Ide neust Folg wirds trashy. Mer rede drüber werom Trash-TV so boomt, obwohl sich die meiste es bizli defür schäme Reality-TV z'luege. Du erfahrsch aber ned nor, was die (psychische) Beweggründ für d Faszination Trash-TV sind, sondern au es bizli behind the scene Wüsse über TV-Produktione. E Prise Feminismus het das Ganze natüürlich au, drum wird idere Folg au no über en Artikel über luuti Fraue im Trash-TV diskutiert.

Ir neuschte Folg geiz umd Familie Beckham und zwar ums Familiedrama rund ume Brooklyn Beckham und sini Frou d Nicola Peltz. Üs isch nämlech ufgfaue, dass i Familiedramene oft d Froue als Schuldigi ahgluegt wärde. Drzue giz wie immer üsi Good and Bad News und spannendi Empfählige.

D'Silvesternacht in Crans-Montana het schlimmi Folge mit sich bracht und steckt de ganze Nation ide Chnoche. Die medial Brichterstattig isch entsprechend gross gsi. Für eus vo «Planlos» wirft sie viel Frage uf.

Ih dere Folg redemer über d'Krisebrichterstattig und wie d'Medie mit Fäll wie Crans-Montana umgönd. Mir ordnet ih, warum s'Informationsbedürfnis so gross isch, wo d'Brichterstattig in Voyeurismus kippt und wieso au etablierti Medie untereme massive Druck stönd.

Wie verschiedni Länder mit dem Ereignis umgönd und welli Uswürkige die Bricht uf Betroffeni und ufs Publikum chan ha, ghörsch au i dere Usgab.

Es isch e wichtigi Folg – über Verantwortig im Journalismus, über Klicklogike und über d'Frag, was mir als Konsument:inne und Journalist:inne aktiv chönd mache, zum nötigi Grenze setze.

Vom neue Bundesrat übere ESC zur Womans Euro, das Jahr isch viu passiert. Mir luege zrüg u rede über d Gschehniss uf dr Wäut und üsi Highlights.

Ide Schwiz sind das Johr scho 27 Fraue oder Meitli (Stand 14.12.25) tötet worde. I dere Folg rede mir drum au über hüslechi und sexualisierti Gwalt ond weli (Fehl-)Entscheid d’Politik troffe het. Falls du oder öber wo du kennsch, devo betroffe sind, findsch do Hilf:

Opferhilfe Schweiz

 Online Opferberatung

Frauenberatung

Frauenhäuser

Für Täter oder betroffeni Männer:

Ohne Gewalt

Dachverband Schweizer Männer- und Väterorganisationen

Mannebüro

Was passiert grad ide Mediewelt?

Mir hend scho alli mindestens 1 Masseentlassig miterlebt, eus müsse vo Arbeitsgspänli und Medietitel verabschiede. Und: Mir mached eus Sorge. I dere Folg redemer über es Thema, wo eus direkt betrifft. Es macht eus Sorge fürd Zuekunft – für eus selber, d’Mediewelt und d’Demokratie.

Ob mir euse Weg im Journalismus glich no wennd verfolge oder wieso ebe au nöd? Los dri!
🥺 Und du erfahrsch au, wieso das die letzt Folg z’vierte isch.

Hesch o scho mau gnue gha vo schlächte News? Vilich hesch o du News Fatigue erläbt, z Gfüu we eim viu negativi Nachrichte zviu wärde. I dere Folg «Planlos» rede mr drüber und werum mir finge, dass Nachrichte nüm glich viral gö wie no früecher. Drzue giz wie i jedere Folg e Zämefassig vo guete u schlächte Nachrichte und üsi Empfählige, viu Spass!

D’Heidi Klum, d’Alessandra Ambrosio und d’Miranda Kerr sind für sie ufem Laufstäg gloffe. D'Victoria's Secret Show hed für vieli Jahr brilliert und Millione vo Mänsche beiflusst. 2018 isch d’Show vorübergehend abgsetzt worde und das wäge veraltetem und eisitigem Idealbild. Vo VS über GNTM bis zu Social Media – Schönheitsideal präged, was mir schön finded. I dere Folg redemer über Inklusivität, Tokenismus und was Schönheit für eus persönlich isch. Klar isch: Mir vier sind üs do auned ganz einig. 💅🏼💇🏼‍♀️

Was bi Harry Potter s Wort Voldemort isch, isch hüt s Wort Feminismus. 🪄💜
I dere Folg rede mer drüber, werom das Wort so vöu Lüüt triggert ond was de Striit zwüsche de J.K. Rowling ond de Emma Watson über de Feminismus vo hüt zeigt.
Vo Transrächt über Treadwives bis zum Girlboss-Feminismus: es esch e chline, aber ehrliche Abriss über d’Entwicklig vom Feminismus.
Vier Fraue, vier Meinige ond vöu Diskussionsstoff🎙️

Mir sind zrugg 🚀 Ide 2. Staffle «Planlos» tönt vieles andersch – neui Kategorie, no meh News und vor allem ganz viel spannendi Diskussione über alles, wo eus im Alltag, im

Bruef und ide Gsellschaft beschäftigt.

De Start machemer mit de Entwicklige rund um de Jimmy Kimmel und sini Suspendierig dur Disney. Was das mit de Meinigs- und Pressefreiheit ztue het und ob sie au ide Schwiiz bedroht isch – die und no ganz viel anderi Frage kläre mer ide neuste Folg 🎧

Wie findsch die neu Podcast-Form? Schrieb eus es Feedback und stimm churz ab ⬇️ Das hilft eus, immer besser z’werde 💪🏼🫶🏼

✨ Die Folg esch e Kooperation mit Juna Period. Mitem Code PLANLOS18 bechunsch du 18 % Rabatt uf dini Bstellig.