OFM Artbeat (Kunsteklop)

Wat gebeur wanneer ’n meesterlike kok en ’n liedjieskrywer besluit om resepte nie net te kook en te proe nie, maar ook te laat sing? Dit is die idee agter KombuisStories, ’n besondere langtafelervaring wat op 5 Desember 2026 om 18:30 in Fauresmith aangebied word. Die aand bring twee kreatiewe storievertellers bymekaar: sjef, kosskrywer en storieverteller Frik de Jager, en sanger, liedjieskrywer en visuele kunstenaar Jacobus Silwer. Die twee sluit by Yolanda Maartens aan in die OFM Kunsteklop.

Violins for Peace was founded in 2021 and provides a safe place where kids from all ages can go after school to have violin lessons at the St Patrick’s Anglican Church, Bloemfontein. Program Manager Ikaelelo Madikgetla joins Yolanda Maartens in the OFM Art Beat to talk about the benefits of this program and to share some of the needs they currently have. You can contact Dr Sharon de Kock to get involved and support a pupil financially, on 082 434 7501. Violins for Peace- where dreams are born.

Die 8ste Senior Serenade in samewerking met Pro Strings en vriende, word vanjaar in Bloemfontein aangebied. Hierdie inisiatief maak ’n reuse verskil in bejaardes se lewens, wat dikwels tydens die feestyd alleen is. Verlede jaar was daar 700 begunstigdes wat met geskenkpakkies en musiek bedien is, vir sommige is dit hul enigste kersgeskenk oor die feestyd. Musiek bring ook nostalgie en samesyn wat so belangrik is in die lewe van ouer mense wat so maklik van vergeet word. Sharon de Kock, stigter van Senior Serenade en twee vrywilligers Cherise Louw (13) en Ilané van Wyk sluit by Yolanda Maartens aan in die OFM Kunsteklop om te gesels oor die betekenis van hierdie projek en ook om die publiek te nooi om betrokke te raak en skenkings te maak. Kontak Sharon gerus by 082 434 7501.

Die verhoë staan dalk nog leeg en die ligte is af, maar agter die skerms is die voorbereidings vir die 2027-Vrystaat Kunstefees reeds aan die gang. Aansoeke vir die Hooffeesprogram en Vrynge is oop, en kunstenaars, vervaardigers en kreatiewe mense word uitgenooi om hul werk vir oorweging voor te lê.

Feesdirekteur Michael Garbett en Juné Pretorius gesels met Ashmund Martin in OFM Kunsteklop oor die aansoekproses, die geleenthede wat die fees bied en wat voornemende deelnemers moet weet wanneer hulle hul voorstelle voorberei.

Aansoeke vir die Hooffees en Vrynge is vanaf 4 September tot 27 November 2026 oop. Die Hooffeesprogram sluit onder meer teater- en musiekproduksies in, terwyl Vrynge ’n platform bied vir opkomende kunstenaars wat gereed is om hul eerste tree op die professionele verhoog te gee.

Volgens Garbett is die aansoek- en keuringsproses een van die opwindendste dele van die fees. Die hoë gehalte van produksies by die afgelope fees skep groot verwagtinge vir die volgende program, en die span sien daarna uit om te ontdek watter nuwe idees, stories en kreatiewe stemme vir 2027 na vore sal kom.

Die fees bied egter nie net geleenthede vir verhoogkunstenaars nie. Aansoeke vir die Kunstemark het intussen ook geopen, wat kunstenaars, ontwerpers en kreatiewe entrepreneurs die geleentheid bied om hul produkte en skeppings aan feesgangers bekend te stel.

Aansoeke vir die Literatuurfees is ook reeds oop en sluit eers aan die einde van Januarie 2027. Die program bied ruimte vir ’n verskeidenheid aktiwiteite, waaronder boekbesprekings, paneelgesprekke, kinderaktiwiteite, poësievoorlesings, akademiese gesprekke, meesterklasse, werkswinkels en kosdemonstrasies.

Wanneer die aansoeke vir die Hooffees en Vrynge sluit, begin die keuringsproses, waarna die 2027-program geleidelik vorm aanneem. Dit is die begin van ’n kreatiewe reis waarin nuwe idees en stories uiteindelik hul plek op die verhoog en binne die feesprogram kan vind.

Die 2027-Vrystaat Kunstefees vind van 6 tot 10 Julie 2027 op die Universiteit van die Vrystaat-kampus in Bloemfontein plaas.

Belangstellendes kan die aansoekvorms en verdere inligting op die Vrystaat Kunstefees se webwerf kry. Voornemende deelnemers word aangemoedig om die riglyne vir hul onderskeie kategorieë deeglik deur te lees en die toepaslike sluitingsdatums in gedagte te hou.

Zayden Venter, ’n graad 7-leerder van Bloemfontein, is ’n jong presteerder wat op verskeie terreine uitblink. Of dit nou akademie, sport of musiek is, hy wys dat toewyding, harde werk en passie ’n mens ver kan bring. Veral sy talent vir tromspel het hom die afgelope jaar besondere erkenning besorg.

Tydens die 2026 Bedford Eisteddfod het Zayden ’n indrukwekkende A++-prestasie met 95% vir sy tromspel behaal. Hy het ook ’n diploma by die Nasionale Eisteddfod ontvang en uitstekende uitslae tydens die Vrystaat Kunswedstryd behaal.

Sy musikale prestasies strek selfs verder. Zayden het ’n onderskeiding behaal in sy graad 2-eksamen in klassieke en jazz-tromspel by Trinity College London – ’n besondere mylpaal vir ’n jong musikant wat steeds sy vaardighede ontwikkel.

Benewens sy individuele prestasies is Zayden ook ’n instrumentalis in die Fichies Seniorkoor, wat self uitstekende prestasies behaal. Sy betrokkenheid by die koor bied hom die geleentheid om sy musikale talent binne ’n spanverband uit te leef.

Zayden gesels met Ashmund Martin in OFM Kunsteklop oor sy merkwaardige prestasies, sy ervaring van die verskillende Eisteddfod-kompetisies en hoe dit voel om sulke uitsonderlike resultate te behaal. Hy deel ook meer oor sy liefde vir tromspel en die harde werk agter die sukses.

Met sy entoesiasme en veelsydige talent is Zayden beslis ’n jong musikant om dop te hou.

As jy Kevin Leo se stem hoor, weet jy dadelik wie dit is. Die geliefde Suid-Afrikaanse sanger, wat deesdae in Panama, Suid-Amerika, woon, maak hom gereed vir ’n besoek aan Suid-Afrika in Oktober en November 2026. Hy sluit by Ashmund Martin aan in OFM Kunsteklop om meer te vertel oor sy komende optredes, sy musikale reis en die besonderse plek wat musiek steeds in sy lewe inneem.

Kevin se loopbaan strek oor dekades, maar sy passie vir musiek en sy vermoë om gehore met sy kenmerkende stem te bekoor, bly onveranderd. Baie mense ken hom ook as ons eie “Little Pavarotti” – ’n bynaam met ’n interessante storie wat hy tydens die gesprek deel.

Van die begin van sy musikale reis tot die ervaring om vandag steeds op te tree, kyk Kevin terug op die pad wat hom gebring het waar hy nou is. Hy gesels ook oor die tydlose krag van musiek en waarom sekere liedjies daarin slaag om mense oor generasies heen aan te raak

Suid-Afrikaanse gehore kan uitsien na twee besondere produksies tydens sy besoek. Crooner Velvet is ’n huldeblyk aan die goue era van die crooners, met tydlose treffers van musieklegendes soos Frank Sinatra, Dean Martin, Nat King Cole en Andy Williams. Met Kevin se onmiskenbare stem, indrukwekkende visuele elemente en gevorderde klanktegnologie word gehore op ’n nostalgiese musikale reis geneem. Die produksie vier die kunstenaars en musiek wat oor die jare heen ’n blywende indruk op luisteraars gemaak het.

Met Letters from Panama bied Kevin ’n meer intieme musikale ervaring. Hierdie produksie gee gehore die geleentheid om hom vir ’n private optrede in die gemak van hul eie huis te ontvang en ’n onvergeetlike musikale oomblik met familie en vriende te deel. Met sy veelsydige stem beweeg hy moeiteloos tussen geliefde Afrikaanse en Engelse liedjies, met ’n tikkie Italiaans en Spaans daarby.

Tydens die gesprek vertel Kevin ook wat gehore in Sentraal-Suid-Afrika van sy komende optredes kan verwag en wat hy hoop hulle ná ’n vertoning sal voel of onthou. Vir hom gaan dit immers oor meer as net die sing van bekende liedjies – dit gaan oor die emosie, die herinneringe en die verbintenis wat musiek tussen mense skep.

Vir meer inligting kontak Elizma: 0829260293

The NWU Gallery is proud to present the NWU Zine Fest 2026, a Social Anthropology student exhibition exploring the zine as an open form of de-colonial writing and making. The exhibition will be on from 19 to 23 October at the main gallery on campus. The second exhibition is the annual exhibition of the Visual Art for Education Students, running from 26 to 30 October at the NWU Botanical Garden Gallery. This annual showcase celebrates the creativity and professional development of Visual Art for Education students as they engage contemporary art practices through a diverse range of artworks and installations. Curator Sheryl Msomi joins Yolanda Maartens in the OFM Art Beat to share their excitement about the future of the arts and to thank everyone for their support in 2026.

The first solo museum exhibition by South African artist Anastasia Pather is being hosted at the William Humphreys Art Gallery in Kimberley till 26 November 2026. The exhibition marks a significant milestone in the artist's career and reaffirms the gallery's commitment to providing a platform for artists whose work expands the language of contemporary South African art. Anastasia joins Yolanda Maartens in the OFM Art Beat to share her excitement and to talk about the fact that she uses her fingers instead of brushes to create her art.

Liesel Wessels is 'n kontemporêre Suid-Afrikaanse kunstenaar wat in 'n realistiese styl werk; haar kuns word geïnspireer deur die skoonheid, emosie en fyn besonderhede wat in sowel mense as die natuur gevind word. Sy sluit by Yolanda Maartens aan in die OFM Kunsteklop om te gesels oor dit wat volwasse kunsklasse vir mense kan beteken en wat sy self al geleer deur hierdie sessies aan te bied. Besoek gerus haar webblad om selfs aanlyn klasse te bespreek: https://lieselwessels.co.za/adult-art-classes/

Elna van der Walt balletskool in Bloemfontein nooi jou na hul produksie Aladdin in die Sand du Plessis teater op 20 en 21 November. Kaartjies is beskikbaar by Webtickets. Elna, Elrine en Jaco sluit by Yolanda Maartens aan in die OFM Kunsteklop om te vertel wat die produksie vir die ballerinas beteken, waarna die publiek alles kan uitsien en om in die opwinding te deel van gemeenskap akteurs wat saam met meer as 200 dansers die verhoog deel.