PLANET FM

Kənd təsərrüfatı fəlakətlərin qarşısını almaq üçün hansı innovativ yollara (dronlar, sensorlar) baş vurmalıdır?

"İqlim Gündəliyi" verilişinin bu buraxılışında ADA Universitetinin professoru, bitki mühafizəsi üzrə fəlsəfə doktoru Sahil Quliyev ilə COP31 zirvəsinin əhəmiyyətini, Azərbaycanın aqrar sektorundakı mövcud quraqlıq və daşqın problemlərini müzakirə edirik. Yeni məhsuldar bitki sortlarının ölkəyə gətirilməsi yerli aqronomlar üçün niyə çətinlik yaradır? Hökumətlər kənd təsərrüfatını daha dayanıqlı etmək üçün hansı addımları atmalıdırlar? Əgər siz də gələcəyin qida təhlükəsizliyi və iqlimin kənd təsərrüfatına təsiri ilə maraqlanırsınızsa, podkastı sonadək izləyin.

"Planetin səhəri" verilişinin bugünkü buraxılışında qonağımız xaricdə əmlak üzrə mütəxəssis, səyyah Aygün Hacılıdır. Aygün xanım işini itirdikdən sonra aldığı təzminatla birtərəfli bilet alaraq Vyetnama etdiyi uzunmüddətli səyahətdən və orada qazandığı təcrübələrdən bəhs edir. 

 Aparıcılar: Rəhman Rəsulov, Cavid Neymətzadə
Qonaq: Aygün Hacılı

Gələcək elə indidir!

Bakıda keçiriləcək II Süni İntellekt Zirvəsi – "Baku AI Summit 2026" ərəfəsində "Zaman Maşını" verilişində texnologiyanın həyatımıza necə təsir etdiyini müzakirə edirik. "FaceMark" şirkətinin layihə rəhbəri Xədicə Cəbrayılova, "Lambda Labs MMC"nin təsisçisi Fərid Hüseynov və Türkiyədən "Logo Group"un Baş Texniki Direktoru İsmayıl Duranın iştirakı ilə Süni İntellektin biznesə, rəqəmsallaşmaya və gündəlik işlərə təsiri barədə maraqlı detallar açıqlanır.

Aparıcı: Nigar Məmmədova

Verilişin bu buraxılışında təyyarə bələdçisi Elsəvər Məmmədli aviasiya dünyasının və uçuşların ən maraqlı məqamlarını paylaşır. Təyyarə bələdçisi olmaq üçün hansı fiziki və psixoloji şərtlər tələb olunur? Niyə hər bələdçi yalnız müəyyən təyyarə tiplərində (Airbus, Boeing və s.) uça bilər?
Həmçinin, bələdçilərin xüsusi su üzgüçülük təlimləri və təyyarə enişindəki məşhur "alqış" ənənəsi barədə səmimi cavabları eşidəcəksiniz. 

Aparıcılar: Rəhman Rəsulov, Cavid Neymətzadə
Qonaq: Elsəvər Məmmədlİ

Bu buraxılışda qonağımız Azərbaycan Rəssamlar İttifaqının üzvü, beynəlxalq dərəcəli rəssam Röya Abdullayevadır. Röya xanım Parisin məşhur Luvr və Amsterdamdakı Van Qoq muzeyinə necə ödənişsiz daxil olduğunu, Rəssamlar İttifaqı və UNESCO kartlarının verdiyi gizli üstünlükləri izləyicilərimizlə bölüşür. Həmçinin, Albaniyanın gizli cənnəti olan Ksamilin niyə daha ucuz turizm məkanı olduğu, Tiranada Osmanlı izləri və yerli mətbəxin sirləri (Tavë Kosi) müzakirə edilir. İsveçrənin Cenevrə şəhəri ilə Mingəçevir arasındakı bənzərliklərdən tutmuş, Qazaxıstan səyahətinin xüsusiyyətlərinə qədər bir çox fərqli mövzuya toxunulur. 

Aparıcı: Rəhman Rəsulov
Qonaq: Röya Abdullayeva

Layihənin əsas məqsədi elm, təhsil və innovasiyaları geniş ictimaiyyət üçün daha əlçatan, anlaşıqlı və maraqlı etməkdir. ABŞ-nin nüfuzlu Stanford Universitetinin Dayanıqlı Əməliyyatlar üzrə proqramının məzunu Aybəniz İsmayılovanın təqdimatında dinləyicilər ADA Universitetinin müəllim-professor heyəti, tədqiqatçıları və tələbələri ilə aparılan maraqlı müzakirələrdə gündəlik ekoloji vərdişlər üçün praktiki məsləhətlər, idarəetmədə yaşıl təşəbbüslər, dayanıqlıq proseslərinin həyatımızda təzahürü haqqında məlumatlar öyrənəcəklər.

İqlim dəyişikliyi ilə mübarizə niyə ləngiyir? Niyə illərdir keçirilən qlobal zirvə görüşlərinə baxmayaraq, istixana qazlarının emissiyası hələ də artmaqda davam edir?

Bu podkastda ətraf mühit hüququ və siyasəti üzrə ekspert Sadiqə Mehdiyeva iqlim siyasətinin ən vacib problemlərini və gizli reallıqları açır. O, dövlətlərin və nəhəng korporasiyaların iqlim fəlakətləri qarşısında daşıdığı hüquqi məsuliyyətdən, Beynəlxalq Ədalət Məhkəməsinin qərarlarından və qlobal iqlim miqrasiyası böhranından bəhs edir.

Verilişin bu dəfəki qonağı "Lifestyle" bloqer və piano müəllimi Gülarə İsmayılova ilə İspaniya səyahəti haqqında maraqlı söhbət etdik. Buraxılışda Barselona, İbiza, Marbella və Seviliya kimi möhtəşəm şəhərlərdəki təcrübələr, "La Sagrada Familia" və Park Güell kimi tarixi abidələr barədə ətraflı məlumat əldə edəcəksiniz. Gülarə xanım həmçinin İspaniyanın yüksək qiymətləri, Paella və Tacos kimi məşhur yeməkləri barədə danışır, eləcə də İspaniya və İtaliyanı müqayisə edərək İspaniyanın nə üçün daha təhlükəsiz və cəlbedici olduğunu izah edir. Gələcək səyahət planlarında Taylandın adalarını (Phi Phi, Phuket, Krabi) kəşf etmək istəyini bildirən qonağımızın İbizada Calvin Harris konsertində yaşadığı inanılmaz hislər və başının üzərindən keçən təyyarələrlə bağlı xatirələri videoya xüsusi rəng qatır. 

Aparıcılar: Rəhman Rəsulov
Qonaq: Gülarə İsmayılova

Bu buraxılışda şair və müəllim Səhər Əhməd 5-ci sinif "Azərbaycan dili" dərsliyində yer alan hekayələrin əslində xarici müəlliflərə məxsus olduğunu və müəllif hüquqlarının kobud şəkildə pozulduğunu sübut edir. Rafiq İsmayılovun adı ilə təqdim olunan əsərlərin orijinal mənbələri, hekayələrin məktəb yaşlı uşaqların psixologiyasına mənfi təsiri və ədəbi mühitimizdəki mövcud böhran geniş müzakirə olunur.
Bəs görəsən, milli ədəbiyyatımız niyə dərsliklərdə yetərincə təmsil olunmur? Müasir şagirdlərə necə hekayələr maraqlı gəlir?

.Aparıcı: Nigar Məmmədova

Monqolustan səyahəti barədə ən maraqlı detallar, onlayn viza prosesi və gizli qalmış Asiya mədəniyyəti bu buraxılışda!

"Planet FM"in qonağı olan səyyah Cəmilə Həsənli həyat yoldaşının iş səyahəti ilə əlaqədar Ulan-Batora etdiyi maraqlı səfərdən danışır. Monqolustana onlayn viza almağın sadə yolları, şəhərdə qəfildən -10 dərəcəyə enən soyuq hava və soyuqdan qorunmaq üçün yerli yun və kaşmir geyimlərinin önəmi barədə ətraflı məlumat verir.