Lan talde berri bat eratu da IX. Fan Hemendik eguna antolatu eta dinamikari jarraipena emateko. Taldeko bi kide izan ditugu gurean, aldarrikapenaren arrazoiak eta egitaraua azaltzen.

Larunbateko desafioaren harira, herri kirol talde bat eratu da gurean eta jardunari jarraipena emateko asmoa dutela adierazi digu Joakim Egaña partaideak. Zapatuko desafixua zertan izango den ere azaldu digu.

Laura Urdin eta Aritz Bengoa Arantzazuko Artzain Eskolan ikasi duten azken ikasleetako bi dira. Beraien ikaskideekin batera artzain-makila jaso dute gaur eguerdian. Zein helburuz hurbildu ziren eta zein asmorekin doazen azaldu digute.

Denboraldiko azken MEDIKU KONTSULTA osatu dugu gaur eta familia edo etxeko medikuen garrantzia azpimarratu digu Juanjo Sagarzazu medikuak. Urteetako jardunean alboan izan dituzten herritarrei eskerrak emateko ere baliatu dute saioa Mari Carmen Sacristanek eta Juanjo Sagarzazuk.

Ikasturte amaierako erkustaldian, gimnasia erritmikako partaide guztiak arituko direla argitu digu Lide Osinagak. Urteko ekintza nagusia da baina ikasturtean zehar beste hitzordu garrantzitsu batzuk ere bete dituzte.

2024-2025 ikasturtera begira, astelehenean irekiko da Musikoterapian izena emateko epea. Arantzazu Saizek hartuko du horren ardura eta nolako eskaintza izango den, horretarako nola prestatu den eta zein esperientzia duen azaldu digu. Ikasturtea amaitzeko puntuan, kurtsoa nola joan den ere galdetu diogu Jaione Intxausti zuzendaritzako kideari.

Hainbat film ezagunetarako musika sortu zuen John Williamsek eta horietan oinarrituta osatu du Musika Bandak larunbatean eskainiko duen kontzertu berezia, Aitor Biainek, zuzendariak azaldu digunez.

AMS elkarteak eta Bergara eta Arrasateko Garaguneek antolatuta esperientziak trukatzeko ekintza egingo da Eltzian, Nikaraguatik etorri diren hainbat lagunekin. Ekintza irekia da eta herritarrak bertaratzera gonbidatu ditu Elena Zaratek, Arrasateko Garaguneko arduradunak.

Benjamin, alebin, infantil eta kadete kategorietako neska eta mutilei zuzenduta egingo da 3X3 saskibaloi txapelketa. Hiru edo lauko taldeetan eman behar da izena eta taldeak, mistoak izan daitezke. Izen-emate orriak kiroldegian eskuratu eta utzi daitezke. Bihar da izena emateko azken eguna, Pablo Zubia antolatzaileak esan digunez.

Madrilgo Metroak eta Idazleen Eskolak antolatu duten mikroipuinen lehiaketa da "Metrorrelatos". Aurtengoa bigarrena izan da eta oñatiarrak irabazi du. Pozik azaldu zaigu.