Orações em latim.

Anima Christi, sanctífica me. Corpus Christi, salva me. Sanguis Christi, inébria me. Aqua láteris Christi, lava me. Pássio Christi, confórta me. O bone Iesu, exáudi me. Intra tua vúlnera abscónde me. Ne permítas me separári a te. Ab hoste malígno defende me. In hora mortis meae voca me. Et iube me veníre ad te, ut cum Sanctis tuis laudem te in saécula saeculórum. Amen.

Ave, María, grátia plena, Dóminus tecum, benedícta tu in muliéribus et benedictus fructus ventris tui Iesus. Sancta María, Mater Dei, ora pro nobis, peccatóribus, nunc et in hora mortis nostræ. Amen.

Regina Cæli, lætáre, allelúia; Quia quem meruísti portáre, allelúia; Ressuréxit, sícut díxit, allelúia; Ora pro nóbis Deum, allelúia. Gaude et lætáre, Virgo María, allelúia. Quia surréxit Dóminus vere, allelúia. Oremus: Deus qui per resurrectiónem Fílii tui Dómini nostri Iésu Christi mundum lætificáre dignátus es: præsta, quaésumus, ut, per eius Genítricem Vírginem Maríam, perpétuæ capiámus gáudia vitæ. Per eúmdem Christum Dóminum nostrum. Amen.

Salve, Regina, Mater misericórdiæ, vita, dulcédo et spes nostra, salve. Ad te clamamus, éxsules fílii Evae. Ad te suspirámus geméntes et flentes in hac lacrimárum valle. Eia ergo, advocáta nostra, illos tuos misericórdes óculos ad nos convérte. Et Iesum benedíctum fructum Ventris tui, nobis, post hoc exsílium, osténde. O clemens, o pia, o dulcis Virgo María. - Ora pro nobis, sancta Dei Genítrix. - Ut digni efficiámur promissiónibus Christi.

Ángele Dei, qui custos es mei, me tibi comíssum pietáte supérna, illúmina, custódi, rege et gubérna. Amen.

Credo in Deum, Patrem omnipoténtem, Creatórem caeli et terrae. Et in Iesum Christum, Fílium eius únicum, Dóminum nostrum: qui concéptus est de Spíritu Sancto, natus ex María Vírgine, passus sub Pontio Piláto; crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad caelos; sedet ad déxteram Dei Patris omnipoténtis: inde ventúrus est iudicare vivos et mórtuos. Credo in Spíritum Sanctum, sanctam Ecclésiam Cathólicam, Sanctórum communionem, remissiónem peccatórum, carnis resurrectiónem, vitam ætérnam. Amen.

Salve, Regina, Mater misericórdiae, vita dúlcedo et spes nostra, salve. Ad te clamamus, éxsules fílii Evae. Ad te suspirámus geméntes et flentes in hac lacrimárum valle. Eia ergo, advocáta nostra, illos tuos misericórdes óculos ad nos convérte. Et Iesum benedíctum fructum Ventris tui, nobis, post hoc exsílium, osténde. O clemens, o pia, o dulcis Virgo María. - Ora pro nobis, sancta Dei Génitrix. - Ut digni efficiámur promissiónibus Christi.

Pater noster, qui es in caelis; sanctificétur nomen tuum; advéniat regnum tuum; fiat voluntas tua, sicut in caelo, et in terra. Panem nostrum quotidiánum da nobis hódie; et dimítte nobis débita nostra, sicut et nos dimíttimus debitóribus nostris; et ne nos indúcas in tentatiónem; sed líbera nos a malo. Amen.

Ave, María, grátia plena, Dóminus tecum, benedícta tu in muliéribus et benedictus fructus ventris tui Iesus. Sancta María, Mater Dei, ora pro nobis, peccatóribus, nunc et in hora mortis nostrae. Amen.

Glória Patri et Fílio et Spirítui Sancto, sicut erat in princípio et nunc et semper et in sáecula saeculórum. Amen.