15 november ging d'r ein bezonder filmpke online op social media. Dao in waas te zeen wie ein Venlose ondernemer 't moeilik had met alles wat Corona met zich mei bringt. Dae ondernemer is Marc Hesselmans. Marc, eigenaer van kefee de Locomotief, mede-eigenaer van Rhummery the Rub en Milk and Cookies, vertelt in dees aaflevering euver de ervaringe van ein horeca ondernemer in Coronatiéd.

Rick Cremers is ein echte bekinde onbekinde. Met zien verschillende hobby's wie sportverslaaggaever, Duitse schlagers op de radio dreije, schoelbeuk schriéve óf gewoeën veur de klas staon as docent wiskunde, Rick duit 't allemaol. Daomeij is hae veur vuuël minse toch ein bekind gezich!

"As ik in dien auge kiek", "D'r wuurt getrouwd!" en "'t Is Good Vandaag". Slechts inkele zinne die dao Marinho Peters gezonge zien op alle podia en umstreke. Ziet geej beniejd nao de dagelikse bezighede van ein echte entertainer? Luuster dan nao dees aaflevering van Op D'n Draod - De Venlose Podcast!

Alwin Grijseels en Abbie Chalgoum hebbe 't verhaol van Abbie vasgelag in 't book "Ik Blijf Bij Je". Zeej vertelle in dees podcast euver de wiés waorop 't book tot stand is gekomme en gaeve ôg as luusteraer alvas ein veurpreufje van 't book. 't Book is 1 september gepubliceerd en te kriége in alle bookhandels.

In dees aaflevering praot ik met mien eige vader, Sjraar van Beek. As ecoloog en directeur van Landschapsbeheer de Wassum helt Sjraar zich al ruum dertig jaor bezig met natuurbeheer met schäöp. Wat dao allemaol beej kump kiéke huurt ge in dees aaflevering van Op D'n Draod - De Venlose Podcast!

In dees aaflevering praot ik met Irene Rikken. Irene haet ein eige stichting genaamp Carlalala. Carlalala verzörg silent disco's veur minse met Alzheimer.

Dees aaflevering praot ik met Rob Collin. Rob is moleculair geneticus (zeg det maar ens dreej kier achterein). Zien doel is erfelijke aandoeningen die tot blindheid kinne leide aan te pakke. 't Klink erg ingewikkeld, maar Rob leet 't good oét (zelfs ik kos 't begriépe)!

Dees waek praot ik met Petra Hendriks! Petra is stiefcoach én ervaringsdeskundige op 't gebied van samegestelde gezinne. Die zien d'r steeds mier! Wao dees gezinne allemaol mei te make kriege huurt ge  in dees aaflevering van Op D'n Draod - De Venlose Podcast!

Beniejd nao 't laeve van ein echte rocker? Luuster dan nao Op D'n Draod - De Venlose Podcast! In dees aaflevering praot ik met nemus minder dan Andrew Elt. Andrew, onder andere bekind as frontman van Sleeze Beez, 7 Miles to Pittsburgh en Physical Graffiti, vertelt euver zien ervaringe as muzikant, tourmanager en gitaartechnicus. 

In aaflevering 8 praot ik met Crissy Fila, Nina Bellen en Nanet Hazenbosch van feministisch platform Aangenaam!

Aangenaam is ein feministisch platform wao alle aspekte van vrouw-zien waere behandeld. Zeej wille ein baetere representatie van vrouwe in regio en bewustzien veur maatschappelikke probleme as inkommesongeliekheid.