У шостым выпуску падкаста «Гістфак» размаўляем пра беларусаў у Беластоку: наколькі гэты горад стаў знакавым для беларускай гісторыі і што звязвае беларусаў у эміграцыі дзесяцігоддзямі.

У выпуску «Гістфак» на PALATNO пагутарылі з, бадай, самым вядомым экспертам па гісторыі беларускай чыгункі Кастусём Шыталем.

Як на тэрыторыі Беларусі з'явілася чыгунка? Як разам з ёй з'яўляліся гарады, без якіх мы цяпер не зможам уявіць карту Беларусі? Як на чыгунку рэагавалі людзі ў XIX стагоддзі? І чаму чыгуначнікаў можна прыраўняць да цяперашніх айцішнікаў?

У трэцім выпуску падкаста «Гарады» Ігар Палынскі гутарыць з Ірынай Хамрэнка-Ушаковай з Бабруйска.

Ірына Хамрэнка-Ушакова — журналістка беларускай «Медыязоны». Яна з’ехала з Беларусі ў 2021 годзе, да пачатку вайны ва Украіне жыла ў Львове, цяпер — у польскім Беластоку.

У падкасце гутарым пра месцы сілы ў Бабруйску, журналісцкую працу падчас пратэстаў 2020 года ў родным горадзе, тры затрыманні мужа за ўдзел у пратэстах. Таксама Ірына шчыра расказвае пра двайную эміграцыю, смерць маці і немагчымасць паехаць на пахаванне, а таксама пра тое, чаму вернецца ў родны Бабруйск.

Юрась Дзяшук — журналіст «Радыё Рацыя». У падкасце ён расказвае пра свае першыя бярозаўскія ўспаміны, чаму вярнуўся ў родны горад пасля мінскага журфака, пра «вайну» Бярозаўкі і Ліды і шклозавод, які адразу пасля візіту Лукашэнкі моцна здаў пазіцыі.

Згадвае ён і свайго лепшага сябра Вітольда Ашурка, яго актывізм у Бярозаўцы, расказвае пра пратэсты 2020 года, забойства і пахаванне Вітольда. 

Пагутарылі і пра тое, калі і чаму Юрась з’ехаў з Беларусі і чым зоймецца ў Бярозаўцы, калі вернецца ў родны горад.

«Японскі дыпламат спрабаваў правезці праз мяжу двух шпіёнак у чамадане».

Што сабой уяўляла кантрабанда на польска-беларускім памежжы ў 1920-1930-я гады? Што вазілі і прывозілі кантрабандысты? І хто быў тыповым кантрабандыстам у БССР у міжваенны час?

Расказваем падрабязнасці і цікавосткі з кантрабандысцкай гісторыі Беларусі ў падкасце «Гістфак».

Фотаздымкі — гэта не проста мастацтва і паўсядзённасць нашага жыцця. Для журналістаў, гісторыкаў і краязнаўцаў — гэта яшчэ і крыніца новых ведаў пра мінулае. У трэцім выпуску падкаста «Гістфак» мы пагутарылі з журналістам MOST Русланам Кулевічам і краязнаўцам Кастусём Шыталем пра тое, як старыя фотаздымкі могуць яшчэ больш расказаць пра гісторыю Беларусі.

У падкасце Palatno мы паразмаўляем з лідарам гурта Sumarok і журналістам Ігарам Палынскім пра Полацк. Чаму трэба адвезці турыстаў у Грамы, навошта побач с танкам ставіць крыж і з якой мэтай вяртацца ў родныя мясціны з вымушанай эміграцыі? Абмеркавалі ў падкасце.

У лютым 2022 года «ўлады» Беларусі фактычна зрабілі краіну суагрэсарам у поўнамаштабнай вайне Расіі ва Украіне. У падкасце «Гістфак» мы разбіраемся, як часта Беларусь пачынала войны і навошта гэта было патрэбна.

У падкасце PALATNO «Гістфак» мы пагутарым пра важнасць гістарычных крыніц не толькі для гісторыкаў, а для звычайнага карыстальніка сацыяльных сетак. Чым адрозніваюцца гістарычныя крыніцы, як і навошта іх фальсіфікуюць, як навучыцца верыфікаваць інфармацыю ў час інтэрнэту — пра ўсё гэта гутарым у першым выпуску «Гістфака».