بالحلقة الثامنة رح نتعرف على خريطة الجسم بالدماغ ومعنى ال Homunculus ووظيفته!

بالحلقة السابعة رح نحكي عن التراما من منظور علم الأعصاب، وليش بعض الذكريات بتضل قوية ومزعجة لفترات طويلة. بنشرح كيف الدماغ بيفسّر الحدث الصادم، ودور اللوزة الدماغية والحُصين والقشرة الجبهية الأمامية بوقت الخطر. بنحكي عن كيف التراما بتسبب LTP مبالغ فيه وبتعطّل آليات LTD فبتنحفر الذكرى بشكل غير طبيعي. كمان بنتعرّف على أنواع التراما، وليش الناس بتختلف باستجابتها وتعافيها، وبنعرض دراسة بتوضح كيف الصدمة بتغيّر الشبكات العصبية.

بالحلقة السادسة رح نتعمق أكثر جوّا الدماغ لنفهم كيف الذكريات بتقوى أو بتضعف على مستوى نقاط الاشتباك العصبي. رح نشرح مفاهيم ال LTP و LTD ونعرف كيف التقوية طويلة الأمد بتثبّت الذكريات المهمة، وكيف الضعف طويل الأمد بساعدنا ننسى التفاصيل الي مش ضرورية. بهالحلقة رح نتعرف على دور الغلوتاميت، مستقبلات AMPA و NMDA، وأيون الكالسيوم بتشكيل الذاكرة، وبنستعرض دراسة حديثة بتوضح كيف التعلم الحقيقي بصير لما التقوية والضعف يشتغلوا مع بعض.

في هالحلقة الخامسة، رح نتعلم أكثر عن كيف بنكون ذكرياتنا وكيف بننساها وشو الخطوات وأجزاء الدماغ الي بتلعب دور بهدول العمليات ورح نشرح عن شو هي الذكريات بالأساس وكيف بنسترجعها

في هالحلقة الرابعة، من بودكاست حكي علمي وحكيم، بنفهم كيف دماغنا بكوّن وبعالج المشاعر خطوة بخطوة. بنشرح الفرق بين الإحساس وردّة الفعل، وبنغوص في دور اللوزة الدماغية، المهاد، والقشرة الجبهية الأمامية بتنظيم مشاعرنا. من خلال مثال بسيط لسلمى وراما، بنشوف ليش شخصين ممكن يعيشوا نفس الموقف ويحسّوا بمشاعر مختلفة تمامًا. كمان بنتعرّف على مفهوم دوائر التنظيم العاطفي، وكيف خبراتنا السابقة بتأثر على استجابتنا، وبنختم بتقنيات علمية مثبتة بتساعدنا ندرّب دماغنا على تهدئة التوتر وتنظيم المشاعر بطريقة واعية وبسيطة.

في هالحلقة الثالثة، رح نتعرف على شو هي المشاعر وشو علاقتهم بالفسيولوجيا والدماغ، ورح نحكي عالخفيف عن الأجزاء الي بتلعب دور بمعالجة وتكوين مشاعرنا

في هالحلقة الثانية، رح نكتشف شو هي الناقلات العصبية وشو علاقتهم ببعض، ونتعرف على انواعهم واثرهم وكيف بتحكموا بالخلايا. كمان رح نحكي عن علاقة الدوبامين بالتعلم والذكاء الاصطناعي!

في هالحلقة الاولى، رح نكتشف كيف الخلايا العصبية تتواصل مع بعضها عبر الإشارات الكهربائية، ونتعرف على أجزاء الخلية العصبية، الأكشن بوتنشال، والمحاور العصبية. بنستعرض دراسة Hodgkin & Huxley ونربط كل هالأفكار بالذكاء الاصطناعي بطريقة مبسطة.