MABUTING BALITA | Disyembre 23, 2020 - Miyerkules - Mga Huling Linggo ng Adbiyento

EBANGHELYO: Lc. 1:57-66

Nang sumapit na ang panganganak ni Elizabeth, isang anak na lalaki ang isinilang niya. Narinig ng mga kapitbahay at mga kamag-anakan n’ya kung gaano nagdadalang-awa sa kanya ang Panginoon kayat nakigalak sila sa kanya. Nang ikawalong araw na, dumating sila upang tuliin ang sanggol at pangangalanan sana nila itong Zacarias gaya ng kanyang ama. Sumagot naman ang kanyang ina: “Hindi, tatawagin siyang Juan.” “Wala ka namang kamag-anak na may ganyang pangalan.” Kaya sumenyas sila sa ama ng sanggol kung ano ang gusto niyang itawag dito. Humingi siya ng isang sulatan, at sa pagtataka ng lahat ay kanyang isinusulat: “Juan ang pangalan niya.” Noon di’y nabuksan ang kanyang bibig at nakalag ang kanyang dila. Nakapagsalita siya at nagpuri sa Diyos. Kaya namayani ang banal na pagkatakot sa kanilang kapitbahay. At naging usap-usapan ang lahat ng pangyayaring ito sa buong mataas na lupain ng Juda. Nag-isip-isip ang mga nakarinig at nagtanungan: “Ano na kaya ang mangyayari sa sanggol na ito?” dahil sumasakanyang talaga ang kamay ng Panginoon.

PAGNINILAY:

“It’s better late than never”. Ito ang madalas kong marinig na palusot ng mga laging huli kung dumating. Sa palagay ko angkop din ito sa buhay nina Zacarias at Elizabeth. Kaya napipi si Zacarias dahil hindi siya naniwala sa balita ng anghel na maglilihi ang kanyang asawa. Sino ba naman kasi ang maniniwala na kung kailan sila tumanda, saka pa sila magkakaanak. Pero pinapatunayan ng ating Mabuting Balita ngayon na walang huli at imposible sa Diyos. God has a perfect time for everything. Isang malaking kagalakan hindi lamang sa mag-asawa ang kapanganakan ni Juan Bautista kundi ng buong pamayanan. Huli man siyang dumating sa buhay nina Zacarias at Elizabeth, perfect naman ang kanyang timing upang ihanda ang daan ng manunubos na si Jesus. Kapanalig, may hinihingi ka rin ba sa Diyos? Gaano mo na ba katagal ipinagdarasal yan? Huwag mong sukuan. Kung makabubuti yan para sa iyo at sa pamayanan, tiyak ipagkakaloob yan sa iyo ng Diyos sa tamang panahon. Habang naghihintay sa tamang panahon, hayaan mo ang Diyos na dalisayin ka pa nang lubusan upang higit kang maging karapat-dapat tumanggap sa Kanyang ipagkakaloob saiyo. In God’s time walang late dahil hindi saklaw ang Diyos ng orasan ng tao.- Sr. Lou Ranara,FSP

GOSPEL POWER - DECEMBER 22, 2020 - TUESDAY

Gospel: Lk 1:46-56

 Mary said, “My soul magnifies the Lord, and my spirit rejoices in God my Savior, for he has looked with favor on the lowliness of his servant. Surely, from now on all generations will call me blessed; for the Mighty One has done great things for me, and holy is his name. His mercy is for those who fear him from generation to generation. He has shown strength with his arm; he has scattered the proud in the thoughts of their hearts. He has brought down the powerful from their thrones, and lifted up the lowly; he has filled the hungry with good things, and sent the rich away empty. He has helped his servant Israel, in remembrance of his mercy, according to the promise he made to our ancestors, to Abraham and to his descendants forever.” And Mary remained with her about three months and then returned to her home.

REFLECTION

Through the lens of her own experience as recipient of God’s favor, Mary rereads the history of her people and discovers therein the pattern of divine reversal. God overturns those human expectations shaped by what the world considers important. This pattern of reversal is what God’s Son embodies as he enters into solidarity with us, leaving behind his glory to take on our lowly nature. This same pattern is what Jesus will teach and live—greatness is found in service, life is found in losing it. This is the pattern that unmasks the world’s deceptive agenda of self-fulfillment and aligns us with the divine intention to renew the face of the earth. Mary invites us to peer through the lens of her life to discover for ourselves this pattern of divine reversal and to let our life be shaped in accord with it, that we may participate fully in God’s project of renewal.

PRAYER

Lord Jesus, grant us the sensitivity to discern the pattern of divine reversal at work even now to bring forth in our midst the new creation. Amen.

MABUTING BALITA | Disyembre 22, 2020 - Martes - Mga Huling Linggo ng Adbiyento

EBANGHELYO: Lc. 1:46-56

Sinabi ni Maria:

Dinadakila ng aking kaluluwa ang Panginoon

at nagagalak ang aking espiritu sa Diyos na aking tagapagligtas

dahil isinaalang-alang niya ang balewalang utusan niya,

at mula ngayon, ituturing akong mapalad ng lahat ng salinlahi.

Dakila nga ang ginawa sa akin ng May kapangyarihan,

banal ang kanyang Ngalan.

Patuloy ang kanyang awa sa mga sali’t salinlahi.

para sa mga may pitagan sa kanya.

Ipinakita niya ang lakas ng kanyang bisig,

Ipinagtabuyan ang mga taong may mapagmataas na balak.

Pinatalsik niya sa luklukan ang mga may kapangyarihan,

itinampok naman ang mga balewala.

Binusog niya ng mabubuting bagay ang mga nagugutom,

at itinaboy namang walang-wala ang mga mayayaman.

Nilingap niya ang Israel na kanyang lingkod,

Inalala ang kanyang awa

Ayon sa ipinangako niya sa ating mga ninuno,

Kay Abraham at sa kanyang angkan magpakailan man.”

Mga tatlong buwan nanatili si Maria kasama ni Eelizabeth at saka nagbalik sa kanyang bahay.

PAGNINILAY:

“For better or for worse, for richer or for poorer, in sickness and in health, in poverty and in wealth…” ‘Yan ang mga salitang napapaloob sa sumpaan ng mag-asawa sa araw ng kanilang kasal. Nangangako sila sa isa’t isa na maglalakbay silang magkasama, anumang pangyayari ang maganap sa kanilang buhay. // Sa ating pagharap ngayon sa corona virus pandemic at sunod-sunod na bagyong nanalasa sa ating bansa kamakailan, tila napakahirap magpuri, magpasalamat, at manatili sa presensya ng Diyos dahil sa mga karanasang hindi natin inaasahang mangyari. It seems that it is difficult to give praise and to give thanks when we experience the worse, when we become poorer, when we fall into sickness and poverty. Marami sa atin ang nawawalan ng panlasa at ganang magbunyi sa Panginoon sa gitna ng gutom, karukhaan, at karamdaman.// Pero hindi iyan ang ipinahihiwatig ng awit ng Birheng Maria. Sa pagbubunyi at pag-awit ng kagalakan, ipinamalas ni Maria na ang Diyos ay Emmanuel—ang Diyos ay kasama natin—nasa itaas man tayo ng gulong o maging sa ibaba. Siya ang Diyos na may hawak sa buong daigdig at sa buong kasaysayan. Siya ang namamahala sa paglago at pagbagsak ng tao. Walang aspeto ng ating buhay ang makatatakas sa Kanyang pangangalaga.// Kaya lagi nating tatandaan na may pagtatanging inilalaan ng Diyos sa mga mahihirap at mapagpakumbaba. Nahuhumaling ang Panginoon sa mga mapagpakumbaba tulad ni Maria dahil bukas-palad ang kanilang tiwala at pananalig sa Kanya. Parati silang inaalala ng Diyos dahil sa Kanyang pangakong kaaawaan Niya ang sinumang nananalig sa Kanya—anumang kasaganaan o pagsubok ang ihahandog ng buhay.// - John Alfred Rabena

PANALANGIN:

“O Diyos na maawain, alalahanin Mo ang Iyong habag at pagtangi sa Iyong mga anak na buong-pusong nananalig Sa’yo. Nagpapasalamat at nagbubunyi po Kami sa Iyong Banal na Pangalan, sa panahon ng kasaganaan at karalitaan, sa hirap at ginhawa. Amen.”

ST. BRIDGET OF SWEDEN - WALKING WITH THE SAINTS - EPISODE 3

Produced by: Paulines Multimedia (Daughters of St. Paul - Philippines-Malaysia-PNG- Thai Province)

MABUTING BALITA | Disyembre 21, 2020 - Lunes - Mga Huling Araw ng Adbiyento

EBANGHELYO: Lc. 1:39-45

Nagmamadaling naglakbay si Maria papunta sa isang bayan sa mataas na lupain ng Juda. Pumasok siya roon sa bahay ni Zacarias at binati si Elizabeth. Nang marinig ni Elisabeth ang bati ni Maria, sumikad ang sanggol sa sinapupunan niya, at napuspos ng Espiritu Santo si Elisabeth at malakas siyang sumigaw at sinabi: “ Lubos kang pinagpala sa mga kababaihan. Pingapala rin ang bunga ng iyong sinapupunan! Sino nga ba naman ako't naparito sa akin ang ina ng aking Panginoon? Nang umabot sa aking pandinig ang iyong pagbati, sumikad sa tuwa ang sanggol sa aking sinapupunan. Pinagpapala ang naniniwalang magaganap ang mga sinabi sa kanya ng Panginoon.”

PAGNINILAY:

Mahilig po tayong dumalaw sa ating mga kamag-anak at mga kaibigan. Isa itong mahalagang tradisyon o kultura na nagpapatibay sa ating pamilya at samahan. Ang ating pagdalaw sa kanila ay maaring magbigay ng kasiyahan o kaligayahan at maaari ding magdulot ng kalungkutan o inis. Kung ang pagbisita natin ay para lamang makahingi sa kanila, eh, talaga namang maiinis sila, dahil iisa lamang ang ating pakay: Ang makakuha ... isang makasariling pag-uugali.// Sa ating Mabuting Balita ngayon, bakit kaya punong-puno ng kasiyahan ang pagtatagpo nina Santa Elisabeth at ng Mahal na Birheng Maria? Pagmamahal at kabutihang-loob ang nag-uumapaw sa kanilang puso at isip. Binibigyan pansin ang mga biyaya ng Diyos na kanilang nadarama sa kanilang mga karanasan.// Kapanalig, sana kung tayo’y dadalaw sa mga kilalang tao, sa mga kaibigan at kamag-anak, nawa’y taglayin natin ang malinis, mapagmahal at mapagbigay na hangarin at layunin. Sana, hindi  lang pasalubong ang ating bitbit para sa kanila. Dala din sana natin ang ating misyon, na ibahagi sa kanila ang mga ginawa ng Diyos sa ating mga karanasan. O di kaya, tulungan natin sila na makilala ang mga biyaya ng Diyos sa kanilang buhay. Hindi sapat ang mapunan ang pisikal na pangangangailangan ng tao. Higit nating kailangan na mapuno ang ating puso at kaluluwa ng pagmamahal at kaligayang dulot ng Diyos sa atin.// - Fr. Ariel Garcia ng Diocese ng Tagum.

PANALANGIN:

Panginoon, punuin mo po kami ng Iyong Espiritu at pagkalooban ng kagalakan sa paghahanap sa Iyo. Dagdagan Mo po ang aming pananampalataya sa Iyong mga pangako, pag-asa sa kaligayahan ng Langit, at ang pag-ibig sa Iyo bilang lahat-lahat para sa amin. Amen.

MABUTING BALITA | Disyembre 20, 2020 - Ikaapat na Linggo ng Adbiyento (B)

EBANGHELYO: Lc 1:26-38

Sa ikaanim na buwan, ang Anghel na si Gabriel ay inutusan ng Diyos ay inutusan ng Diyos sa isang lungsod ng Galilea na tinatawag na Nazaret. Sa isang birheng na idulog na sa isang lalaki sa lahi ni David na ang pangalan ay Jose; at ang pangalan ng birhen ay Maria. Pagpasok niya sa kinaroroonan nang babae ay sinabi niya: “Aba puspos ka ng biyaya, ang Panginoon ay sumasaiyo.” Sa pangungusap na ito si Maria ay nagitla at pinagdili-dili ang kahulugan ng gayong batiNabagabag naman si Maria dahil sa pananalitang ito at pinagwari kung ano ang pagbating ito. At sinabi ng Anghel sa kanya: “Huwag kang matakot , Maria, dahil may magandang niloloob ang Diyos para sa iyo. At ngayo'y maglilihi ka at manganganak ng isang lalaki na pangangalanan mong Jesus. Magiging dakila siya at tatawagin siyang Anak ng Kataas-taasan, at ibibigay sa kanya ng Panginoong Diyos ang trono ng kanyang ninunong si David. Maghahari siya sa angkan ni Jacob magpakailaman; talaga ngang walang katapusan ang kanyang paghahari.” “Paanong mangyayari ito gayong hindi ako ginagalaw ng lalaki?” “Papanaog sa iyo ang Espiritu Santo at lililiman ka ng kapangyarihan ng Kataas-taasan kaya magiging banal ang isisilang at tatawaging Anak ng Diyos. At nagdalantao naman ngayon ang pinsan mong si Elizabeth sa kabila ng kanyang katandaan, at nasa ikaanim na buwan na siyang itinuturing na baog. Wala ngang imposible sa Diyos.” “Narito ang utusan ng Panginoon, mangyari nawa sa akin ang iyong sinabi.” At nilisan siya ng Anghel

PAGNINILAY:

Sa ika-apat na Linggo ng Adbiyento, inaanyayahan tayo ng liturhiya na ibaling natin ang pansin kay Maria, ang ina ni Jesus. Mahalaga ang papel na ginagampanan ni Maria sa paghahanda natin ng daan para kay Jesus. Napakinggan natin ngayong Linggo ang kuwento ng pagpapakita ni Anghel Gabriel kay Maria at ang pagpapahayag nito ng Mabuting Balita tungkol sa pagsilang ni Jesus.// Ang kwento ng Pagpapakita ng Anghel kay Maria ang nagpapaalala ng kamangha-manghang pagkilos ng Diyos sa kasaysayan ng tao. Pinili ng Diyos ang isang dalaga na magsilang sa kanyang Anak upang masumpungan ng sangkatauhan ang kaligtasan ng Diyos. Nakipagtulungan si Maria, napupuno ng grasya, sa magandang na plano ng Diyos para sa ating kaligtasan. Sa gayon si Hesus ay ipinanganak bilang isa sa atin, ganap na tao at ganap ding banal. Ito ang hiwaga na pinaghahandaan nating ipagdiwang sa Pasko, ang misteryo ng Pagkakatawang-tao.// Mga Kapanalig, sa halimbawa ni Maria, ipanalangin natin na tayo ay maging matatag sa ating pananampalataya, kinikilala ang nagliligtas na plano ng Diyos para sa atin at laging handang tumugon at sumunod sa Kanya. - Fr. Rolly Garcia Jr., Director ng Biblical Apostolate ng Archdiocese ng Manila.

GOSPEL POWER- DECEMBER 19, 2020 - SATURDAY

Gospel: Lk 1:5-25 

In the days of King Herod of Judea, there was a priest named Zechariah, who belonged to the priestly order of Abijah. His wife was a descendant of Aaron, and her name was Elizabeth.  Both of them were righteous before God, living blamelessly according to all the commandments and regulations of the Lord.  But they had no children, because Elizabeth was barren, and both were getting on in years.  Once when he was serving as priest before God and his section was on duty,  he was chosen by lot, according to the custom of the priesthood, to enter the sanctuary of the Lord and offer incense. Now at the time of the incense offering, the whole assembly of the people was praying outside. Then there appeared to him an angel of the Lord, standing at the right side of the altar of incense. When Zechariah saw him, he was terrified; and fear overwhelmed him. But the angel said to him, “Do not be afraid, Zechariah, for your prayer has been heard. Your wife Elizabeth will bear you a son, and you will name him John. You will have joy and gladness, and many will rejoice at his birth, for he will be great in the sight of the Lord. He must never drink wine or strong drink; even before his birth he will be filled with the Holy Spirit. He will turn many of the people of Israel to the Lord their God. With the spirit and power of Elijah he will go before him, to turn the hearts of parents to their children, and the disobedient to the wisdom of the righteous, to make ready a people prepared for the Lord.” Zechariah said to the angel, “How will I know that this is so? For I am an old man, and my wife is getting on in years.” The angel replied, “I am Gabriel. I stand in the presence of God, and I have been sent to speak to you and to bring you this good news. But now, because you did not believe my words, which will be fulfilled in their time, you will become mute, unable to speak, until the day these things occur.” Meanwhile the people were 19 waiting for Zechariah, and wondered at his delay in the sanctuary. When he did come out, he could not speak to them, and they realized that he had seen a vision in the sanctuary. He kept motioning to them and remained unable to speak. When his time of service was ended, he went to his home. After those days his wife Elizabeth conceived, and for five months she remained in seclusion. She said, “This is what the Lord has done for me when he looked favorably on me and took away the disgrace I have endured among my people.”

REFLECTION

Old age and frustrated hopes of bearing children have made Zechariah incapable of being surprised by the God of infinite possibilities. Prolonged waiting for unanswered prayers has led him to resign to his and Elizabeth’s disgraceful fate. Thus, the angel’s announcement sounded to him like “too good to be true.” We too, like Zechariah, often fit God into our time scheme with deadlines and expiration dates. We, too, are incapable of stretching our hopes beyond what is humanly possible, thus setting boundaries to what God can accomplish for us. Ironically, Zechariah has forgotten that his name means “Yahweh remembers.” His and Elizabeth’s prayer is ever before God, for eternity knows no time limits. The God who can make the desert blossom (Is 35:1) can certainly make an elderly and barren woman’s womb fruitful, just as in the history of Israel, he opened the wombs of Sarah, Rachel, Hannah and Samson’s mother.

PRAYER

Lord Jesus, increase our faith in the God of infinite possibilities who opened even a virgin’s womb to give you as a gift to humanity. Amen.

MABUTING BALITA | Disyembre 19, 2020 - Sabado - Mga Huling Araw ng Adbiyento

EBANGHELYO: Lc. 1:5-25

Sa kapanahunan ni Herodes na hari ng Judea, may isang paring nagngangalang Zacarias, mula sa pangkat ni Abias. Mula rin sa lahi ni Aaron ang kanyang asawa na Elizabeth ang pangalan. Kapuwa sila matuwid sa harap ng Diyos at namumuhay nang walang kapintasan ayon sa lahat ng Batas at Kautusan ng Panginoon. Ngunit wala silang anak dahil baog si Elizabeth at kapuwa matanda na sila. Minsan, habang naglilingkod si Zacarias sa harap ng Diyos nang turno pa ng kanyang pangkat… sa oras ng pag-aalay ng insenso habang nanalangin ang buong bayan sa labas, napakita sa kanya ang Anghel ng Panginoon, nakatayo sa gawing kanan ng altar ng insenso. Naligalig si Zacarias at sinidlan ng takot pagkakita rito. Ngunit sinabi sa kanya ng Angel: “Huwag kang matakot, Zacarias; dininig na ang iyong panalangin. Ipanganganak sa iyo ng asawa mong si Elizabeth ang isang anak na lalaki, at pangangalanan mo siyang Juan. Magiging maligaya at tuwa mo s’ya. At marami rin ang magagalak dahil sa kanyang pagsilang. Magiging dakila nga s’ya sa harap ng Panginoon… Sinabi naman ni Zacarias sa Anghel: “Paano ko ito matitiyak? Matanda na nga ako at may katandaan na rin ang aking asawa.” “Ako si Gabriel na nasa harap ng Diyos. Ako ang sinugo sa ‘yo para kausapin ka at ihatid ang magandang balitang ito. Matutupad sa takdang panahon ang aking mga salita; ngunit ikaw na di naniniwala ay maging pipi at di makapagsasalita hanggang sa araw na mangyari ang mga ito.” …Nang matapos na ang panahon ng kanyang paglilingkod, umuwi si Zacarias. At pagkaraan ng mga araw, nagdalantao ang asawa niyang si Elizabeth ngunit limang buwan itong hindi lumalabas ng bahay at sinabi: “Ganito ang ginawa ng Panginoon na nagpasiyang alisin ang kahihiyan ko sa paningin ng mga tao.”

PAGNINILAY:

Tinawag tayo ng Panginoon sa pamamagitan ng ating pangalan.  Ang pagtawag na ito ay isang biyaya. Biyaya ito na may kasamang tungkulin na dapat gampanan. May pagkakataon na babaguhin ng ating Panginoon ang pagkilala sa atin at sa ating pagkatao.  Ito’y upang isakatuparan ang kanyang misyon sa sangkatauhan. Halimbawa: ang pangalan ni Simon ay naging Pedro, si Saul ay naging Pablo, at ang pangalang Karol Wotyla ay naging John Paul II. Binabago tayo ng Panginoon upang magampanan ang isang mahalagang misyon. Sinabi ng Anghel kay Zechariah, “Huwag kang mangamba, sapagkat ang iyong panalangin ay narinig na.” Magtiwala at manalig tayo sa ating mapagpalang Dios. Maging si Juan ay naging tanda ng pagpapala ng Panginoon. Mga kapanalig, nalalapit na ang Pasko, maging tugon nawa tayo sa panalangin ng ating kapwa-tao. –Fr. Ronaldo Quijano, rector ng Sacred Heart Seminary ng Diocese ng Bacolod.

PANALANGIN:

Panginoong Jesus, bigyan mo po kami ng karunungan sa aming paghihintay sa iyo at tiwala na ang Diyos Ama ay tutugon sa aming mga kahilingan. Amen.

MABUTING BALITA | Disyembre 18, 2020 - Biyernes - Mga Huling Araw ng Adbiyento

EBANGHELYO: Mt. 1: 18-25

Ito ang pangyayaring napaloob sa kapanganakan ni Jesucristo. Ipinagkasundo na kay Jose ang kanyang inang si Maria pero bago sila nagsama bilang mag-asawa, nagdadalantao na siya gawa ng Espiritu Santo. Kaya binalak ni Jose na hiwalayan nang lihim ang kanyang asawa. Matuwid nga siya at ayaw niya itong mapahiya. Habang iniisip-isip niya ito, nagpakita sa kanya sa panaginip ang Anghel ng Panginoon at sinabi: “Jose anak ni David, huwag kang matakot na tanggapin si Maria bilang iyong asawa. Gawa ng Espiritu Santo kaya siya naglihi, at manganganak siya ng isang sanggol na lalaki, na pangangalanan mong Jesus sapagkat siya ang magliligtas sa kanyang sambayanan mula sa kanilang mga kasalanan.” Nangyari ang lahat ng ito para matupad ang sinabi nga ng Panginoon sa pamamagitan ng Propeta: “Maglilihi ang birhen at magsisilang ng isang sanggol na lalaki at tatawagin nila siyang Emmanuel na ibig sabihi’y ‘Nasa-atin-ang-Diyos.’ Kaya pagkagising ni Jose, ginawa niya ang sinabi ng Angel ng Panginoon at tinanggap niya ang kanyang asawa. Ngunit hindi sila nagtalik bago isilang ang sanggol. At pinangalanan niya itong Jesus.

PAGNINILAY:

“Matuwid” ganyan po inilarawan sa atin si Jose. Bilang Judio siya’y matuwid, at masigasig niyang isinasabuhay ang batas ng Diyos. Kaya naman, sinasabi na dahil sa kanyang pagiging matuwid, at dahil sa ayaw niyang mapahiya at maparusahan si Maria, gusto na lamang niyang maglaho sa eksena. Pero kakaiba ang Diyos gumamit ng panahon, tao at pagkakataon, para matupad ang kanyang panliligaw sa sangkatauhan. Sa panaginip sinuyo ng Diyos si Jose. Wala tayong narinig ni isang salita mula sa kanya. Mababasa lamang natin na pagkagising niya, sumunod siya, tumalima, at ginawa ang kalooban ng Diyos. Siguro po ngayong panahon ng pandemya, magandang tularan ang pananahimik ni San Jose. Masyado nang maingay ang mundo, maraming gustong magsalita, maraming gustong madinig sila, pero walang nakikinig. Ang taong matuwid po ay yung mga taong tugma ang salita at gawa. Siguro po may binubulong ang Diyos sa pananahimik, may sinasabi siya sa kahinahunan, siguro kailangan din natin paminsan-minsan na makinig para malaman ang kanyang kalooban sa ating buhay. Amen.

 Manalangin tayo: Panginoon, magsalita ka nawa sa aming pananahimik upang matupad namin ang iyong kalooban sa aming buhay. Amen. - Cleric Vinz Aurellano ng Society of St. Paul.

MABUTING BALITA | Disyembre 17, 2020 - Huwebes - Mga Huling Araw ng Adbiyento

EBANGHELYO: Mt. 1: 1-17

Ito ang libro ng pinagmulan ni Jesucristo, na anak ni David, at anak ni Abraham. Si Abraham ang anak ni Isaac; si Isaac ang ama ni Jacob; si Jacob ang ama Juda at nang kaniyang mga kapatid…. Si Jesse ang ama ni Rehoboam na ama ni Abias; At sumunod ang mga Haring sina Asa, Josafat; Joram; Ozias; Yoatan; Ahaz; Ezequias; Manases; Amon; at Yosias; Si Yosias ang ama ni Yekonias at nang kaniyang mga kapatid, sa panahon ng pagkatapon sa Babilonia. Pagkatapos naman nang pagkatapon sa Babilonia, Si Yekonias ang ama ni Salatiel; na ama ni Zorobabel; Si Zorobabel ang ama ni Abiud; si Abiud ni Eliaquim; at si Eliaquim ni Azor; Si Azor ang ama ni Sadoc; si Sadoc ni Aquim; at si Aquim ni Eliud; Si Eliud ang ama ni Eleazar; si Eleazar ni Matan; at si Matan ni Jacob; Si Jacob naman ang ama ni Jose ang asawa ni Maria, na siyang pinagmulan ni Jesus, na tinatawag na Kristo. Kaya may labingapat na salinlahi; Mula kay Abraham hanggang kay David sa pagkatapon sa Babilonia at labingapat din hanggang sa Kristo.

PAGNINILAY:

Isa ako sa mga taong masyadong pihikan, kung mamimili ako ng step-in or rubber shoes. Kapag sa isang tingin ko pa lang, nagustuhan ko na agad ito, at kaya ng budget, tiyak na bibilhin ko ito. Sa mga material na bagay, makakapili tayo. Pero ang pamilya, hindi napipili. At kung bibigyan ako ng Diyos ng ikalawang pagkakataong pumili ng pamilya, ang pamilya ko ngayon pa rin ang aking pipiliin. Hindi dahil perfect ang pamilya ko, kung hindi bawat isa sa kanila ay mukha ng Diyos, at sa iba’t ibang paraan ay humahamon sa akin upang magmahal. Kapanalig, tayong mga Pilipino ay sadyang malapit sa ating pamilya. Sikapin nating pagtibayin pa ang pagmamahalan at pagtutulungan sa bawat isa. Si Jesus ay minarapat ng Diyos Ama na magkatawang tao at mamuhay kasama natin, sa anyo ng isang tao. Sa mga aral ng simbahan, nalaman natin ang naging buhay ni Jesus, at nakilala natin ang lahing kanyang pinagmulan … na binubuo ito ng mga taong may kalakasan at kahinaan. Pero sa tulong ng mga panalangin, at matapat na pagsunod ni Jesus sa kalooban ng Ama, nagampanan niya ang kanyang misyon. Mga kapanalig, itinatanong ba natin sa Diyos, kung ano ang ating misyon? Kung ano ang papel natin sa mundong ito? Idalangin natin sa Banal na Espiritu Santo na gabayan tayo sa misyong nais ni Jesus para sa atin.  Amen. Amen. - Sr. Edith Ledda.