Edición número 1230 de O Recanto do Corcovado. Puidestes escoitala o venres 24 de abril por Radio Crónica Folk Musical e o sábado 25 a través de Cuac FM A Coruña e a Radio Municipal de Redondela. Empredemos viaxe por terras nórdicas e bálticas: dende Estonia presentámosvos o novo disco dos Trad.Attack! Soan a seguir, dende Finlandia, os últimos discos dos Frigg e de Emmi Kujanpää. Completamos con dúas pezas do que vai ser o primeiro disco da Piirainen / Blom / Company.

Edición número 1229 de O Recanto do Corcovado, emitida o venres 17 de abril a través de Radio Crónica Folk Musical e o sábado 18 por Cuac FM e a Radio Municipal de Redondela. Estreamos "Gitana mora", o novo disco de La Banda Morisca, ademais dun adianto do que vai ser o primeiro disco da Piirainen | Blom | Company. Adicamos tamén varios minutos a falarmos sobre a nosa nominación como finalistas nos Premios Martín Códax, dentro da categoría adicada ao mellor Medio de comunicación musical. Completamos con pezas de Xabier Díaz e as Adufeiras de Salitre, o Son Trío e El Amir.

Edición número 1228 de O Recanto do Corcovado. Foi emitida o venres 10 de abril por Radio Crónica Folk Musical e o sábado 11 por Cuac FM A Coruña e a Radio Municipal de Redondela. Estreamos "O método", o último disco do portugués Rodrigo Leão. Escoitamos tamén os novos lanzamentos do trío sueco Kaja e da banda afincada en Helsinki Jaakko Laitinen & Väärä Raha. Completamos cun par de temas extraidos do novo disco de Natalie Greffel.

Edición número 1227 de O Recanto do Corcovado. Puidestes escoitala o venres 3 de abril a través de Radio Crónica Folk Musical e o sábado 4 por Cuac FM A Coruña e a Radio Municipal de Redondela. Estreamos os novos discos de Natalie Greffel, Amparo Sánchez, Martín Buscaglia e Suilma Aali. Completamos con pezas de Caxade e de Fernando Barroso.

Edición número 1226 de O Recanto do Corcovado, emitida o venres 27 de marzo por Radio Crónica Folk Musical e o sábado 28 por Cuac FM A Coruña e a Radio Municipal de Redondela. Escoitamos dende Finlandia os novos discos do proxecto colectivo "Mortality" e de Aili Ikonen con Jukka Perkko. Completamos cos dous últimos movementos da Sinfonía número 3 op. 36 de Henryk Górecki, na versión de Beth Gibbons (voz solista) coa Orquestra Sinfónica da Radio Nacional de Polonia, baixo a condución de Krzyztof Penderecki.

Edición número 1225 de O Recanto do Corcovado, emitida o venres 20 de marzo por Radio Crónica Folk Musical e o sábado 21 por Cuac FM A Coruña e a Radio Municipal de Redondela. Estreamos "Lesmas secas", primeiro adianto do novo disco de Caxade. Entran tamén os novos traballos de Timo Lassy coa sección de ventos da Ricky-Tick Big Band e do trío Taracea. Completamos o programa con pezas de Xabier Díaz e as Adufeirad de Salitre.

Edición número 1224 de O Recanto do Corcovado, emitida o venres día 13 de marzo por Radio Crónica Folk Musical e o sábado 14 por Cuac FM A Coruña e a Radio Municipal de Redondela. Estreamos os últimos discos de Xabier Díaz e as Adufeiras de Salitre, ademais de adiantar pezas dos novos discos de Mulatu Astatke & Black Jesus Experience e Natalie Greffel. Entran tamén pezas do Son Trío, Fernando Barroso e do disco "When will the blues leave", traballo póstumo de Paul Bley editado por ECM.

Edición número 1223 de O Recanto do Corcovado, emitida o venres 6 de marzo por Radio Crónica Folk Musical e o sábado 7 a través de Cuac FM A Coruña e a Radio Municipal de Redondela. Estreamos os novos discos do Son Trío, Fernando Barroso e Areni Agbabian. Soan tamén pezas dende os últimos traballos de Iris Azquinezer e Sés.

Edición número 1222 de O Recanto do Corcovado, emitida o venres 28 de febreiro por Radio Crónica Folk Musical e o sábado 29 pola Radio Municipal de Redondela e Cuac FM A Coruña. Estreamos os novos discos de Sés e Amir John Haddad "El Amir". Adiantamos tamén varios cortes do novo traballo de Fernando Barroso e completamos con Xabier Díaz e as Adufeiras de Salitre e Marco Mezquida a dúo con Chicuelo.

Edición número 1221 de O Recanto do Corcovado, emitida o venres 21 de febreiro por Radio Crónica Folk Musical e o sábado 22 por Cuac FM A Coruña e a Radio Municipal de Redondela. Estreamos os novos discos de Vassvik, Ballaké Sissoko & Baba Sissoko, Black String, Peter Eldh e Joe Lovano & Tapestry. Completamos con temas extraídos do último disco dos alemáns Masaa.