དེ་རིང་གི་མཐོང་ཐོས་བྱུང་བའི་བོད་ཀྱི་གནས་ཚུལ་ལ་དྲན་གསོའི་ལས་རིམ་ནང་སུད་སིར་ཆགས་པའི་རི་ཀོང་ཆོས་འཁོར་དགོན་ཐོག་མར་གསར་བཞེངས་ཀྱི་ལོ་རྒྱུས་སྐོར་དགོན་པ་འདིའི་དགེ་འདུན་པ་རྙིང་ཤོས་ཆོས་མཛད་བསྟན་འཛིན་ཕུན་ཚོགས་ལགས་དང་ལྷན་དུ་བགྲོ་གླེང་ཞུས་པ་གསན་རོགས།

༄༅། ཐེངས་འདིའི་ང་ཚོའི་ཕལ་སྐད་གླེང་མོལ་པོ་ཌ་ཁ་སེ་ལས་རིམ་ནང་ སྤྱི་ཟུར་གདོང་འདུས་སྐྱིད་འཛོམས་ལགས་དང་ལྷན་ཁོང་གི་རྒྱལ་སྤྱིའི་ཉེས་ཡང་ཚོགས་པའི་ཐབས་ཇུས་སྣེ་ཁྲིད་ཀྱི་ལས་དོན་དང་བོད་དོན་ལས་འགུལ་སོགས་ཀྱི་ཐོག་གླེང་མོལ་ཞུས་པ་ཞིག་གསན་གྱི་རེད།

དམིགས་བསལ་ལེ་ཚན་ཆེད་སྒྲིག་གི་ལེ་ཚན་ནང་བོད་ཀྱི་སྲོལ་རྒྱུན་སྨན་པ་བསོད་ནམས་སྟོབས་རྒྱལ་ལགས་ནས་ལ་དྭགས་བྱང་ཐང་དུ་འཕྲོད་བསྟེན་ཞབས་ཞུ་སྒྲུབ་བཞིན་པའི་སྐོར་ལ་ཆེད་སྒྲིག་ཞུས་པའི་ལེ་ཚན་ཞིག་འདི་གའི་གསར་འགོད་པ་བསྟན་འཛིན་ནོར་བཟང་ལགས་ཀྱིས་བཅར་འདྲི་ཞུས་ཡོད།

ནང་ཆོས་ལ་སློབ་སྦྱོང་གནང་མྱོང་ཡོད་པ་ཞིག་གིས་དེང་དུས་ཀྱི་ཚན་རིག་ལ་སློབ་སྦྱོང་གནང་བ་ཡིན་ན། དགེ་མཚན་ཇི་ཡོད་དང་ དེ་བཞིན་ཚན་རིག་པ་ཚོས་ནང་པའི་སེམས་ཁམས་རིག་པའི་སྐོར་ལ་སྦྱང་བ་ཡིན་ན་ ཕན་ཐོགས་ཆེན་པོ་ཡོད་པའི་སྐོར་སེ་ར་བྱེས་གྲྭ་ཚང་གི་ཤེས་ཡོན་འགན་འཛིན་དགེ་བཤེས་ཐབས་མཁས་བློ་གྲོས་ལགས་ཀྱིས་གསུང་བ་ཞིག་གསན་གྱི་རེད།

སྔར་སྲིད་པ་ཆག་པ་ནས་བཟུང་འཛམ་གླིང་ནང་གི་ཁང་ཆེན་ཁག་དང་ལམ་གཞུང་། ཟམ་པ་ལ་སོགས་བསྐྲུན་རྒྱུར་ཨར་འདམ་བེད་སྤྱོད་བྱས་ཡོད། ཨར་འདམ་བཟོ་རྒྱུའི་ལས་འཆར་དེ་དག་གིས་ཁོར་ཡུག་ནང་ནག་རྫས་བརྒྱ་ཆ་བརྒྱད་ཙམ་ཞིག་བཟོ་བཞིན་ཡོད་པར་བརྟེན་ཨར་འདམ་བཟོ་སྟངས་ལ་ བསྒྱུར་བཅོས་ཤིག་གཏོང་རྒྱུའི་དུས་ལ་སླེབས་ཡོད་པའི་སྐོར་གྱི་གནས་ཚུལ་ཞིག

ཉེ་དུས་ཨ་རིའི་གཞུང་འབྲེལ་མཐོ་རིམ་དབུ་ཁྲིད་རབ་དང་རིམ་པ་ཞིག་གིས་རྒྱ་ནག་ལ་འཚམས་འདྲི་གནང་བ་དང་མི་འདྲ་བར་ཨ་རིའི་ཕྱི་སྲིད་དྲུང་ཆེ་ཟུར་པ་ཀི་སིན་ཇར་ནི་གཟའ་འཁོར་སྔོན་མའི་ནང་རྒྱ་ནག་ལ་ཕེབས་སྐབས་རྒྱ་ནག་གཞུང་གིས་སྣེ་ལེན་གཟབ་རྒྱས་ཞུས་ཡོད་པ་རེད།

དེང་སྐབས་འཛམ་གླིང་གི་དཔལ་འབྱོར་ཡར་རྒྱས་ཅན་གྱི་རྒྱལ་ཁབ་ཁག་ཏུ་ཕྲུ་གུ་སྐྱེ་མཁན་ཇེ་ཉུང་དུ་ཕྱིན་ནས་ལས་ཀ་བྱེད་མཁན་མི་འདང་བའི་དཀའ་ངལ་འཕྲད་བཞིན་ཡོད་ཅིང་། དེ་བཞིན་དབུལ་ཕོངས་རྒྱལ་ཁབ་ཁག་ཏུ་ན་གཞོན་ལས་མེད་པ་མང་དྲགས་པའི་དཀའ་ངལ་ཆེ་རུ་ཕྱིན་འདུག

གཟའ་འཁོར་སྔོན་མར་དེ་སྔར་བརྒྱད་ཅུ་གྱ་གྲངས་སྐབས་སུ་རྒྱ་ནག་འཐབ་ཕྱོགས་གཅིག་གྱུར་ལས་ཁུངས་ཀྱི་འགོ་ཁྲིད་བྱས་མྱོང་ཡོད་པའི་ཡན་མིན་ཧྥུ་འདས་གྲོངས་སོང་ཡོད་ཅིང་། ཁོང་ནི་འཐབ་ཕྱོགས་གཅིག་གྱུར་ཁང་གི་འགོ་ཁྲིད་ཀྱི་གྲས་ནས་བསམ་བློ་ཅུང་ཟད་གུ་ཡངས་ཅན་ཞིག་ཡིན་པ་རེད།

ཐེངས་འདིའི་རྩོམ་སྒྲིག་པའི་གཏམ་ཚོགས་ནང་ནིའུ་ཡོག་ཉིན་འཁྱོངས་ལྷ་མོའི་འཁྲབ་སྟོན་དང་པོ་དང་བྱང་ཨ་རིའི་ནང་ཨ་ལྕེ་ལྷ་མོའི་འཁྲབ་སྟོན་སྒྱུ་རྩལ་ལ་དོ་སྣང་ཆེ་རུ་འགྲོ་བའི་སྐོར་གླེང་ཡོད།

རྩོམ་སྒྲིག་པའི་གཏམ་ཚོགས་པོ་ཊ་ཁེསི་ཡི་ལེ་ཚན་ནང་། བློ་བཟང་ཡེ་ཤེས་ལགས་ཀྱིས་རང་ཉིད་རྒྱ་གར་ནང་བསྐྱོད་པའི་རྗེས་སུ་རྒྱ་གར་རྒྱལ་ཁབ་དང་བོད་མིའི་སྤྱི་ཚོགས་ཁྲོད་འགྱུར་ལྡོག་མཐོང་ཚུལ་བྱུང་བ་ཁག་ཅིག་གླེང་བ།