Die forensiese ondersoeker, Paul O’Sullivan, ontken bewerings dat hy die Onafhanklike Polisie-ondersoekdirektoraat geïnfiltreer het. Hy getuig voor die parlement se ad hoc-komitee wat beweerde politieke inmenging in die strafregstelsel ondersoek. O'Sullivan sê hy het in 2016 'n saak teen die voormalige waarnemende polisiekommissaris, Khomotso Phahlane, ingedien oor beweerde korrupsie, geldwassery en afpersing. Hy bevestig hy het tot 2018 met OPOD te doene gehad maar noem infiltrasie-bewerings 'n blatante leuen: