Բժշկի՝ DJ դառնալու պատճառը, երաժշտության պահանջարկը այսօր և 90-ականներին | Պարոն Հաղորդավար 66

«Պարոն Հաղորդավար» հաղորդաշարի այս թողարկման հյուրն են Ռուբեն Կարապետյանը և Էմիլ Միրզոյանը:

Հաղորդման ընթացքում նրանք Կարեն Քոչարյանի հետ քննարկում են՝ ինչպե՞ս է DJ -ությամբ զբաղվելը վերածվում մասնագիտության, ինչպես է փոխվել երաժշտության պահանջարկը տարիների ընթացքում, և ինչու է բժիշկը որոշում կանգնել բեմի առաջ։

Անդրադառնում են այն հարցին, թե որքան զարգացած է էլեկտրոնային երաժշտությունը Հայաստանում, ինչպես է տեղական լսարանը արձագանքում նոր հնչողությանը, և որ երկրներն են ամենաէներգետիկն այս ոլորտում։

Քննարկման առանցքում է նաև DJ-ի գործի  բժշկական կողմը, միջազգային փորձը, հայ կատարողների ինքնատիպությունը և այն, ինչով առանձնանում է հայ DJ-ը՝ աշխարհի ցանկացած անկյունում։

Երեմյան ընկերության հաջողությունը, Հայաստանի խոհարարական առաջին ակադեմիան | Պարոն Հաղորդավար 65

«Պարոն Հաղորդավար» հաղորդման այս թողարկման հյուրերն են #Երեմյան ընկերությունների խմբի փոխտնօրեն, խորհրդի անդամ Լուսինե Երեմյանը և արհեստական բանականությունը (ChatGPT), ովքեր Կարեն Քոչարյանի հետ քննարկում են խոհարարության, կրթության, որակյալ սննդի, խոհարարական դիվանագիտության և #ռեստորանային մշակույթի արդի հիմնահարցերը։

Հաղորդման ընթացքում Լուսինե Երեմյանը ներկայացնում է «Երեմյան» ընկերությունների պատմությունը, խոհարարական կրթության կարևորությունը և որակյալ սննդի ապահովման ուղիները, ինչպես նաև անդրադառնում է ոլորտի մասնագետների պատրաստման առանձնահատկություններին։ #ChatGPT-ն իր հերթին վերլուծում է խոհարարական կրթության դերը, ինչպես նաև ուտեստի համի ընկալման հոգեբանական ու մշակութային գործոնները։

Հայաստանի Էներգետիկ անկախություն, էլեկտրաէներգիայի այլընտրանքային  աղբյուրներ | Պարոն Հաղորդավար 64


«Պարոն Հաղորդավար» հաղորդման այս թողարկման հյուրերն են Հայաստանի Էլեկտրական ցանցերի ( ՀԷՑ ) տեխնիկական տնօրեն Դավիթ Գրիգորյանը և արհեստական բանականությունը (ChatGPT), ովքեր Կարեն Քոչարյանի հետ քննարկում են Հայաստանի էներգետիկ համակարգի ներկա վիճակը, զարգացման հնարավորությունները, էներգետիկ անկախության ուղիները և սպառողների համար կարևոր հարցերը։

Հաղորդման ընթացքում Դավիթ Գրիգորյանը ներկայացնում է Հայաստանի էներգահամակարգի կառուցվածքը, գործող ենթակառուցվածքները և ոլորտի արդիականացման ծրագրերը։ ChatGPT -ն իր հերթին վերլուծում է էներգետիկ անկախության և էներգիայի այլընտրանքային ուղիների, արևային կայանների կարևորությունը։

Հյուսիսային պողոտան, Երևանի դիմագիծն ու ապօրինի շինությունները | Պարոն Հաղորդավար 60

«Պարոն Հաղորդավար» հաղորդաշարի այս թողարկման հյուրն են Սաշուր Քալաշյանը և Սարհատ Պետրոսյանը: Հաղորդման ընթացքում նրանք Կարեն Քոչարյանի հետ քննարկում են այժմյան ճարտարապետությունը և Երևան քաղաքի դիմագիծը։ Անդրադառնում են այն հարցին, թե ինչ վիճակում է հիմա հայկական ճարտարապետությունը, ինչ քննադատություններ կան նոր սերնդի հանդեպ, և ինչպես էր նախկին Հյուսիսային պողոտան, ինչ ճարտարապետական և մշակութային արժեք ուներ: Ինչպես նաև քննարկում են, թե ինչպես կարող ենք այժմ պահպանել քաղաքի մի մասն ու ինչ մրցույթների արդյունքներում են ընտրվում ճարտարապետներն ու նախագծերը: 
Քննարկման առանցքում է նաև ճարտարապետական այժմյան կրթությունն ու ապօրինի շինությունները Երևան քաղաքում:

Լեննականցի - Երևանցի հակասություն, Գյումրու կոլորիտը, գյումրեցու տեսակը | Պարոն Հաղորդավար 61

«Պարոն Հաղորդավար» հաղորդաշարի այս թողարկման հյուրն են #Ռուբեն #Մխիթարյան ը և արհեստական բանականությունը։ Հաղորդման ընթացքում նրանք Կարեն Քոչարյանի հետ քննարկում են Ռուբեն Մխիթարյանի #քաղաքական գործունեության նպատակը, Գյումրիի երիտասարդության զբաղվածության հարցերը և քաղաքի զարգացման ուղղությունները։ 

Հաղորդման կարևոր թեմաներից են նաև Գյումրու ներկայիս իրավիճակը, քաղաքի տեսարժան վայրերը, գյումրեցիների բնավորության գծերը, թաղամասերի ընտրությունը և լենինականցի-երևանցի հակասությունների խորքային պատճառները։

Ո՞վ է բերել Փաշինյանին և ո՞վ կարող է հանել Հայաստանը այս վիճակից | Պարոն Հաղորդավար 62


«Պարոն Հաղորդավար» հաղորդաշարի այս թողարկման հյուրն են Լևոն #Զուրաբյանը և արհեստական բանականությունը։ Հաղորդման ընթացքում նրանք Կարեն Քոչարյանի հետ քննարկում են Լևոն Զուրաբյանի տեսակետները Հայաստանի քաղաքական գործընթացների, կառավարման մոդելների և պատմական դասերի վերաբերյալ, ինչպես նաև արհեստական բանականության դերը քաղաքականության մեջ և դրա ազդեցությունը որոշումների կայացման վրա։

Հաղորդման կարևոր թեմաներից են նաև հայկական շուստրիությունը քաղաքականությունում, պատմության դասերը և դրանցից չքաղած հետևությունները, կառավարման մոդելները և դրանց կիրառելիությունը Հայաստանի համար, ինչպես նաև արհեստական բանականության տեսակետը՝ կառավարման համակարգերի, քաղաքական առաջնորդների ընտրության և Հայաստանի ճգնաժամից դուրս գալու հնարավոր լուծումների վերաբերյալ։

Պիտի լինես այն երկիրը, որի հետ նստում են սեղանի շուրջ, ոչ թե ընտրում մենյուից | Պարոն Հաղորդավար 63


«Պարոն Հաղորդավար» հաղորդման այս թողարկման հյուրերն են դիվանագետ Ավետ Ադոնցը և արհեստական բանականությունը (ChatGPT), ովքեր Կարեն Քոչարյանի հետ քննարկում են ժամանակակից դիվանագիտության փոփոխվող բնույթը, մարտահրավերները և միջազգային հարաբերությունների կարևորագույն զարգացումները։

Հաղորդման սկզբում Ավետ Ադոնցը ներկայացնում է իր դիտարկումները՝ արդյո՞ք ժամանակակից դիվանագիտությունը հատել է կոռեկտության սահմանները, ի՞նչ փոփոխություններ են տեղի ունենում միջազգային ասպարեզում և ինչպես են պետությունները վերանայում իրենց արտաքին քաղաքականությունը։ ChatGPT -ն իր հերթին վերլուծում է այս հարցը արհեստական բանականության տեսանկյունից։
Հաղորդման կարևոր թեմաներից են նաև ճկունության անհրաժեշտությունն ու դրա սահմանները, Եվրամիությանն անդամակցության համապատասխանությունը, Brexit-ի հետևանքները և դիվանագիտական զավեշտալի դեպքերը։

Քաղաքական պոռնոգրաֆիա, մեդիագրագիտություն և պաշտոն ստացած լրագրողներ | Պարոն հաղորդավար 59

«Պարոն Հաղորդավար» հաղորդաշարի այս թողարկման հյուրն են Վահե Մակարյանը և արհեստական բանականությունը: Հաղորդման ընթացքում նրանք Կարեն Քոչարյանի հետ քննարկում են լրագրողների և լրատվական դաշտի վիճակը Հայաստանում։ Անդրադառնում են այն հարցին, թե ինչ կարգավիճակում է այժմ գտնվում քաղաքական դաշտը և ժողովրդավարությունը, լրագրողի խնդիրներին և նրանց դեմ աշխատող կոմպրոմանտներին։ Ինչպես նաև քննարկում են լրագրողների շփումը իշխանության հետ, լրագրողների ձգտումը դեպի իշխանություն և պաշտոն ստացած լրագրողների պահվածքը:
Քննարկման առանցքում է նաև լրատվական միջոցների թողած ազդեցությունը հասարակության վրա և մեդիագրագիտության կարևորությունը:

Իշխանություն, պայքար և քաղաքական ռոմանտիզմ | Պարոն Հաղորդավար 58

«Պարոն Հաղորդավար» հաղորդման 58-րդ թողարկման շրջանակներում Կարեն Քոչարյանին հյուրընկալվել են Շանթ և Շահեն Հարությունյանները։  

Հաղորդման ընթացքում նրանք քննարկել են ընդդիմադիր պայքարի տարբեր մեթոդները, քաղաքական և ազգային-ազատագրական շարժումների տարբերությունները, գաղափարական թշնամիների հետ համագործակցելու հնարավորությունը, ինչպես նաև իշխանության մաս դառնալու առաջարկները։  

Նրանք անդրադարձել են նաև խոսքի պատասխանատվության կարևորությանը, ռեսուրսների ճիշտ հաշվարկի անհրաժեշտությանը, 90-ականների քաղաքական դաշտի առանձնահատկություններին և ժամանակակից քաղաքականության մեջ վստահության պակասի խնդիրներին։  

Էներգիայի փոփոխություն Հայաստանում, էքստասենսեր և աստղաբաններ, շնորհ և կամք | Պարոն Հաղորդավար 57

«Պարոն Հաղորդավար» հաղորդաշարի այս թողարկման հյուրերն են Ռուբեն Բաբայանն ու արհեստական բանականությունը: Կարեն Քոչարյանի հետ քննարկում են Հայաստանում էներգիայի գալիք փոփոխությունները։ Անդրադառնում են մարդկանց՝ էքստարսենսերին դիմելու շարժառիթներին, ինչպես են սահմանվում նպատակները, ովքեր են տալիս զարգացման և բարձրաձայնելու թույլտվություն։ Քննարկման կիզակետում է նաև ուղեղի և կամքի ձևավորումն ու զարգացումը։ Հետաքրքրական է նաև ԱԲ-ի՝ ChatGPT-ի կարծիքը նմանատիպ թեմաների մասին։