhfuil Eamonn Henry ceaptha acu mar phríomh imscrúdaitheoir. Tá tuilleadh brú ag teacht ar an ngrúpa ceoil Kneecap mar gheall ar an gconspóid faoi ráitis a líomhnaítear a rinne siad gur cheart polaiteoirí a mharú.

Tá trí lá sos comhraic fógraithe ag Uachtarán na Ruise Vladmir Putin san Ucráin ón 8ú lá den chead mhí eile. Deir an Rúis go bhfuil súil acu go bhfógróidh an Úcráin macasamhail de shos cogaidh.