རྒྱ་ནག་གཞུང་གིས་རྒྱལ་སྤྱིའི་སྤྱི་ཚོགས་ཁྲོད་ལ་བོད་ཐོག་ལ་དྲིལ་བསྒྲགས་ལོག་པ་གང་འདྲ་བྱས་ཏེ་བྱེད་བཞིན་ཡོད་པའི་སྐོར་ཨ་རིའི་རྒྱལ་ས་ཝ་ཤིན་ཊོན་ནང་བརྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་སྙན་ཐོ་རྒྱས་པོ་ཞིག་འདོན་སྤེལ་གནང་ཡོད་པའི་སྐོར་གླེང་སློང་ཞུས་ཡོད།

༄༅། ན་ནིང་ཕྱི་ལོ་༢༠༢༣ལོའི་ལོ་དཀྱིལ་ཙམ་ལ་མ་སུ་བོད་ཁྱིམ་གྱི་དྲུང་ཆེ་བསྟན་འཛིན་ཕྱོགས་གླང་ལགས་ཨ་མི་རི་ཀའི་ས་གནས་ཁག་དང་། དེ་བཞིན་ཡུ་རོབ་ཀྱི་ས་གནས་ཁག་ཅིག་བཅས་ལ་དཔལ་འབྱོར་འདུ་འགོད་དང་འབྲེལ་བའི་ལས་དོན་ཆེད་དུ་ཕེབས་པའི་ཐད་ལ་གྲུབ་འབྲས་ཇི་བྱུང་སྐོར་ལ་དྲུང་ཆེ་མཆོག་དང་ལྷན་དུ་གླེང་མོལ་ཞུས་པ་ཞིག་གསན་གྱི་རེད།

ཐེངས་འདིའི་རྩོམ་སྒྲིག་པའི་གཏམ་ཚོགས་ནང་ཨ་རིའི་ལྷོ་ཕྱོགས་ནས་སྐྱབས་བཅོལ་ཡོང་མཁན་ཉིན་རེ་བཞིན་མང་དུ་འགྲོ་བཞིན་པ་དང་། ཨ་རིའི་ནང་ཕྱི་མི་གཞིས་ཆགས་ཀྱི་སྲིད་ཇུས་དེ་སྲིད་དོན་ཚོགས་པ་གཉིས་ཀྱི་རྩོད་གཞི་གཙོ་བོར་འགྱུར་བ་སོགས་ཀྱི་སྐོར་གླེང་ཡོད།

སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་ལོ་ལྟར་ཆིབས་སྒྱུར་བཀའ་དྲིན་སྐྱོང་བཞིན་པ་ལས་འཕྲོས་ནས་གནས་དེར་གྱུར་བ་དང་ཁྱད་པར་གང་འདྲ་ཞིག་ཡོང་གི་ཡོད་པའི་སྐོར་ལ་རྡོ་རྗེ་གདན་དུ་བཅའ་བཞུགས་དགའ་ལྡན་འཕེལ་རྒྱས་གླིང་གི་འགན་འཛིན་རྒན་བསྟན་འཛིན་དཀོན་མཆོག་ལགས་སུ་གླེང་མོལ་ཞུས་ཡོད།

༄༅། རྡ་རམ་ས་ལའི་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་ཀྱིས་ཨ་རིའི་གཙུག་ལག་སློབ་གཉེར་ཁང་ཁག་ཅིག་ལ་གཏམ་བཤད་དང་དེ་བཞིན་གྲོང་ཁྱེར་ནིའུ་ཡོག་དང་མི་ནི་སོ་ཊ་བཅས་ཀྱི་ནང་གནས་པའི་བོད་མི་ཁག་ཅིག་དང་ཐུག་འཕྲད་ཀྱིས་ལམ་སྟོན་བཀའ་སློབ་གནང་བའི་གནས་ཚུལ་ཞིག་གསན་རོགས་གནང་།

ཆུ་མགོ་བོད་ནང་ཡོད་པའི་གཙང་ཆུ་ཁག་ལ་སྲུང་སྐྱོབ་མ་ཐུབ་པ་ཡིན་ཚེ། ལྷོ་ཤར་ཨེ་ཤི་ཡའི་ནང་ཆུ་དཀོན་པའི་དཀའ་ངལ་འཕྲད་རྒྱུའི་ཉེན་ཁ་ཡོད་པའི་སྐོར་ཉེ་ལམ་༢༠༢༣ ལོའི་ཕྱི་ཟླ་༡༡ པའི་ནང་བོད་ཀྱི་སྲིད་ཇུས་ཉམས་ཞིབ་ཁང་གིས་བོད་ཀྱི་ཆུ་བོ་ཁག་ལ་གལ་གནད་ཅི་ཡོད་སྐོར་ལ་བགྲོ་གླེང་ཚོགས་འདུ་ཞིག་གནང་ཡོད་པ་དེའི་སྐོར་གླེང་མོལ་ཞུས་ཡོད།

ཁ་ན་ཊའི་ནང་གནས་འཁོད་ལྕགས་ལོ་བུ་ཆུང་ལགས་ཀྱིས་ལོ་ངོ་༢༠ ལྷག་གི་རིང་གྲུབ་ཆེན་ཐང་སྟོང་རྒྱལ་པོའི་སྐུ་ཚེའི་ལོ་རྒྱུས་དང་མཛད་རྗེས་ཐད་ལ་ཉམས་ཞིབ་གནང་སྟེ། ཐང་སྟོང་རྒྱལ་པོའི་སྐོར་ལ་དཔེ་དེབ་༣༠ ཙམ་པར་སྐྲུན་བྱས་ཡོད་པ་རེད། འདིར་གྲུབ་ཆེན་ཐང་སྟོང་རྒྱལ་པོའི་མཛད་རྗེས་གཙོ་ཆེ་བ་ཁག་ཅིག་ཐད་ལ་གླེང་མོལ་ཞུས་ཡོད།

༄༅། ཐེངས་འདིའི་ཕལ་སྐད་གླེང་མོལ་པོ་ཌ་ཁ་སེ་ལེ་ཚན་ནང་ཕྱི་ལོ་གསར་པའི་ནང་ལའང་དམག་འཁྲུག་ཆེན་པོ་གཉིས་མུ་མཐུད་རྒྱག་ཉེན་ཡོད་པ་དང་དུས་མཚུངས་ཨ་རིའི་ཕྱི་འབྲེལ་སྲིད་ཇུས་ཀྱི་ཁ་ཕྱོགས་ལ་འགྱུར་ལྡོག་གཏོང་སྲིད་པའི་སྐོར་གླེང་མོལ་ཞུས་པ་དེ་གསན་གྱི་རེད།

དེ་རིང་གི་མཐོང་ཐོས་བྱུང་བའི་བོད་ཀྱི་གནས་ཚུལ་ལ་དྲན་གསོའི་ལས་རིམ་ནང་བཙན་བྱོལ་བོད་མིའི་འཚོ་རྟེན་གཙོ་བོ་བལ་གོས་སམ་སུད་ཚོང་གི་ཐོག་མའི་གནས་སྟངས་སྐོར་འདི་གའི་གསར་འགོད་པ་ཨུ་རྒྱན་བསྟན་འཛིན་ལགས་དང་བགྲོ་གླེང་ཞུས་པ་ཞིག་གསན་རོགས་གནང་།

༄༅། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཚན་རིག་གི་བརྟག་དཔྱད་ལ་གཞི་བཞག་ཏེ་བཀའ་གནང་དོན་ བྱམས་བརྩེས་ལུས་ཟུངས་འཕེལ་གྱི་ཡོད་པ་དང་ ཡང་ཁོང་ཁྲོས་ལུས་ཟུངས་ཉམས་ཀྱི་ཡོད་པའི་གནས་ཚུལ་ཞིག་ཀུན་བཟང་སྒྲོལ་མ་ལགས་ཀྱིས་ཕྱོགས་བསྒྲིགས་ཀྱིས་སྙན་སྒྲོན་གནང་གི་རེད།