Nøgen talde donostiarrak hamarkada bat bete du aurten, eta urteurren berezi batekin ospatuko du ibilbide hunkigarria. Folk-pop kutsu anglosaxoiekin abiatu zen proiektu hura, urte hauetan, euskal musika eszenaren erreferente bilakatu da. Martxoaren 19an, Arriaga Antzokian, taldeak kontzertu berezi bat eskainiko du, azken diskoa, Åben Cirkel, eta urte hauetako ibilbidea ospatzeko. Gaurkoan Nøgeneko abeslariarekin hitz egingo dugu, taldearen hasierako pasioaz, azken diskoko istorioez, eta 10 urteko ibilbideak emandako esperientziez, baita etorkizunari begira dituzten erronka eta proiektuez ere.

Deskargatu hemen.

Ostegunean gaualdi berezia izango dugu Bilboko Kafe Antzokian: oholtza gainean izango dira Cobra eta Leihotikan. Cobrak disko berria aurkeztuko du zuzenean, eta indar eta intentsitate handiko gaua espero da. Bestalde, Leihotikanek 30 urte bete ditu aurten. 1993an abiatu zuten bidea, eta ordutik bi maketa eta bederatzi disko kaleratu dituzte, euskal punk hardcore melodikoaren eszenan erreferente bilakatuz. 2023an plazaratu zuten “Etorkizuna ginenean” lana, orain arteko ibilbidea laburbildu eta gaurkotasunez jantzi duen diskoa. Hiru hamarkadako ibilbidea, konpromezuz, sentimenduz eta “su motelaren” filosofiari eutsiz egina, ospatzeko modukoa da zalantzarik gabe. Urteurrena borobiltzeko, lehen diskoaren berrargitalpena ere kaleratuko dute, binilo formatuan eta edizio berezian. Horri lotuta, 30 urte hauen errepasoa egingo duen kontzertu bira abiatuko dute: Bilbo, Donostia, Iruñea, Madril… geltoki nagusien artean. 30 urte igaro dira, baina galdera airean dago: hemen ez da ezer aldatzen? Ibilbideaz lasai hitz egiteko, tartetxo bat hartuko dugu Gorka Armendarizekin, Leihotikaneko abeslariarekin.

Deskargatu hemen.

Gaur egun, “kolapsoa” hitza gero eta gehiago entzuten dugu. Sistema ekonomikoaren kolapsoa, klima larrialdia, zaintza-sistemaren gainbehera… Badirudi amaiera baten atarian bizi garela etengabe. Baina… zer gertatzen da kolapsoa bera ere produktu bihurtzen denean? Publizitate agentzia batean kokatzen gaitu Kolapsoa antzezlanak. Edozer saltzeko gai diren hiru langile, behar ez dena ere bai. Brainstorming amaigabeetan murgilduta, ideiak sortzen, erritmoari jarraitzen, beti pixka bat azkarrago, beti pixka bat lehenago. Harik eta bezero batek huts egiten dien arte. Eta orduan, erabaki erradikala hartzen dute: produktu hori boikoteatzea. Are gehiago, deshazkundea saltzea. Jendeari… ez erosteko esatea. Baina sistemak ez du hain erraz uzten. Jon Ander Urrestiren testu eta ekoizpenarekin, Matxalen de Pedroren zuzendaritzapean, umorea, absurdoa eta satira uztartzen dituen proposamena da Kolapsoa. Fikzio infinitu baten barruan bizi garela dio, eta agian apokalipsia lehen lerrotik ikusiko ez dugula… baina haren absurdoaz barre egiteko aukera badugula.

Deksragatu hemen.

Skabidean taldeak Herri kuttunari kantatu dio azken lanean. Migrazioak ekarri duen min horri. Skabidean estudioko 6. diskoa da hau, eta 7 abesti biltzen ditu. Euskal trobadoreen hitzetan eta jamaikar erritmo klasikoetan oinarritua konposizio erreferentzia gisa. Euskal Herriak erbesteratu asko ditu eta kanpora jlanera joan behar izan zen. Gaur egun mundu honetan jende askok bere etxea utzi behar du behartuta, disko honek euskaldun horiei abesten die eta gaur egun zoritxar hori bizi dutenei. Diskoa ezagutzeko aukera izan dugu.

Deskargatu hemen.

Gaurkoan Bilbo hiria irratira Alas Glow batu zaigu, izen artistikoaren horren atzean Alasne dago.Entropia hiru kantuz osatutako lana argitaratu du, naiz eta aurreko urtean Bat deituriko Ep-a argitaratu zuen osorik euskaraz. Musika elektronikoa oinari kantatzeko erritmo ezberdinak landu ditu. Hitzei errepareatuz salaketarako eta aldarrikatzeko ere erabiltzen du musika.

Deskargatu hemen.

Urriaren hasieran kaleratu zuen Txalapartaren eskutik Olatz Dañobeitiak Sorginak, putak, terroristak. Indarkeria matxistaren ertzak: tortura politikoa. Liburua eraldaketarako proposamen bat da, hausnarketarako proposamen bat da, aldarrikapen bat, salaketa bat da. Baina bereziki, biolentzia matxistaren ertz zehatz bat azpimarratzeko eta biolentzia politikoaren interpretazio berri bat egiteko saiakera bat da.Hainbat indarkeria espezifiko izendatzen ari garen garai hauetan (obstetrikoa, psikologikoa, bikarioa…) tortura politikoa ere indarkeria matxistaren alderdi espezifiko batzuk dituen biolentzia dela landu nahi izan du, interpretazio marko bat garatu. Bihar Bilbon aurkeztuko du eta aitzakia hartu dugu berarekin berba egiteko.

Dekargatu hemen.

URTZ musika talde pasaitarrak “Urtzen” izeneko disko berria kaleratu du, bere ibilbideari begirada berezi eta intimoa eskainiz. Lan berrian, taldearen hamabost abesti esanguratsuenak bildu eta formatu akustikoan berrinterpretatu dituzte, doinu berritu, sinfoniko eta hunkigarriz jantzita, eta gainera, abesti berri bat ere gehitu diote bildumari.Diskoarekin batera, URTZek antzokietako bira akustiko berezia abiatzear dago Euskal Herrian barrena: kontzertu bakar eta esklusiboak, eszenaratze zainduarekin, taldearen kantu klasikoak inoiz entzun ez diren moduan eskaintzeko. Esperientzia berezi honen atzean dagoen prozesu sortzaileaz, berrinterpretazioaz eta momentu artistiko honen esanahiaz hitz egiteko elkartu gara Xabi Camarerorekin.

Deskargatu hemen.

Xabi Aburruzaga trikitilari eta musikari bizkaitarrak BASK izeneko disko berria aurkeztu du, bere ibilbideko zazpigarren lana eta, bere hitzetan, orain arteko proiekturik osatuena. Azken bi urteetan sortutako hamahiru konposiziok osatzen dute lana, eta euskal musikaren sustraietatik abiatuta, munduko beste doinu eta erritmoekin elkarrizketan eraikitako proposamena da. Porrusalda eta sanba, fandangoa eta afrikar perkusioak, tradizioa eta gaurkotasuna uztartzen dira BASKen, folkaren ikuspegi irekia eta garaikidea marraztuz.

Deskargatu hemen.

Irati Gorostidi zuzendariaren estreinako pelikula da Aro berria, eta Zinemalditik pasa ondoren, zinema aretoetara iritsiko da egunotan. Maite Muguerza, Jon Ander Urresti eta Edurne Azkarate dira aktoreetako batzuk. Ur-kontagailuen fabrika batean kokatzen da istorioa: langileak eztabaidan ari dira greba egin ala ez. Orduan, langileetan inkonformistenek haien bizimodua goitik behera aldatzea erabakiko dute, mendietako komunitate isolatu batean integratuta. Gorostidirekin solastatu gara, filmaren inguruan gehiago jakiteko asmoz.

Deskargatu hemen.

Gaur Latzen taldea izan dugu gurean. Urrun gelditu da lau gaztek osatutako talde haren lehen aro labur baina oparoa. 1993tik 1999ra bitartean, Heriotzari deika maketa plazaratu zuten —30. urteurrena bete du—, eta bi disko kaleratu: Kontzientzia ala infernua eta Ardi larruz. Euskarazko heavy metalaren bide propioa ireki zuten, eta balada ezagun batek oihartzun handia eman zien taldeari. Bigarren etapa are laburragoa izan zuten. 2007an itzuli ziren Infernuko ateetan kontzertu birarekin, eta urtebete geroago, 2008an, bigarren agurra eman zuten. Hirugarren aroa, berriz, aurten abiatu dute, taldearen formazioa berrituta: hasierako kideak, Aitor Uriarte (ahotsa eta gitarra), Joxemari Azpitarte (baxua) eta Gorka Lazkano (bateria), Yerko Ortiz (gitarra) musikariarekin batu dira. Urtarriletik aurrera, Denboraren orbainak lan berria aurkeztuko dute kontzertu bira zabal baten bidez, Euskal Herriko hainbat aretotan eta Espainiako heavy metal jaialdi garrantzitsuenetan. Gurean izan dugu Aitor Uriarte.

Deskargatu hemen.