Último pleno de carácter ordinario do mandato, no que se aprobou a proposta de orzamentos municipais para 2023. As cifras ascenden a 3.682.350,25 euros e prevese que acaben superando os 4 millóns de euros ao longo do ano, xa que hai partidas que incrementarán o seu presuposto con achegas doutras Administracións, como por exemplo os 493.000 euros dos fondos da Transición Xusta que se investirán na zona da Cortiña e do paseo fluvial. O Grupo de goberno do BNG votou a favor, mentres que PP e PSOE se abstiveron.