Key Verse: Mateo 7:1-2, Magandang Balita Biblia (MBBTAG)

1 “Huwag kayong humatol, nang kayo'y di hatulan.

2 Sapagkat hahatulan kayo ng Diyos ayon sa paghatol ninyo sa iba, at susukatin kayo ayon sa panukat na ginagamit ninyo sa iba.

Key Verse: Efeso 2:16, Magandang Balita Biblia (MBBTAG)⁠

Sa pamamagitan ng Kanyang kamatayan sa krus, winakasan Niya ang kanilang alitan, pinagkasundo sila sa Diyos at pinagbuklod sa iisang katawan.

Key Verse: Marcos 8:23-25, Magandang Balita Biblia (MBBTAG)⁠

23 Inakay niya ang bulag at dinala ito sa labas ng bayan. Matapos duraan at takpan ang mga mata nito ng kanyang kamay, tinanong ni Jesus, “May nakikita ka ba?”

24 Tumingin ang lalaki at sumagot, “Nakakakita po ako ng mga tao, ngunit para silang mga punongkahoy na naglalakad.”

25 Muling inilagay ni Jesus ang Kanyang mga kamay sa mga mata ng bulag. Sa pagkakataong ito, tuminging mabuti ang bulag. Nanumbalik ang kanyang paningin at nakakita na siya nang malinaw.

Key Verse: Genesis 1:3-4, Magandang Balita Biblia (MBBTAG)⁠

3 Sinabi ng Diyos: “Magkaroon ng liwanag!” At nagkaroon nga.

4 Nasiyahan ang Diyos nang ito'y mamasdan. Pinagbukod Niya ang liwanag at ang dilim.

Key Verse: Juan 14:27, Magandang Balita Biblia (MBBTAG)⁠

“Kapayapaan ang iniiwan Ko sa inyo. Ang Aking kapayapaan ang ibinibigay Ko sa inyo; hindi ito katulad ng kapayapaang ibinibigay ng mundo. Huwag mabagabag ang inyong kalooban at huwag kayong matakot.

Key Verse: Mateo 14:31, Magandang Balita Biblia (MBBTAG)⁠

Agad siyang hinawakan ni Hesus. “Bakit ka nag-alinlangan? Napakaliit ng iyong pananampalataya!” sabi Niya kay Pedro.

Key Verse: Juan 15:7, Magandang Balita Biblia (MBBTAG)⁠

Kung nananatili kayo sa Akin at nananatili sa inyo ang Aking mga salita, hingin ninyo ang anumang nais ninyo at matutupad iyon para sa inyo.

Key Verse: Efeso 6:11 & 18, Magandang Balita Biblia (MBBTAG)⁠

11 Isuot ninyo ang buong kasuotang pandigma na kaloob ng Diyos, upang mapaglabanan ninyo ang mga pakana ng diyablo.

18 Manalangin kayo sa lahat ng pagkakataon, humiling at sumamo sa patnubay ng Espiritu. Lagi kayong maging handa, at patuloy na ipanalangin ang lahat ng hinirang ng Diyos.

Key Verse: Mga Kawikaan 12:22, Magandang Balita Biblia (MBBTAG)⁠

Namumuhi si Yahweh sa taong sinungaling, ngunit ang tapat ay ligaya Niya at aliw.

Key Verse: Filipos 4:7, Magandang Balita Biblia (MBBTAG)⁠

At ang kapayapaan ng Diyos na hindi kayang maunawaan ng tao ang siyang mag-iingat sa inyong puso at pag-iisip dahil sa inyong pakikipag-isa kay Kristo Hesus.