Die 12de Oshakati Totem Expo begin vandag en duur tot 6 Junie onder die tema van sterker bande deur kultuur. Die geleentheid het 150 uitstallers van Namibië en die buiteland gelok. Die burgemeester van Oshakati, Leonard Hango, het die ekspo beskryf as ’n viering van identiteit, eenheid, diversiteit, erfenis en ’n gedeelde visie vir ontwikkeling. Hango sê die ekspo groei steeds as ’n belangrike platform wat kultuur, sake, toerisme, kreatiwiteit, jeugbemagtiging en gemeenskapsontwikkeling saambring.