Neste episodio especial, o alumnado de 5º de primaria pon voz á conmemoración do 25 de novembro, Día Internacional da Eliminación da Violencia contra a Muller. Mentres soa a canción Ni una más de Aitana, cada estudante le unha mensaxe que invita á reflexión e ao compromiso.

A través destas palabras breves pero cheas de forza, lembramos o que podemos facer no colexio e na casa para construír relacións baseadas no respecto: coidar a nosa linguaxe, rexeitar calquera forma de discriminación, apoiar a quen o precisa, compartir tarefas, escoitar con empatía e dicir sempre NON Á VIOLENCIA.