ដើម្បីឲ្យក្រុមជំនុំមានសុខភាពល្អ ហើយអាចលូតលាស់បាន ដាច់ខាត! ប្រទេសកម្ពុជាយើងត្រូវស្គាល់ដំណឹងល្អដ៏ពិត—តើវាជាអ្វីទៅ ហើយតើយើងអាចយកវាទៅអនុវត្តបានដោយរបៀបណាក្នុងរាល់ចំណុចនៃជីវិតយើង។ នេះឯងជាមូលហេតុដែលយើងមានព័ន្ធកិច្ចផ្លូវពិត។ --- For healthy churches to grow, Cambodians must know the true gospel - What it is and how it applies to all areas of life. That’s why ផ្លូវពិត plovpit.com exists.   គេហៈទំព័រផ្លូវពិត ជាគេហៈទំព័រដែលលើកទឹកចិត្តអ្នកជឿទាំងអស់។ Plovpit.com

Hosted on Acast. See acast.com/privacy for more information.

សង្ខេបមេរៀន វា​ជា​រឿង​ដ៏​គួរ​ឲ្យ​សោកស្ដាយ​ដែល​ខ្ញុំ​ជា​អ្នក​និពន្ធ ក៏​ធ្លាប់​ធ្លយ​ខ្លួន​ទៅ​ក្នុង​និយាយ​ដើម​គេ​ជា​ច្រើន​ដង​មក​ហើយ​ដែរ។ ប្រមាណ​ជា​បី​បួន​ឆ្នាំ​មុន ខ្ញុំ​បាន​ស្ដាប់​រឿង​ដ៏​គួរ​ឲ្យ​ចាប់​អារម្មណ៍​ជា​ខ្លាំង​ពី​បុគ្គល​ម្នាក់។ ប៉ុន្តែ​ឥឡូវ​នេះ ខ្ញុំ​មិន​ចាំ​រឿង​នោះ​ទេ ខ្ញុំ​គ្រាន់តែ​ចាំ​បាន​ថា កាល​នោះ​ពេល​ខ្ញុំ​បាន​ទៅ​ដល់​ផ្ទះ ខ្ញុំ​ពិត​ជា​ចង់​ចែកចាយ​រឿង​នោះ​នឹង​ប្រពន្ធ​ខ្ញុំ​ណាស់។ ប៉ុន្តែ ខ្ញុំ​បាន​គិត ហើយ​សួរ​ខ្លួន​ឯង​ថា ម៉េច​បាន​ជា​ខ្ញុំ​ចង់​ចែកចាយ​រឿង​នេះ?  តើ​រឿង​នេះ​ទាក់ទង​អី​នឹង​ខ្ញុំ ឬ​ក៏​ប្រពន្ធ​ខ្ញុំ? គ្មាន​សោះ។  តើ​ប្រពន្ធ​ខ្ញុំ​អាច​នឹង​ធ្វើ​អ្វី​បាន​ទាក់ទង​នឹង​រឿង​នេះ? គ្មាន​សោះ។  តើ​ខ្ញុំ​ចង់​ចែកចាយ​រឿង​នេះ ដើម្បី​ឲ្យ​គាត់​ជួយ​ខ្ញុំ​ក្នុង​ការ​ទៅ​ជួយ​បុគ្គល​នោះ? អត់​សោះ។  ខ្ញុំ​បាន​ទទួល​ស្គាល់​ថា នេះ​ជា​ការ​និយាយ​ដើម​គេ​ទេ។ ដូច្នេះ​ខ្ញុំ​មិន​បាន​ប្រាប់​នាង​ឡើយ។ តាមរយៈ​រឿង​នេះ ព្រះ​ជាម្ចាស់​បាន​ទទួល​ព្រះ​កិត្តិយស ឯ​សហគមន៍​ខ្ញុំ អាពាហ៍ពិពាហ៍​ខ្ញុំ និង​ព្រលឹង​ខ្ញុំ​បាន​ទទួល​ការ​ការពារ​ពី​ព្រះអង្គ​ពី​ឥទ្ធិពល​ដ៏​អាក្រក់​នៃ​ការ​និយាយ​ដើម​គេ។  ការ​និយាយ​ដើម​គេ​បង្កើត​ឲ្យ​មាន​ទំនាស់ បាត់បង់​ទំនុកចិត្ត និង​បំផ្លាញ​សហគមន៍ ក៏​ដូច​ជា​មិត្ត​ភាព «ដ្បិត​ខ្ញុំ​ខ្លាច​ក្រែង​កាល​ណា​ខ្ញុំ​មក​ដល់ នោះ​មិន​ឃើញ​អ្នក​រាល់​គ្នា ដូច​ជា​ខ្ញុំ​ចូល​ចិត្ត​នោះ​ទេ ហើយ​អ្នក​រាល់​គ្នា​ក៏​មិន​ឃើញ​ខ្ញុំ ដូច​ជា​អ្នក​រាល់​គ្នា​ចូល​ចិត្ត​ដែរ ក្រែង​កើត​មាន​សេចក្ដី​ឈ្លោះ​ប្រកែក ឈ្នានីស គ្នាន់​ក្នាញ់ បាក់​បែក បរិហារ បង្កាច់ ឆ្មើង​ឆ្មៃ ហើយ​វឹក​វរ​ឡើង» (២កូរិនថូស ១២:២០)។ កណ្ឌគម្ពីរ សុភាសិត ១៦:២៨ ក៏​បាន​ចែង​ដែរ​ថា «មនុស្ស​វៀច​វេរ គេ​សាប​ព្រោះ​សេចក្ដី​ទាស់​ទែង​គ្នា ហើយ​អ្នក​បេះ​បួយ ក៏​នាំ​ឲ្យ​ទាំង​មិត្រ​សំឡាញ់​យ៉ាង​ជិត​ស្និទ្ធ​បាក់​បែក​គ្នា​ដែរ»។  ដូច្នេះ ចូរ​គេច​ចេញ​ពី​វា ហើយ​អធិស្ឋាន​សូម​ឲ្យ​ព្រះ​ជាម្ចាស់​ប្រើ​ម៉ាត់​យើង​ឲ្យ​ទៅ​ជា​ប្រភព​នៃ​ជីវិត​ដល់​អស់​អ្នក​ដែល​នៅ​ជុំវិញ​យើង។ សុភាសិត ១០:១១ «មាត់​នៃ​មនុស្ស​សុចរិត ជា​អណ្ដូង​ជីវិត តែ​សេចក្ដី​ច្រឡោត តែង​ខ្ទប់​មាត់​របស់​មនុស្ស   ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។ បកប្រែដោយ និងកែសម្រួលដោយ៖ លោក ឈាង បូរ៉ា និង លោក ជួប ប៊ុនហាក់ ដកស្រង់ខ្លះៗចេញពី Questions to Ask Before We Gossip​ ដោយមានការអនុញ្ញាត។​

Hosted on Acast. See acast.com/privacy for more information.

សូមគោរពនិង ជម្រាបសួរបងប្អូនរួមជំនឿទាំងអស់គ្នា លោកអ្នកអាចអានមេរៀនទាំងនេះ នៅក្នវេបសាយផ្លូវពិត​៖  កណ្ឌ​គម្ពីរ អេភេសូរ ៤:១៣ បាន​លើក​ឡើង​ថា ព្រះ​ជាម្ចាស់​បាន​ប្រទាន​អំណោយ​ទាន​ខាង​ឯ​ព្រលឹង​វិញ្ញាណ ដើម្បី​ឲ្យ​ប្រើ​ប្រាស់​ក្នុង​ការ​ស្ដារ​អវយវៈ​របស់​ព្រះ​គ្រីស្ទ​ឡើង «រហូត​ដល់​យើង​ទាំង​អស់​គ្នា​បាន​រួបរួម​នៅ​ក្នុង​ជំនឿ ហើយ​បាន​ស្គាល់​ព្រះ​រាជបុត្រា​របស់​ព្រះ ទៅ​ជា​មនុស្ស​ពេញ​វ័យ និង​ដល់​ខ្នាត​កម្ពស់​នៃ​សេចក្តី​ពោរពេញ​របស់​ព្រះ​គ្រីស្ទ»។ មាន​ការ​បក​ប្រែ​ព្រះ​គម្ពីរ​ជា​ភាសា​អង់គ្លេស​ខ្លះ​ថា យើង​នឹង​ក្លាយ​ជា «ល្អ​ឥត​ខ្ចោះ» (ជា​ជាង «ពេញ​វ័យ») ហើយ​ចេញ​ពី​ការ​នេះ ក៏​មាន​មនុស្ស​មួយ​ចំនួន​បាន​មាន​គំនិត​យ៉ាង​ខុស​ឆ្គង​ថា យើង​នឹង​អាច​ឈោង​ដល់​ចំណុច​នៃ​ការ​ល្អ​ឥត​ខ្ចោះ​ក្នុង​ជីវិត​នេះ​ដោយ​គ្មាន​អំពើ​បាប​បាន។ ព្រះ​គម្ពីរ​បាន​បង្រៀន​ថា ខណៈ​ពេល​ដែល​យើង​កំពុង​រស់នៅ​ក្នុង​សាច់​ឈាម​នេះ យើង​នឹង​តែង​តែ​បន្ត​តយុទ្ធ​ជា​មួយ​នឹង​លក្ខណៈ​នៃ​អំពើ​បាប (សូម​អាន​ក្នុង​កណ្ឌ​គម្ពីរ រ៉ូម ៧:១៤-២៤)។ គ្មាន​បុគ្គល​ណា​ដែល​នឹង «ល្អ​ឥត​ខ្ចោះ» (គ្មាន​បាប) បាន​ទេ រហូត​ដល់​ពេល​យើង​ទៅ​នៅ​ស្ថាន​សួគ៌​សិន។  ពាក្យ «ពេញ​វ័យ» ដែល​បាន​បក​ប្រែ​ក្នុង​កណ្ឌ​គម្ពីរ អេភេសូរ ៤:១៣ គឺ​ជា​ពាក្យ​ពី​ភាសា​ក្រិក «ធេលេអូស៍» (“teleios”)។ ពាក្យ​នេះ​មាន​ការ​ប្រើ​ប្រាស់​ក្នុង​ព្រះ​គម្ពីរ​សញ្ញា​ថ្មី​ក្នុង​អត្ថ​ន័យ «ល្អ​ឥត​ខ្ចោះ» «ពេញ​ខ្នាត» «លូត​លាស់​ធំ​ធាត់​ពេញ​ទី» និង «ពេញ​វ័យ»។ អ្វី​ដែល​កណ្ឌ​គម្ពីរ អេភេសូរ ៤:១៣ កំពុង​តែ​បង្រៀន​នោះ​គឺ​ថា ដរាប​ណា​យើង​កាន់​តែ​លូត​លាស់​ក្នុង​ព្រះ​គ្រីស្ទ នោះ​យើង​នឹង​កាន់​តែ​ខ្លាំង​ឡើង ហើយ​កាន់​តែ​មាន​ការ​រួបរួម​ក្នុង​ក្រុម​ជំនុំ។ ខ​គម្ពីរ​មួយ​នេះ​មិន​បាន​បង្រៀន​ថា យើង​នឹង​ឈប់​ប្រព្រឹត្ត​អំពើ​បាប​ទេ។  កណ្ឌ​គម្ពីរ កូឡូស ១:២៨ គឺ​ជា​ខគម្ពីរ​មួយ​ទៀត​ដែល​មនុស្ស​មួយ​ចំនួន​មាន​ការ​យល់​ច្រឡំ​ពេល​ខ្លះ ក្នុង​ការ​បក​ប្រែ​មួយ​ចំនួន​ថា​សាវ័ក ប៉ុល ចង់ «ថ្វាយ​មនុស្ស​ទាំង​អស់ ជា​មនុស្ស​គ្រប់​លក្ខណ៍​ក្នុង​ព្រះ​គ្រីស្ទ»។ ហើយ​ក្នុង​កណ្ឌ​គម្ពីរ កូឡូស ៤:១២ ថា​សាវ័ក ប៉ុល អធិស្ឋាន «ឲ្យ​អ្នក​រាល់​គ្នា​បាន​ឈរ​ជា​គ្រប់​លក្ខណ៍ ហើយ​ពេញ​ខ្នាត តាម​ព្រះ​ហឫទ័យ​នៃ​ព្រះ​គ្រប់​ជំពូក»។ ក្នុង​ខ​គម្ពីរ​ទាំង​ពីរ​នេះ យើង​គួរ​យល់​ពាក្យ​ក្រិក «ល្អ​ឥត​ខ្ចោះ» ថា​ឲ្យ​មាន​អត្ថ​ន័យ «លូត​លាស់​ធំ​ធាត់​ពេញ​ទី» ឬក៏ «ពេញ​វ័យ» មិន​មែន «គ្មាន​អំពើ​បាប» ទេ។  ក្នុង​នាម​ជា​មនុស្ស យើង​ស្ថិត​ក្រោម​លក្ខណ​សម្បត្តិ​របស់​លោក អ័ដាម លើ​ផែន​ដី​នេះ។ មិន​ថា​យើង​ខំ​ប្រឹង​ប៉ុណ្ណា​ក៏​ដោយ​ក្នុង​ការ​មិន​ប្រព្រឹត្ត ក៏​យើង​នៅ​បន្ត​ប្រព្រឹត្ត​អំពើ​បាប​ទាស់​ប្រឆាំង​នឹង​ព្រះ​ជាម្ចាស់​ដែរ។ ចំណុច​នេះ​គឺ​ពិត​សម្រាប់​មនុស្ស​គ្រប់ៗ​រូប។ សាវ័ក ប៉ុល បាន​ស្ដី​បន្ទោស​ដាក់​សាវ័ក ពេត្រុស ដោយ​សារ​គាត់​បង្ហាញ​ការ​ពេញ​ចិត្ត​បែប​លម្អៀង (កាឡាទី ២:១១-១៣)។ ក្នុង​ព័ន្ធ​កិច្ច​របស់​សាវ័ក ប៉ុល ពេល​ក្រោយ​ទៀត គាត់​បាន​ហៅ​ខ្លួន​ឯង​ថា ជា​មនុស្ស​មាន​បាប​លេខ​មួយ (១ធីម៉ូថេ ១:១៥)។ ទាំង​សាវ័ក ពេត្រុស សាវ័ក យ៉ាកុប សាវ័ក យ៉ូហាន និង​សាវ័ក ប៉ុល សុទ្ធ​តែ​បាន​សារភាព​ថា ពួក​គាត់​មិន​មែន​ជា​មនុស្ស​ល្អ​ឥត​ខ្ចោះ​ទេ។ តើ​ឲ្យ​អ្នក ហើយ​និង​ខ្ញុំ​អះអាង​ខុស​ពី​ពួក​គាត់​បាន​យ៉ាង​ដូច​ម្តេច​ទៅ?  ការ​មាន​លក្ខណ​សម្បត្តិ​ដ៏​ល្អ​ឥត​ខ្ចោះ​ដ៏​ពិត​ប្រាកដ​នឹង​មិន​អាច​កើត​មាន​ឡើង​បាន​ទេ លុះ​ត្រា​តែ​ព្រះ​ជាម្ចាស់​យាង​មក​យក​ក្រុម​ជំនុំ​សិន គឺ​ពេល​ដែល​យើង​នឹង​ងើប​ឡើង​ទៅ​ជួប​ព្រះ​យេស៊ូវ​លើ​អាកាស (១ថែស្សាឡូនីច ៤:១៧)។ នៅ​គ្រា​នោះ អស់​អ្នក​ដែល​ស្លាប់​ក្នុង​ព្រះ​គ្រីស្ទ​នឹង​ទទួល​បាន​ការ​រស់​ឡើង​វិញ ហើយ​រូប​កាយ​នៃ​អ្នក​ដែល​កំពុង​រស់​នៅ​ក៏​នឹង​ទទួល​បាន​ការ​បំផ្លាស់​បំប្រែ (ភីលីព ៣:២០, ២១; ១កូរិនថូស ១៥:៥៤)។ យើង​នឹង​ឈរ​នៅ​ពី​មុខ​បល្ល័ង្ក​នៃ​ការ​ថ្កោល​ទោស​របស់​ព្រះ​គ្រីស្ទ (២កូរិនថូស ៥:១០) ដែល​នៅ​ពេល​នោះ​ព្រះ​អង្គ​នឹង​កាត់​ក្ដី​លើ​ព័ន្ធ​កិច្ច​នានា​របស់​យើង ហើយ​ក៏​នឹង​ប្រទាន​រង្វាន់​ផង​ដែរ (១កូរិនថូស ៣:៩-១៥)។ ការ​ប្រោស​លោះ​របស់​យើង​នឹង​ឈាន​ដល់​ទី​បញ្ចប់ ហើយ​អំពើ​បាប​របស់​យើង​ក៏​នឹង​លែង​មាន​យ៉ាង​អស់​កល្ប​ជានិច្ច​ដែរ។ យើង​នឹង​រស់​នៅ ហើយ​សោយ​រាជ្យ​ជា​មួយ​នឹង​ព្រះ​គ្រីស្ទ​ក្នុង​លក្ខណៈ​ដែល​គ្មាន​អំពើ​បាប​យ៉ាង​អស់​កល្ប​ជានិច្ច។  និពន្ធដោយក្រុម៖ www.gotquestions.org បកប្រែដោយលោកគ្រូ៖ ឈាង បូរ៉ា កែសម្រួលដោយ៖ លោក ទេព រ៉ូ, លោក ខែម បូឡុង, លោក ប៊ុន ធីម៉ូថេ និងលោកស្រី ពុុល រដ្ថា ដកស្រង់ខ្លះៗ និងកែសម្រួលចេញពី gotquestions.org/sinless-perfection.html  ដោយមានការអនុញ្ញាត។

Hosted on Acast. See acast.com/privacy for more information.