Այս փոդքասթում քննարկում ենք, թե ինչպես են շատերը դառնում ֆինանսական խարդախությունների թիրախ՝ սկսած օնլայն վարկերից մինչև կասկածելի գործարքներ։

«Modex» ընկերության հիմնադիր-տնօրեն Հայկազ Ֆանյանի հետ զրուցել ենք արտահանման թվային աճի, պետական բյուջեի եկամուտների, գործազրկության թվերի և աշխատուժի ներմուծման հակասական պատկերի, բանկային համակարգի ակտիվների գերազանցման, ինչպես նաև քաղաքացիների՝ բյուջեով հետաքրքրվելու նոր միտումների մասին։

«CaseKey» բիզնես քեյսերի մրցույթի համահիմնադիր Արշակ Կարապետյանի և միջազգային թիմի անդամ Արինա Փամբուկյանի հետ զրուցել ենք՝ 

• Ի՞նչ է նշանակում ուսանողին իրական բիզնես խնդիր վստահել, 

• Ինչո՞վ է «AI»-ի լուծումը տարբերվում մարդու վերլուծությունից, 

• Ինչպե՞ս է «CaseKey»-ն կամուրջ դառնում ուսանողի և գործատուի միջև, 

• Ինչպե՞ս են ձևավորվում կապեր՝ կրթությունը տեսականից դարձնելով գործնական։

«Formula VC» հիմնադրամի համահիմնադիր Կարեն Վարդանյանի հետ զրուցել ենք՝ ինչ է վենչուրային կապիտալը, մինիմում կենսունակություն ունեցող սթարթափը,, ինչ տարբերություն կա ներդրողի և բիզնես-հրեշտակի միջև։

Խոսել ենք նաև՝ ինչպես են ֆոնդերը սխալներից սովորում, ինչու են կարևոր հիմնադիրների տեսիլն ու պրոֆիլը, ինչու պետք չէ վերցնել ցանկացած գումար, և ինչպես է հայկական սփյուռքը մեզ դարձնում գրավիտացիոն կենտրոն։

«4090 բարեգործական» հիմնադրամի գործադիր-տնօրեն Իրինա Փահլևանյանի հետ զրուցել ենք՝ ինչու է բարեգործությունն այսօր ավելի քան կարևոր, որն է մարդու շարժառիթը գումար նվիրաբերելու և թե որոնք են բարեգործության ութ մեխանիզմները։

«Իննոբիզ» ՀԿ-ի հիմնադիր-տնօրեն Նաիրա Մարգարյանի հետ զրուցել ենք՝ գաղափարները բիզնես դարձնելու, կին ձեռներեցների, հոգեբանական պատնեշները հաղթահարելու, ճագարաբուծությամբ զբաղվելու, նախարար դառնալու, անվճար ուսուցման հարթակ ստեղծելու,  պետության բացերը լրացնելու ու ճիշտ պահին կանգ առնելու մասին։

«Alliance for Financial Inclusion» կազմակերպության գլխավոր գործադիր տնօրենի տեղակալ Գարեգին Գևորգյանի հետ զրուցել ենք՝ 

• Ֆինանսական շուկայի զարգացումների,

• Բանկային համակարգի թվայնացման,

• Ֆինանսական կրթության ու գրագիտության,

• Կորպորատիվ կառավարման մշակույթի և այլ հարցերի մասին։

«Բիբլոս բանկ Հայաստան»-ի մարդկային ռեսուրսներ ղեկավար Անի Կարապետյանի հետ զրուցել ենք՝ մարդկային ռեսուրսների ոլորտի փոփոխվող բնույթից, աշխատողի վարքը պայմանավորող տարիքային գործոններից, կարծրատիպերին հակառակ գնալուց և այլն։ 

Անին կիսվեց նաև վերահսկող թիմից դեպի «HR» ոլորտ անցում կատարելու իր պատմությամբ և Վիկտոր Ֆրանկլի տեսությամբ։

«Մատենա» բիզնես-դպրոցի համահիմնադիր և տնօրեն Ռուբեն Հայրապետյանի հետ զրուցել ենք նոր մոդելի համալսարանների անհրաժեշտության, ավանդական կրթության ճգնաժամի, առաջնորդության դերի, վստահելու պահանջմունքի, ղեկավարների կրթության, միջազգային բիզնես-դպրոցի անհրաժեշտության և կրթական ոլորտում փոփոխություններ սկսելու կարևորության մասին։

Ճարտարապետ Սարհատ Պետրոսյանի հետ զրուցել ենք Երևանի քաղաքային պլանավորման խնդիրների, մեր ժառանգած սխալների, վայրենի կառուցապատման, որոշումների ալգորիթմների, տրանսպորտային բարեփոխումների, քաղաքաշինական անարդարության, ճարտարապետի սոցիալական դերի և հնարավոր լուծումների մասին։