Sign up to save your podcasts
Or
Share O ai ea le tagata 5?(What is man? 5)
Share to email
Share to Facebook
Share to X
Share to email
Share to Facebook
Share to X
Or
O ai ea le tagata 5?(What is man? 5)
OPEN HEAVENS
MATALA LE LAGI MO LE ASO TOFI 15 IANUARI 2026
(tusia e Pastor EA Adeboye)
Manatu Autu: O ai ea le tagata 5?(What is man? 5)
Tauloto Tusi Paia: Luka 12:7 “A o ‘outou lauulu lava ‘ua faitaulia uma ia, ‘aua tou te matata‘u, ‘ua sili ‘outou i manu iti e tele.”
Faitauga - Tusi Paia: Mataio 7:9-11
Fai mai le Salamo 8:4 “se a ‘ea le tagata ‘e te manatu mai ai ‘iā te ia; ma le atali‘i o le tagata ‘e te asiasi mai ai ‘iā te ia?”
Na fai le fesili a le fai salamo i le fuaitau o loo taua i luga. O le alofa o le Atua e fa‘avavau, ma fa‘afualoaina ‘iā te oe (Ieremia 31:3). E alofa tele mai o ia ma ina ua paū Atamu i le faatoaga i Etena, na ia tuua faatasi se fuafuaga mo le toe faaolaina o i tatou ma toe faafoisia ia te ia. Na ia foai mai iai tatou le aia tatau e nonofo ai ma ia, ona o lona alofa tele iai tatou. Fai mai le Efeso 2:6 na faia e le Atua e tatou te nonofo faatasi ma Keriso i mea o i le lagi.
I le matou nuu ou te sau ai e taua o Yorubaland e masani ona matou faapea, o le fale o le tagata e te alofa iai e le mamao atu. Ona o le alofa tele mai o le Atua iai tatou, na afio mai lava o ia mai le lagi e faaolaina i tatou. E alofa tele mai o ia iai tatou e oo i lauulu o lou ao e tāua ia te ia.
Fai mai le Mataio 10:29-31 “E lē fa‘ataulia ‘ea ni manu iti se lua i le asari? E leai fo‘i so lā‘ua e pa‘ū i le ‘ele‘ele e aunoa ma lo ‘outou Tamā. A o ‘outou lauulu lava ‘ua faitaulia uma ia. O lea ‘aua tou te matata‘u ai; e sili ‘outou i manu iti e tele.”
O soo se taimi ou te faalogo ai i kerisiano o faapea mai e masalosalo i o latou loto pe tali mai ea le Atua ia latou tatalo pe leai, ou te manatu pe latou te iloa moni le alofa o le Atua iai latou. Fai mai le Roma 8:32 “O ia lava sa na lē fa‘asaoina lona lava Alo, a ‘ua tu‘uina mai o ia ‘ona o i tatou uma lava, e lē foa‘i fua mai ‘ea e ia ‘iā te i tatou mea uma lava fa‘atasi ma ia i se a?”
A alofa naua se tagata ia te oe ae ia auina atu lona alo e toatasi e faaola ia te oe, o le a seisi mea e sili atu e na te lē mafai ona tuuina atu ia te oe? Ou te manao ia e iloa le sili o le alofa ma le faatauaina o oe i le Atua ma a e alu atu ia te ia i le tatalo, o le a e iloa o loo e talanoa atu i se tasi e naunau e foai atu ia te oe soo se mea e te ole atu ai ma e finagalo e tuuina atu ia te oe mea e pito sili ona lelei (Ioane 14:13-14).
Le au pele e, e alofa le Atua ia te oe, e sili atu i ou manatunatuga uma, ma e te faatigā ia te ia pe afai e te lē iloa lou taua ia te ia. Faaalu lou taimi taua ma ia i aso uma ma ia e iloa le tele o mea matagofie ua ia saunia mo oe. O le alofa o le Atua mo oe e faafualoa ma e faavavau, i le suafa o Iesu, Amene.
View all episodes
By Open Heavens Samoa
5
55 ratings
OPEN HEAVENS
MATALA LE LAGI MO LE ASO TOFI 15 IANUARI 2026
(tusia e Pastor EA Adeboye)
Manatu Autu: O ai ea le tagata 5?(What is man? 5)
Tauloto Tusi Paia: Luka 12:7 “A o ‘outou lauulu lava ‘ua faitaulia uma ia, ‘aua tou te matata‘u, ‘ua sili ‘outou i manu iti e tele.”
Faitauga - Tusi Paia: Mataio 7:9-11
Fai mai le Salamo 8:4 “se a ‘ea le tagata ‘e te manatu mai ai ‘iā te ia; ma le atali‘i o le tagata ‘e te asiasi mai ai ‘iā te ia?”
Na fai le fesili a le fai salamo i le fuaitau o loo taua i luga. O le alofa o le Atua e fa‘avavau, ma fa‘afualoaina ‘iā te oe (Ieremia 31:3). E alofa tele mai o ia ma ina ua paū Atamu i le faatoaga i Etena, na ia tuua faatasi se fuafuaga mo le toe faaolaina o i tatou ma toe faafoisia ia te ia. Na ia foai mai iai tatou le aia tatau e nonofo ai ma ia, ona o lona alofa tele iai tatou. Fai mai le Efeso 2:6 na faia e le Atua e tatou te nonofo faatasi ma Keriso i mea o i le lagi.
I le matou nuu ou te sau ai e taua o Yorubaland e masani ona matou faapea, o le fale o le tagata e te alofa iai e le mamao atu. Ona o le alofa tele mai o le Atua iai tatou, na afio mai lava o ia mai le lagi e faaolaina i tatou. E alofa tele mai o ia iai tatou e oo i lauulu o lou ao e tāua ia te ia.
Fai mai le Mataio 10:29-31 “E lē fa‘ataulia ‘ea ni manu iti se lua i le asari? E leai fo‘i so lā‘ua e pa‘ū i le ‘ele‘ele e aunoa ma lo ‘outou Tamā. A o ‘outou lauulu lava ‘ua faitaulia uma ia. O lea ‘aua tou te matata‘u ai; e sili ‘outou i manu iti e tele.”
O soo se taimi ou te faalogo ai i kerisiano o faapea mai e masalosalo i o latou loto pe tali mai ea le Atua ia latou tatalo pe leai, ou te manatu pe latou te iloa moni le alofa o le Atua iai latou. Fai mai le Roma 8:32 “O ia lava sa na lē fa‘asaoina lona lava Alo, a ‘ua tu‘uina mai o ia ‘ona o i tatou uma lava, e lē foa‘i fua mai ‘ea e ia ‘iā te i tatou mea uma lava fa‘atasi ma ia i se a?”
A alofa naua se tagata ia te oe ae ia auina atu lona alo e toatasi e faaola ia te oe, o le a seisi mea e sili atu e na te lē mafai ona tuuina atu ia te oe? Ou te manao ia e iloa le sili o le alofa ma le faatauaina o oe i le Atua ma a e alu atu ia te ia i le tatalo, o le a e iloa o loo e talanoa atu i se tasi e naunau e foai atu ia te oe soo se mea e te ole atu ai ma e finagalo e tuuina atu ia te oe mea e pito sili ona lelei (Ioane 14:13-14).
Le au pele e, e alofa le Atua ia te oe, e sili atu i ou manatunatuga uma, ma e te faatigā ia te ia pe afai e te lē iloa lou taua ia te ia. Faaalu lou taimi taua ma ia i aso uma ma ia e iloa le tele o mea matagofie ua ia saunia mo oe. O le alofa o le Atua mo oe e faafualoa ma e faavavau, i le suafa o Iesu, Amene.