Swaar reën en oorstromings het groot skade aangerig in die Tuinroete-distriksmunisipaliteit in die Wes-Kaap. Meer as 200-millimeter reën is in die Bitou-munisipaliteit gemeet, insluitend 197-millimeter in Knysna. 'n Sewe-en-dertigjarige vrou is in die dorp dood toe 'n boom op haar motor geval het. Woordvoerder Herman Peters vra motoriste om hulle reise so ver moontlik te beperk, want verskeie paaie is oorstroom, baie glad of ontoeganklik, insluitend Meiringspoort en die Swartbergpas: