Diddeleng ass mat iwwer 22.000 Awunner déi véiert gréisste Stad hei am Land. Tëschent den Awunner grad ewéi tëschent de Quartieren an der Südgemeng, ginn et awer relativ grouss Ënnerscheeder, wéi den Observatoire social, deen d’Gemeng zesumme mam Fuerschungsinstitut LISER ausgeschafft huet, elo weist. De But vun dësem Observatoire social wier et, d’Besoinen an och d’Potential vun der Gemeng besser aschätzen ze kënnen.