Die besturende direkteur van Alexforbes Investments Namibia, Frederick Muller, sê hoewel die Namibiese Sekuriteitebeurs steeds nie likied is nie, is die langtermynvooruitsigte rooskleurig. Muller het tydens 'n Investment Destination-ontbytseminaar in Windhoek geleenthede uitgelig wat verband hou met olie-ontdekkings in die Oranjekom. Hy sê hierdie ontwikkelings sal na verwagting Namibiese aandele versterk.