Ciaran Jenkins o Channel Four News yw gwestai JOMEC Cymraeg yn y rhifyn arbennig yma - Sgŵps, Sgandals a Sgrolio: Pwy sy’n becso am y Newyddion? 

Cafodd y podlediad hwn ei recordio ar leoliad ar faes Eisteddfod Genedlaethol Cymru ym Mhontypridd eleni gyda un o’n graddedigion, Nest Jenkins o ITV yn holi.

Wedi blwyddyn heriol i’r byd newyddiadurol, Ciaran sy’n lleisio barn am newyddiaduraeth Cymru, rôl gohebwyr, sut i ad-ennill ffydd pobl mewn newyddion a hefyd, fel chwaraewr cello o fri - pa newyddiadurwr enwog fasai e’n hoffi gwneud deuawd â nhw?