Aloña Mendiko Futbol sailak bat egin du Alex Remiro eta Futbol Mas fundazioarekin gurasoei zuzendutako tailer hau Oñatin eskaintzeko. Futbol eskola, alebin, infantil eta kadete mailako neska-mutikoen gurasoei zuzenduta dago, mezu positiboetan oinarrituta, inguru seguruak eta babesleak sortu eta haurren eta gazteen ongizate emozionala bermatzeko.

Amaia Aierbek eta Amaia Diaz de Monasteriogurenek Natur Eskolarekin batera antolatutako tailer zikloa osatuko da larunbatean. Udazken-neguko elikaduraz arituko dira, beti ere naturak markatutako erritmoari erreparatuz eta gure ongizatea helburu.

Zeri buruz arituko diren aurreratu digu Amaia Deiaz de Monasteriogurenek.

Hamabost egunez luzatuko diren ekitaldiak bildu dira aurtengo Mendi Astean; ikus-entzunezkoen emanaldiak, solasaldiak, irteerak, erakusketa eta federatu txatelen kanpaina jaso dira azaroaren 6tik 19ra arteko kartelean.

Aloña Mendiko Mendi saileko Bea Aranak eta Mikel Oterok eman dizkigute xehetasun guztiak.

Horixe galdetu diogu udaleko euskara teknikari Xabier Zabaletari. Makina eta inteligentzia artifizialari euskara "irakastea" da xedea eta horretarako euskarazko esaldiak grabatzea eta balioztatzea eskatzen zaigu euskaldunoi.

Tabernetako musika neurgailuez, ikasle-egoitza baten bideragarritasunaz, etxebizitzen alokairuaz, etxebizitza hutsei aplikatu ohi zaien errekargoaz, 2024ko udal ordenantza fiskalez edota euskararen erabilera mugatzen duten azken epaiez berba egin dugu Izaro Elorzarekin gaurko ALKATEAREKIN BERBETAN saioan.

Azaroaren 30erako deituta dagoen greba orokor feministari eskaini dio azala Kontzejupetik aldizkariko azaroko aleak. Mobilizazio horren arrazoi eta helburuak, aurreko prestaketa eta beste zenbait azaltzen dira aldizkariaren barrualdean.

Kale Zaharreko 43an egon zen "Castillo" tabernaz edota egur ikatza lortzeko txondorra egitako asmoaz ere argibideak ematen dira ostegunean banatzen hasiko diren aldizkari berrian.

Mikel Fernandez irakaslea da eta hezkuntzan duen esperientziatik idatzi du "Haurrak ekinean/niños y niñas en acción" liburua. Ikasteko beste era bat aldarrikatzen du eta proiektu bidezko ikaskuntza proposatzen du.

Ilunpetan taldeko Asier Egañak osatu duen argazki bilduma da "Oñatz, gorputza eta arima". Igandean irekiko da Parrokiako klaustroan eta abenduaren 3ra arte mantenduko da. Hori bai, lrunbat eta igandetan eta 11:00etatik 14:00etara ikusi ahal izango da, egileak berak azaldu digunez.

Eltziako kolektibo ezberdinen arteko elkar-ezagutza eta elkarlanean eragitea da dinamizatzailearen zeregin nagusia. Udatik ari da horretan Sara Arregi. Lehen emaitzak etorri dira: TOPAGUNEA egitasmoa eta larunbatean ospatuko den Eltzia Eguna.

Azaroan hasi eta ekainera bitartean sei kontzertu eskainiko ditu Oñatiko Musika Bandak. Herriko beste eragile batzuekin elkarlanean arituko dira denboraldi berri honetan ere. Auzoetan eskainiko dituzten kontzertuez eta Valentziako banda batekin osatuko duten elkartrukeaz borobilduko dute TOPAGUNEA denboraldia. Xehetasunak Aitor Biain zuzendariak, Iñigo Ugarte presidenteak eta Iñaki Olalde Kultura batzordeburuak eman dituzte.