A directora do servizo de atención temperá de Poio, Sonia Limes, explica para o programa de Eva Millán sobre como están sendo os preparativos do primeiro congreso de Atención Temperá que se celebrará o sábado, 20 de xuño, de 10.00 a 14.00 horas, no Pazo de Besada de Poio.

Co título “Medrando en familia, como apoiar o desenvolvemento infantil”, a xornada estará dirixida principalmente ás familias, ás que se lles ofrecerá ferramentas prácticas para apoiar o desenvolvemento infantil dende un enfoque próximo e accesible.

O secretario de COGAMI, Víctor Silva, explica para Radio Voz Lugo as inquedanzas trasladadas dentro do movemento asociativo durante a Asemblea Xeral sobre os retrasos que se acumulan nos Equipos de Valoración e Orientación da Discapacidade (EVO). Ata tres anos no de Pontevedra.

Mª Jesús Díaz Freijo, membro da xunta directiva de Alcer Lugo, explica para o programa Un Café con Eva de Radio Voz o desenvolvemento da carreira organizada pola entidade, que cada ano aumenta a participación.

A finalidade desta actividade é a de concienciar na doazón de órganos. Se ben os resultados das persoas que se fan doantes son boas en España e Galicia, aínda existen moitas negativas.

“Imos ser francos, ti levarías morto moitos anos de non ser por un doante”. “Pois si, efectivamente, na década dos 90 fun transplantado”, así inicia a entrevista que SER Coruña lle fixo ao presidente de Alcer, Rafael Rodríguez polo Día do Doante de Órganos.

Rafael trasladou a importancia que ten para a xente que espera un órgano contar coa xenerosidade das persoas que se fan doantes, porque salvan vidas.

O programa de Radio Voz entrevista á traballadora social da asociación AGL, María Araújo, para falar sobre o lipedema, enfermidade que carece de recoñecemento polo sistema sanitario, co que as mulleres que a teñen están dobremente estigmatizadas.

O programa de Eva Millán de Radio Voz entrevista a Cristina Sangil, coordinadora técnica da Asociación de Mulleres con Discapacidade de Galicia, para afondar no labor que desenvolve esta entidade a favor dos dereitos e do empoderamento das mulleres e nenas con discapacidade.

Con ámbito de actuación en toda Galicia, dende ACADAR destacan o seu traballo no rural, onde moitas mulleres carecen de recursos e servizos especializados.

A educadora social do centro de COGAMI en Medelo, Anais Cornado, explica para RNE a dificultade que están a ter para atopar pola zona da comarca do Deza unha vivenda accesible para poder poñer a andar o programa ConVive Rural.

O programa de Radio Voz que dirixe Eva Millán, entrevista á directora do centro de atención diúrna de COGAMI en Ferrol para explicar o seu funcionamento: dende o perfil das persoas que acoden ata o centro ata todos os servizos que se prestan a favor da mellora da autonomía persoal.

COGAMI ten previsto poñer en marcha o programa ConVive Rural, unha iniciativa centrada na promoción da autonomía persoal, para a que precisa atopar unha vivenda accesible en réxime de alugueiro. Co inicio da busca xorden tamén as primeiras dificultades para localizar un inmoble que cumpra as condicións necesarias, tal e como explica Iván García, director do centro de atención diúrna de COGAMI en Medelo, no programa Un Café con Eva de Radio Voz.

No programa de Radio Voz que presenta Eva Millán, a coordinadora da área de Proxectos de COGAMI, Catuxa Pereira, fala sobre a importancia que ten para as entidades que forman parte do Terceiro Sector que as persoas contribuíntes marquen o recadro 106 da X Solidaria.