Votlendi er okkur hugleikið í þættinum í dag en áður en við setjum á okkur stígvélin og vöðum, fyrst út í mýrina og síðan út á blána, skjótumst við upp í himingeiminn og förum í hringferð kringum Mars með geimmyndavélinni High Rise, sem myndaði Mars. Myndirnar komu út í bók og þar eru íslenskir skýringartextar með nokkrum myndum. 24 mál voru notuð við gerð bókarinnar. Hverri mynd fylgir texti á ensku og einu hinna tungumálanna tuttugu og þriggja. Sævar Helgi Bragason samdi textana en hann hefur lagt sig fram um að kenna íslenskum börnum íslenskan orðaforða yfir stjörnuhiminninn um leið og hann fræðir þau um himingeiminn.

Votlendi er okkur hugleikið í þættinum í dag en áður en við setjum á okkur stígvélin og vöðum, fyrst út í mýrina og síðan út á blána, skjótumst við upp í himingeiminn og förum í hringferð kringum Mars með geimmyndavélinni High Rise, sem myndaði Mars. Myndirnar komu út í bók og þar eru íslenskir skýringartextar með nokkrum myndum. 24 mál voru notuð við gerð bókarinnar. Hverri mynd fylgir texti á ensku og einu hinna tungumálanna tuttugu og þriggja. Sævar Helgi Bragason samdi textana en hann hefur lagt sig fram um að kenna íslenskum börnum íslenskan orðaforða yfir stjörnuhiminninn um leið og hann fræðir þau um himingeiminn.

Rætt við Sindra Bergmann Þórarinsson KrakkaRÚV-stjóra um hvernig er hægt að upphefja menningu barna, efla sköpun og gera lestur spennandi og hvaða hlutverki RÚV gegnir í þeim efnum. Umsjón: Anna Sigríður Þráinsdóttir. (Áður á dagskrá 5. nóvember 2017)

Fjallað um tæknibyltinguna sem fylgdi telefóninum sem svo var kallaður á síðari hluta 19. aldar og tilraunum til finna honum gott íslenskt heiti. Meðal orða sem þá komu til greina voru talberi og málþráður. Orðið sími kom fyrst á prenti í dansk-íslenskri orðabók sem kom út 1896 og náði fljótt mikilli útbreiðslu.