OPEN HEAVENS

MATALA LE LAGI MO LE ASO TOFI 21 ME 2026

(tusia e Pastor EA Adeboye)

Manatu Autu: O le Atua e sili atu (God above all)

Tauloto Tusi Paia: Salamo 135:5 “Auā o a‘u nei, ‘ua ‘ou iloa e sili lava le ALI‘I, e sili fo‘i lo tatou Ali‘i i atua uma lava.”

Faitauga - Tusi Paia: Salamo 95:1-6

I le Esoto 7:10, ina ua ō atu Mose ma Arona ia Farao e momoli atu le feau mai le Atua, na la faaali atu le mana o Lē na auina atu i laua, i le lafo lea i lalo o le tootoo o Arona ae lui gata. Na liu gata foi tootoo a le au popoto ma taulāitu a Aikupito, peitai e lei leva ae manino mai, o mana uma e i le Atua, aua o le gata mai le tootoo a Arona ua foloina gata mai taulāitu Aikupito. E ono taumafai le tiapolo e faataitai i le Atua, peitai e toilalo lava aua e sili atu le Atua i so’o seisi (1 Kornitio 29:11-12). Mo se faataitaiga, ua foai atu e le tiapolo i tagata e toatele le tamaoaiga i auala eseese e lē amiotonu, peitai na o lo’u Atua lē e tuuina atu le mana ma le mauoa (Teuteronome 8:18). E le gata i lea, o le oloa e mai i faamanuiaga a le Atua e lē faaopoopoina iai le tigā ( Faataoto 10:22). 

O le Atua malosi e mafai ona ia suia mea e lē mafai ona suia, e na te faaeaina le tagata mativa mai le faatafuna ma nofo ma alii (1 Samuelu 2:8). E mafai foi ona ia faia mea e lē mafaia. I le po e tasi,  na ia faasaoloto ona tagata mai le nofo pologa i Aikupito (Esoto 12:31-33). Na ia tausia ma saunia meaai mo i latou mo le 40 tausaga na iai i le vao. Na ia fafagaina i latou i meaai a agelu ma foai atu manu fasi i le faigamalaga atoa ao agai atu i le nuu na folafolaina ( Salamo 78:24-25). E le gata i lea, sa le manaomia ni ofu fou poo seevae aua e lei tuai pe pala seevae ma ofu ( Teuterono e 29:5). O le Atua na faia uma ia mea ofoofogia e mafai ona faia e sili atu i mea e te ole atu ai pe manatu iai (Efeso 3:20). E mafai ona ia foai mea e te manaomia aua o manu e afe i luga o mauga o ia e ana (Salamo 50:10) ma o le auro ma le ario i le lalolagi atoa o ia e ana (Hakai 2:8). O ia e ana le lalolagi atoa ma mea uma o iai ( Salamo 24:1). O ia o le Atua e sili i atua uma (2 Korinito 2:5), o le tupu o tupu ma le Alii o Alii (1 Timoteo 6:15). 

Le au pele e, e le matagofie ea o Lē e silisili i mea uma lava o lou Tamā? Ua ia foai atu le poto, oloa, mamalu, mana, alofa tunoa ma le agalelei ae o le mea e finagalo e te faia, o le pese ma le viiga. E finagalo e te alofa ma tuuina atu lou taimi ia te ia, ma e alagatatau ia te ia. Afai e te naunau ia sisila mai fofoga o le Atua ma e tofo i lona matautia, ole atu ia foai atu se loto ma le agaga tapuai ia te oe i le asō, aua e silasila o ia ma avatu mea uma, iai latou e faatuatua ia te ia i le agaga ma le faamaoni (Ioane 4:23-24). 

Tatalo

Tamā, faafetai ua taua au o lou afafine/atalii. Faamolemole aumai ia te a’u le loto e naunau e tapuai ia te oe i taimi uma, i le suafa o Iesu, Amene.