Die voorsitter van die Madlanga-kommissie, regter Mbuyiseli Madlanga, het die polisie-informant Brown Mogotsi skerp gekritiseer nadat hy erken het hy het onder eed gelieg. Mogotsi het in 'n vals beëdigde verklaring teenoor 'n polisiebeampte beweer hy het in die polisie-ministerie gewerk om 'n geheime operasie te ondersteun. Madlanga sê sy getuienis toon minagting vir die waarheid. Hy voer aan misleiding was deel van Mogotsi se werk, maar in hierdie geval verwerp hy alle regverdiging daarvoor:

Die voorsitter van die Madlanga-kommissie, regter Mbuyiseli Madlanga, het die polisie-informant Brown Mogotsi skerp gekritiseer nadat hy erken het hy het onder eed gelieg. Mogotsi het in 'n vals beëdigde verklaring teenoor 'n polisiebeampte beweer hy het in die polisie-ministerie gewerk om 'n geheime operasie te ondersteun. Madlanga sê sy getuienis toon minagting vir die waarheid. Hy voer aan misleiding was deel van Mogotsi se werk, maar in hierdie geval verwerp hy alle regverdiging daarvoor:

Die vakbond Nehawu verwerp die verhoging van 9,8-persent in lede se bydrae tot die mediese fonds vir regeringsamptenare vir volgende jaar. Volgens die fonds is die aanpassing 'n nodige belegging om sukses te verseker en waarde en bestendigheid vir meer as 2,4-miljoen lede te verseker. Nehawu se woordvoerder, Lwazi Nkolonzi, sê die besluit ignoreer die feit dat die fonds lede se bydraes die afgelope twee jaar met meer as 25-persent verhoog het sonder om werkers se finansiële uitdagings in ag te neem:

Een van president Donald Trump se geestelike adviseurs sê dat interne konflik in Nigerië 'n terreuroorlog is eerder as 'n oorlog van Christene teen Moslems. Die Amerikaanse president beweer dat Christene in Nigerië vervolging in die gesig staar. Mark Burns sê aan Sky News die kwessie is uiters kompleks.

Reaksie kom in oor die Namibiese Groenwaterstofprogram wat op wankelrige voet is weens finansieringstekorte en geen bevestigde regeringsbevondsing nie. Dr. Chris Brown, die uitvoerende hoof van die Namibiese Kamer van die Omgewing, wat voorheen kritiek op die groenwaterstofbedryf uitgespreek het, het met Kosmos 94.1 Nuus gepraat. Hy sê ‘groen’ projekte en bedrywe moenie biodiversiteit benadeel nie.

Die regering word aangespoor om die ontwikkeling van die informele sektor te prioritiseer. Die sektor dra 12 persent tot die nasionale BBP by en bied 'n lewensonderhoud vir byna 60 persent van die bevolking. Maar die sektor betaal nie belasting nie. In 'n onderhoud met Kosmos 94.1 Nuus, het stigters-lid van Cirrus, Romé Mostert, gesê die regering moet werk vir die sektor makliker maak.

Prokureur Richard Metcalfe het kommer uitgespreek oor die sloerstaking deur landdroste, en waarsku dat dit toegang tot geregtigheid kan ondermyn. Metcalfe sê landdroste, as grondwetlike beskermers van die laerhowe, loop die risiko om die regte wat hulle moet beskerm, te belemmer. Hy het aan Kosmos 94.1 Nuus gesê dat sommige landdroste geweier het om by die aksie aan te sluit terwyl ander voortgaan, 'n gedrag wat hy as ongrondwetlik beskryf.

Die Amerikaanse president Donald Trump het sy kritiek op die voorsitter van die Federale Reserweraad, Jerome Powell, verskerp omdat hy nie rentekoerse verlaag nie. Trump het tydens 'n Saoedi-Arabië-gesteunde beleggingsforum in Washington die Tesourie-sekretaris, Scott Bessent, aangespoor om die soektog na 'n opvolger vir Powell, wie se termyn as voorsitter van die Fed in Mei eindig, te versnel.

Die vakverbond Cosatu vra die Suid-Afrikaanse Reserwebank om werkers en die ekonomie ʼn blaaskans te gee en die terugkoopkoers vandag met minstens 50-basispunte te verlaag. By die Reserwebank se mees onlangse vergadering van sy Monetêre Beleidskomitee in September, is die basiese terugkoopkoers op sewe-persent behou. Cosatu-woordvoerder Matthew Parks sê verhogings in die terugkoopkoers het oor die jare die lewe vir miljoene werkers ondraaglik gemaak:

Die GOOD Party sê dis totaal onvanpas van Suid-Afrika om diè wat die onverwagte aankoms van 153 Palestyne verlede week in land gereël het, te kritiseer. Die minister van Internasionale Betrekkinge en Samewerking, Ronald Lamola, sê die vlug wat die vlugtelinge vervoer het, was deel van 'n duidelike agenda om Palestyne uit Gaza en die Wesbank te verwyder. Die sekretaris-generaal van GOOD, Brett Herron, sê die Israelse regering het 'n slinkse bose plan beraam om mense vir hul eie gedwonge verskuiwing te laat betaal: