世界上最恐怖吓唔係☠️，

可能係你發現聽日就係星期一要返工，可能係射完波但係俾老細發現，都可能係你疑心生暗鬼搞到自己嚇餐懵⋯⋯

既然最恐怖嘅返工你都克服到，相信呢一集都難你唔到，嚟聽下我哋遇到過啲咩奇奇怪怪嘅經歷啦！

每個人返工都會有老細，但老細都會有佢嘅老細，老細嘅老細又會有佢嘅老細……

就算係自己做老細，都總會有人係你嘅老細。

老細呢個生物好奇妙，你要聽佢枝笛，又要對佢交代，可能仲要做埋佢嘅垃圾桶，有咩都要硬食。

今集就等我哋剖析一下自己嘅老細係邊個，又或者邊個先係你老細？

究竟……Who's The Boss？

相信每個扮工仔都係由扮學團體畢業而嚟，咖喱角同田園都唔例外，

我哋深信三歲定八十，可以攤嘅話絕對唔會郁，更何況要我哋全神貫注咁坐定定喺度聽書呢？

於是扮學嘅我哋花招盡出，務求將時間利用到最大化，先對得住扮學團體資深會員喱個朵！

一於嚟聽下我哋當年上堂係點過啦！

扮工仔除咗扮工都會辦公(💩)，我哋唔係無時無刻都可以扮工㗎嘛！

但掛住做嘢隨時會做到腰酸骨痛、又忽略咗身體嘅需要！

今集我哋搜集咗兩大扮工仔最常遇到嘅身體問題，一齊嚟聽下我哋有咩小偏方去改善啦！

當你攰嘅時候，有無睇過一啲心靈雞湯式勵志嘅句子去勉勵你自己繼續行落去呢？

你又有無諗過，有啲心靈雞湯表面望落好勵志鼓勵，但其實暗藏邋遢！

就等今集我哋一齊分享見過最無厘頭最無意義表面好似有啲咩大道理嘅心靈毒雞湯啦！

關於人生，或者經歷咗舊年開始一連串嘅大小事之後，大家都有唔同嘅感受。

有人懷念昔日嘅時光，有人希望2020年快啲完，新一年新開始。

如果你有得揀，你想你架過山車褪後返去一開始嘅軌跡，定係前進去未知嘅低谷或者高峰？

關於旅行，相信係呢一年香港人最想做嘅事。

今年無得去，唯有回味一下之前去過嘅旅行，講咗聽咗當去咗。

疊埋心水，努力扮工，儲多啲錢，下年再去！

唔知你有得去返旅行之後，第一個想去嘅國家係邊個？

未諗？聽住我哋喱一集，一路聽一路諗！

唔知又有無勾起你之前去旅行嘅回憶？歡迎你留言同我哋分享！

關於我哋，到底點樣陪你扮工？