Tydens die pas afgelope Namibië Energiekonferensie is die land aangespoor om plaaslike energie-opwekkingskapasiteit te versnel en invoerafhanklikheid te verminder. Volgens kenners moet Namibië dringend sy eie opwekkingskapasiteit bou. Teen dié agtergrond het Kosmos 94.1 Nuus 'n reeks onderhoude met die energieministerie se hoofekonoom Abednego Ekandjo gevoer. Hy verduidelik dat die ministerie met Afrika-lande en die privaatsektor praat om raffinaderye in die land te vestig ter voorbereiding vir olieproduksie.