Els èn giuvens, selvadis e vollgas! E fan la musica che lur geniturs tadlavan durant la pubertad. La band turitgaisa Pablo Infernal tutga cun il nov album «Monologues» il gnerv da mintga rocker tranter 5 e 105 onns. Lur idols èn gia daditg pensiunads, en fossa, u relicts dal rock'n'roll che stgarpitschan anc adina sur las tribunas da quest mund. Tschuffas ghitarras, grondas battarias e sbragizis isterics. Rock dals onns 60 e 70 da la sorta infernala. Mintgatant schizunt cundida cun l'accord sext da Napoli. Quest Soundcheck è ina baruffa per Vossas ureglias e per las ureglias da Voss tat e Vossa tatta.