Johan van Lill praat met dr. Jurie Joubert, 'n onderwyskundige, skrywer en historikus, oor hoekom leesvermoë die sleutel tot leer is. As jy nie kan lees nie, kan jy nie leer nie, sê hy. Om beter te verstaan, móét jy beter lees – en daarom moet elke leerder se leesvermoë doelbewus ontwikkel word.

Johan van Lill praat met Riaan van den Bergh, adjunk-bestuurshoof van FEDSAS en 'n tegnologiekenner, oor selfone in skole, en die internasionale dryfkrag om kinders se toegang tot sosiale media te beperk. Hoe kan skole en ouers die gebruik van selfone reguleer tot voordeel van leerders?

Johan van Lill praat met dr. Pieter Snyman van die VCSV oor jeugleierskap buite die klaskamer. Hulle praat oor die krag van ervaringsleer – hoe jongmense groei wanneer hulle self begin lei, dikwels in ongemaklike of uitdagende omgewings. Wat gebeur wanneer leerders nie net oor leierskap leer nie, maar dit aktief moet leef? Hoe help struikel, spanwerk en stilte om karakter, selfbewustheid en roeping te vorm?

Johan van Lill praat met Josephine Jordaan van FEDSAS oor jeugleierskap in skole, en hoekom leierskap nie net ’n titel moet wees nie, maar ’n werklike geleentheid vir karaktervorming en diens. Wat gebeur wanneer leerders die kans kry om as leiers te ontwikkel? Hoe beïnvloed dit hulle selfvertroue, hulle plek in die skoolgemeenskap, en hulle toekoms as verantwoordelike volwassenes?

Johan van Lill praat met professor Johan Fourie oor die toekoms van leer aan universiteite en skole. Hulle praat oor hoe kunsmatige intelligensie besig is om die manier waarop ons leer en onderrig fundamenteel te verander. Wat beteken dit vir eksamens, opstelle en klasgee? Hoe leer ons kritiese denke en nuuskierigheid in ’n wêreld waar KI kitsantwoorde gee? En hoe verseker ons dat menslike kontak en mentorskap nie verlore gaan in hierdie nuwe digitale era nie?

Johan van Lill praat met dr. Michael le Cordeur en dr. Zelda Barends oor leesbegrip. Hulle bespreek hoekom dit vir soveel leerders moeilik is om te verstaan wat hulle lees, en wat skole en ouers kan doen om kinders van vroeg af beter hiermee te help. Hoe maak ons seker dat kinders werklik sin maak uit wat hulle lees?

Johan van Lill praat met Celeste Labuschagne oor die tema, Wen tyd met kunsmatige intelligensie. KI verander hoe onderwysers beplan, assesserings skep en leerders ondersteun. Watter waarde bied hierdie tegnologie vir onderrig en leer, en hoe kan dit gebruik word sonder om kritiese denke of menslike betrokkenheid prys te gee?

Johan van Lill praat met dr. Jaco Deacon, uitvoerende hoof van FEDSAS, oor die krisis met SACE-registrasie en -sertifikate. SACE is die Suid-Afrikaanse Raad vir Opvoeders. Watter rol speel hierdie liggaam in onderwys en opvoeding, en hoekom is dit belangrik dat onderwysers by SACE geregistreer moet wees?

Johan van Lill poraat met onderwyskundige en historikus dr. Jurie Joubert oor multigraadonderrig. Dis ’n tema wat dikwels aan die kantlyn van onderwysdebatte staan, maar van kritieke belang is vir skole in kleiner en landelike gemeenskappe. Hulle bespreek waarom multigraadklasse nie bloot as ’n tydelike of goedkoop oplossing beskou moet word nie, maar as ’n volwaardige pedagogiese benadering met unieke leergeleenthede.

Johan van Lill praat met onderwyskundige Alta Greeff oor die rol van onderwys in die ontwikkeling van mense wat kan werk. Hulle ondersoek watter vaardighede vandag in die werksplek vereis word, en vra of skole en instellings leerders voldoende daarop voorberei.