Sa pinakabagong episode ng Pintados podcast, maririnig ninyo ang nakakakilabot na kuwento ni Erwin mula sa Dueñas, Iloilo—isang lalaking nakaligtas sa atake ng nilalang na tinatawag na aswang. Bilang isang sensorador o ilegal na tagaputol ng puno, kinailangang magtayo ni Erwin at ng kanyang mga kasama ng tent sa bundok, kung saan sila inatake ng isang maitim na elemento. Habang inaalam ni Erwin ang pinagmumulan ng kakaibang alulong ng aso, bigla na lang siyang hinarap ng nilalang na nagbabanta sa kanyang buhay. Tunghayan ang bawat detalye ng nakakatakot na pakikipagsapalaran ni Erwin sa mundong puno ng kababalaghan at panganib sa episode na ito ng Pintados podcast!

Mapapakinggan ninyo ang tunay na kwento ni Omar, isang Kristo at sentensyador sa sabungan sa Negros Occidental noong 1978. Sa gitna ng ingay ng sabungan at kapana-panabik na derby, haharap si Omar sa isang nakakakilabot na balita—patay na si Kiko at napatay si Kiko ng isang aswang kaya nawawala ang mga laman-loob ng patay na katawan ni Kiko. Habang nagpapatuloy ang gabing puno ng laban, isang lalaki ang biglang nagpakita at nagbanta kay Omar, na magdadala ng mas matinding takot at misteryo sa kanyang buhay. Alamin kung paano haharapin ni Omar ang pagsubok na ito at ang katotohanan sa likod ng misteryosong pagkamatay ni Kiko dahil sa isang aswang.

Samahan natin si Albert (ang bida sa kuwento) na isang pulis sa Don Salvador Benedicto, Negros Occidental, sa kanyang nakakakilabot na pagtuklas ng bangkay sa gitna ng talahiban malapit sa merkado ng bayan. Ang kwentong ito ay hango sa tunay na buhay at magdadala sa atin sa isang engkwentrong puno ng misteryo at kababalaghan. Alamin kung paano haharapin ni Albert ang mga hindi maipaliwanag na pangyayari na nagbigay kilabot at takot sa buong bayan sa episode na ito. Tunghayan ang bawat detalye at kaabang-abang na kwento at ang nakakagimbal na katotohanan sa likod ng bangkay sa talahiban.

Tunghayan ang nakakakilabot na karanasan ni Karlo noong 1989 sa Dindoy, Negros Oriental. Sa kanyang pag-uwi sa liblib at madilim na daan, nakaramdam siya ng kakaibang takot habang tila may sumusunod at tumitingin sa kanya sa dilim. Ang katahimikan ng gabi ay biglang naputol nang may sumitsit at may gumalaw sa mga damo, hanggang sa bigla na lang may lumundag na maitim na baboy kay Karlo. Abangan ang kuwento ng takot, pagkalito, at kababalaghan sa episode na ito ng Pintados.

Matutunghayan ninyo ang pag-ikot ng kwento ukol sa tunay na karanasan ni Elias mula Isabela, Basilan noong 1987. Sa gitna ng kaguluhan at mataas na tensyon sa kanilang pamayanan bunsod na din ng away ng mga rebelde at militar ay nakapag-desisyonan ng pamilya ni Elias na tumira muna sa karatig Bayan na kung tawagin at Lantawan upang masiguro na di sila mapapahamak sa gulo ng militar at mga rebelde. Ngunit sa kanilang paglikas sa Isabela  Basilan isang misteryosong Ermitanyo ang maki-kilala ni Elias na magpapabago ng takbo ng kanyang buhay. Pakinggan ang kuwento ng tapang, kababalaghan, at agimat na maghahatid ng kakaibang takot at kamangha-manghang pakikipagsapalaran ni Elias kasama ang kanyang pamilya.

Ang kwentong ito ay naglalaman ng mga elemento ng takot at pakikipagsapalaran, na nagpapakita ng tunay na laban ni Makoy sa mga puwersang supernatural at ang kanyang pag-unawa sa mundo ng mga aswang at barang.

Naging mapangahas ang magkakaibigan na sina Mark, Ronald at Cheska na alamin kung totoo na may isang baryo na pinamumugaran ng aswang. Dito na mag-uumpisa ang ating kwento, kaya ba nilang sikmurain ang kanilang malalaman. Hanggang saan sila dadalhin ng kanilang kapusukan?

Sige takbo hanggat kaya mo? Pakinggan ang mga kwento ng kababalaghan dito sa #Pintados.

#HorrorStory #Pintados #Aswang #TAGMPodNetwork