Die minister van Minerale en Petroleumbronne, Gwede Mantashe, sê vyf mynwerkers wat vroeër die week vasgekeer is na 'n modderstorting in die Ekapa-myn in Kimberley in die Noord-Kaap, is vermoedelik dood. Reddingspogings duur voort, maar sal na verwagting langer neem weens water- en boorprobleme. Mantashe sal die gesinne toespreek en beskryf die voorval as 'n moontlike ramp. Hy sê 'n rekord 41 sterftes is verlede jaar in die mynbedryf aangeteken:

Die onderwysministerie het die parlement op hoogte gebring van sy kapitaalprojekte landwyd. Adjunk-onderwysminister Dino Ballotti sê ongeveer 508 kapitaalprojekte is in al 14 streke aan die gang, wat deur die ministerie onder die 2025/26-boekjaar-befondsing gefasiliteer word. Die ministerie is in die laaste boekjaar 'n algehele begroting van 24,8 miljard Namibiese dollar toegeken.

Die Gautengse Gesondheidsdepartement is bekommerd oor die groeiende vetsugkrisis in die provinsie, wat gepaardgaan met 'n toename in nie-oordraagbare siektes soos diabetes, hoë bloeddruk, beroertes en hartsiektes. Die provinsie het die afgelope 12-maande meer as 67 000 nuwe gevalle van hoë bloeddruk aangeteken. LUR Nomantu Nkomo-Ralehoko sê inwoners se gesondheid en welstand is belangrik:

Die onlangse wysigings aan die bestuursreëlings van die Suid-Afrikaanse Suikervereniging en die suikerbedryf-ooreenkoms wat die minister van Handel, Nywerheid en Mededinging, Parks Tau, in die Staatskoerant gepubliseer het, moes lankal in die sektor plaasgevind het. Dit volg met die bevestiging dat Tongaat Hulett bankrot verklaar word nadat sakereddingpraktisyns alles moontlik gedoen het om die maatskappy te red. Mlondli Mdluli van die DA sê die suikerbedryf se toekoms kan nie net afhang van regulatoriese aanpassings of regeringsbeskerming nie:

Psigoterapeut Lucy Beresford sê die arrestasie van Andrew Mountbatten-Windsor is ‘n kragtige oomblik vir die slagoffers van Jeffrey Epstein en is amper 'n gevoel van karma dat jy iemand met soveel mag kan sien wat nou soos die res van ons behandel word. Sy het met SkyNews gepraat.

Internasionale Moedertaaldag word op 21 Februarie herdenk en op Kosmos 94.1 is Afrikaans die wagwoord. Vanjaar se tema is, “Die gebruik van tegnologie vir veeltalige onderrig: uitdagings en geleenthede”. Verlede jaar het ons 100 jaar van Afrikaans gevier, vanjaar kyk ons na die voortbou van ons taal. Kosmos 94.1 Nuus het met Elizma Theron, die voorsitter van die Windhoek FNB Woordfees gepraat, wat 'n oorsig gee oor hoe ons kan voortbou in Afrikaans wanneer die taal soveel uitdagings in die gesig staar.

Die gemiddelde verkooppryse wat binnelandse produsente vir hul produksie ontvang het 'n kwartaallikse afname van 3,9 persent in die vierde kwartaal van 2025 getoon, maar het met 3,1 persent op 'n jaarbasis gestyg. Die jongste produsenteprysindeks wat deur die Namibiese Statistiekagentskap vrygestel is, toon dat prysstygings vir goedere uit die mynbou- en steengroefsektor die primêre dryfvere van die jaarlikse groei was. Die agentskap se woordvoerder Mirjam Shihepo:

Daar is uiters goeie vooruitsigte vir reën as weerkenner George van der Merwe se intepretasie van die weermodelle en twee heersende sisteme reg is. Veral die Suide kan ook goeie neerslae verwag. Luister self.

Trustco Group Holdings bevestig dat die 468 miljoen Namibiese dollar Legal Shield Holdings transaksie ten volle afgehandel word, na 'n mislukte oornamepoging deur Riskowitz Value Fund. Kosmos 94.1 Nuus het met Trustco se adjunk-uitvoerende hoof, Quinton van Rooyen Jnr. gepraat.

Die Forum for South Africa vra 'n ondersoek na die buitensporige styging in vleispryse in die land. Nuwe data van Statistieke Suid-Afrika, wys die jaarlikse styging van vleispryse het van Desember tot nou van 12,6-persent tot 13,5-persent gestyg met drie beesvleisprodukte wat die hoogste jaarlikse styging van al 391 produkte in die verbruikersindeks-mandjie behaal het. Die voorsitter van FOSA, Tebogo Mashilompane, sê vleis raak onbekostigbaar vir werkersklas huishoudings: