கிருபையினாலே விசுவாசத்தைக்கொண்டு இரட்சிக்கப்பட்டீர்கள்.  எபேசியர் 2:8

தேவனே, என் மீது இரக்கத்தில் ஐசுவரியமுள்ளவராய் இருந்ததற்காக நன்றி! கிருபையினால் விசுவாசத்தைக் கொண்டு, உம்மிலும் உம்முடைய இரட்சிப்பிலும் நான் மேன்மைப்பாராட்ட எனக்கு உதவிசெய்யும்.

நீ என் பார்வைக்கு அருமையானபடியினால் கனம்பெற்றாய் ; நானும் உன்னைச் சிநேகித்தேன்.  ஏசாயா 43:4

பரலோகப் பிதாவே, நீர் என்னை நேசிக்கிறீர், ஏற்றுக்கொண்டீர், மகிழ்விக்கிறீர் என்பது எனக்கு தெரியும். என்னை உம்முடைய பிள்ளையாய் ஏற்றுக்கொண்டதற்காகவும், நிபந்தனையில்லாமல் என்னை ஏற்றுக்கொண்டதற்காகவும் உமக்கு நன்றி.

அப்பொழுது இயேசு... “பயப்படாதே, இதுமுதல் நீ மனுஷரைப் பிடிக்கிறவனாயிருப்பாய்” என்றார்.  லூக்கா 5:10

தகப்பனே, என்னுடைய மெய்யான அங்கீகாரத்தை அறியமுடியாமல் நான் தடுமாறும்போது உம்மைப் பின்பற்றி, உம்மில் என்னுடைய அங்கீகாரத்தை அறிந்துகொள்ள எனக்கு உதவிசெய்யும்.

கர்த்தரிடத்தில் ஒன்றை நான் கேட்டேன்... நான் என் ஜீவனுள்ள நாளெல்லாம் கர்த்தருடைய ஆலயத்தில் தங்கியிருப்பதையே நாடுவேன்.  சங்கீதம் 27:4

தகப்பனே, நீரே என் விருப்பமும் என் மகிழ்ச்சியுமானவர். எந்த தடங்கலும் தடையுமில்லாமல் உம்மை நான் ஆராதிக்க விரும்புகிறேன்.

நீங்கள் சேர்ந்துவந்து, மலையின் அடிவாரத்தில் நின்றீர்கள் ; அந்த மலையில் வானத்தை அளாவிய அக்கினி எரிய, இருளும் மேகமும் அந்தகாரமும் சூழ்ந்தது.  உபாகமம் 4:11

தேவனே, நான் அதிகம் எதிர்பார்த்து, உம்மை சாதாரணமாய் கருதினேன். உம்முடைய பொறுமைக்காக நன்றி. உம்முடைய அன்பிற்காகவும் நன்றி.

கிறிஸ்துவின் அன்பைவிட்டு நம்மைப் பிரிப்பவன் யார்? உபத்திரவமோ, வியாகுலமோ, துன்பமோ, பசியோ, நிர்வாணமோ, நாசமோசமோ, பட்டயமோ?  ரோமர் 8:36

பரலோகப் பிதாவே, உம்முடைய அன்பை இன்னும் அதிகமாய் அறிந்துகொள்ள என் கண்களையும் இருதயத்தையும் திறந்தருளும். உம்முடைய அன்பு ஒன்றே என் வாழ்க்கைக்கு போதுமானது என்பதை நான் உணர எனக்கு உதவி செய்யும்.

நான் பூமியை அஸ்திபாரப்படுத்துகிறபோது நீ எங்கேயிருந்தாய்? நீ அறிவாளியானால் அதை அறிவி.  யோபு 38:4

அன்பான தேவனே, இத்தகைய அற்புதமான, மாறுபட்ட, அழகான உலகத்தை சிருஷ்டித்தமைக்காக நன்றி. உம்முடைய படைப்புத்திறனை உணரவும் அனைத்தும் உம்முடைய கட்டுப்பாட்டிற்குள் இயங்குகிறது என்பதை அறியவும் எனக்கு உதவிசெய்யும்.

தேவன் நம்முடைய பிதாக்களுக்கு அருளிச்செய்த வாக்குத்தத்தத்தை அவர்களுடைய பிள்ளைகளாகிய நமக்கு நிறைவேற்றினார் என்று நாங்களும் உங்களுக்குச் சுவிசேஷமாய் அறிவிக்கிறோம்.  அப்போஸ்தலர் 13:32-33

இயேசுவே, என்னுடைய மீட்பரே, உம்முடைய நீதியான ஆளுகைக்கு என்னை ஒப்புக்கொடுக்கிறேன்.

ஆனாலும் பாகாலுக்கு முடங்காதிருக்கிற முழங்கால்களையும்… ஏழாயிரம்பேரை இஸ்ரவேலிலே மீதியாக வைத்திருக்கிறேன்.  1 இராஜாக்கள் 19:18

அன்பான தேவனே, உமக்கு ஊழியம் செய்யும்போது நான் தனிமையாய் உணரும் தருணத்தில், உமக்கு செய்யும் ஊழியத்தில் என்னோடு மற்றவர்களும் இருக்கிறார்கள் என்பதை எனக்கு நினைவுபடுத்தும்.

இதோ, சகல ஜாதிகளிலும் கோத்திரங்களிலும் ஜனங்களிலும் பாஷைக்காரரிலுமிருந்து வந்ததும், ஒருவனும் எண்ணக்கூடாததுமான திரளான கூட்டமாகிய ஜனங்கள்... நிற்கக்கண்டேன்.  வெளிப்படுத்தின விஷேஷம் 7:9

ஆட்டுக்குட்டியானவரே, நீர் இந்த உலகத்தின் பாவத்தையும் என்னுடைய பாவத்தையும் நீக்கிவிட்டீர். பரலோகத்தின் இந்த கலியாணவிருந்துக்கு எனக்கு அழைப்பு கொடுத்ததற்காக நன்றி.