Namibië en Indië gaan saamwerk in gesondheid en medisynevervaardiging. Die memorandum van verstandhouding is onderteken deur gesondheidminister dr. Esperance Luvindao, en Indië se buitelandse sake-minister, dr. Subrahmanyam Jaishankar, vir samewerking op gebiede soos mediese opleiding, navorsing en gesondheidsorgdienste. Kosmos 94.1 Nuus het met die oud-gesondheidsminister en mediese dokter, Bernard Haufiku gepraat.

Die Gedragsowerheid vir die Finansiële Sektor het onthul hy het in die afgelope boekjaar boetes van byna 120-miljoen Suid-Afrikaanse rand opgelê. Dit is 'n afname ná die vorige jaar en word toegeskryf aan die feit dat grootskaalse bedrogsake, soos dié van Steinhoff, afgehandel is. Die finansiële waghond het voortgesette pogings uitgelig om mark-integriteit te versterk en verbruikers binne Suid-Afrika se finansiële sektor te beskerm. Die kommissaris, Unathi Kamlana, sê die owerheid streef daarna om sy prosesse te verbeter:

Duitsland se kanselier Friedrich Merz het by 'n konferensie in Rome oor ondersteuning aan Oekraïne gesê die land is bereid om Patriot-missiele van die VSA te koop en aan Kiëf te gee. Hy het lugverdediging met ander leiers en Oekraïnse president Volodymyr Zelensky bespreek, na nog 'n Russiese massa-lugaanval waarin twee mense dood en 22 beseer is. Zelensky het by die konferensie gepraat.

Kry die nuus soos dit breek.

Die landboudepartement het ná agt weke amptelik die verbod op Brasiliaanse meganies-ontbeende vleis en hoender opgehef. Die verbod is ingestel nadat voëlgriep op 'n plaas in Rio Grande do Sul ontdek is, wat veroorsaak het dat 95-persent van Suid-Afrika se meganies-ontbeende vleisvoorraad afgesny is. Georg Southey van Merlog Foods verwelkom die ooreenkoms tussen die departement en Brasiliaanse landbou-owerhede om invoere te hervat, maar waarsku so 'n situasie kan weer kop uitsteek:

Die woordvoerder van Unicef, James Elder sê daar is genoeg kos op die grens van Israel om ‘n miljoen mense vir vier maande te voed maar, dit staan net daar. Hy sê dit kan nie genormaliseer word nie. Hulp moet onmiddellik toegelaat word in Gaza.

Adjunk-onderwysminister Dino Ballotti het bevestig dat hy 'n petisie van werklose gegradueerde onderwysers ontvang het. Meer as 15 000 word vanjaar geraak. Hulle eise sluit in massawerwing en die skrapping van onderhoude. Ballotti sê die ministerie is in gesprek met die groep en sal later vandeesmaand antwoord gee.

Reaksie word ontvang op die finansminister, Namfisa, en Regeringsinstellings Pensioenfonds wat 'n pensioengesteunde huisleningskema ingestel het, wat lede toelaat om 'n deel van hul pensioenspaargeld as kollateraal vir huislenings te gebruik. Dit dek die koop van grond, opknappings of die terugbetaling van eiendomslenings. Kosmos 94.1 Nuus het met Tucna sekretaris-generaal Mahongora Kavihuha gepraat. Hulle is ongelukkig.

Die Bank van Namibië sê die gebrek aan 'n plaaslike goudraffinadery sal nie hul plan beïnvloed om goud by die nasionale reserwes te voeg nie. Adjunk-goewerneur Ebson Uanguta verduidelik dat Namibië se rou goud in die buiteland geraffineer sal word om aan die suiwerheidstandaard van 99,9 persent te voldoen. Goewerneur Johannes !Gawaxab het opgemerk dat die uitvoering van die breër plan by die minister van finansies, Erica Shafuda, berus. Uanguta het meer.

Onderhandelinge tussen Israel en Hamas in Katar oor 'n nuwe Gaza-wapenstilstand en die vrylating van gyselaars sukkel voort met onbelemmerde VN-hulp en die IDF se volle onttrekking wat blykbaar haakplekke is. Hamas het reeds aangebied om tien gyselaars vry te laat en president Donald Trump het ook gesê ‘n ooreenkoms kan bereik word. In Israel wag Ella Chaimi op die oorskot van haar man Thal, wat op 7 Oktober 2023 vermoor is en wie se liggaam na Gaza geneem is.