Astelehenean, ekainaren 26an, hasiko dira udaleku irekiak, Eltzian. Ia 600 haur, 72 hezitzaile eta lau koordinatzaile izango dira aurten. Koordinatzaile horiekin berba egin dugu, prestaketa lanez eta gogoan hartu beharreko gomendio eta aholkuez.

Antolakuntza taldeko Ainari Diaz de Gereñu izan dugu gonbidatua gaurko Kirolen Txokoan.Herrian daukagun proba ezberdin eta berezia da Torreauzoko krossa. Igandean jokatuko da eta azken ordua zein den ezagutzen saiatu gara Abixaran taldeko kidearekin.

"Zaintza paliatiboak" hitzaldia emango du Iñaki Peñak Santa Ana antzokian, bihar (18:30). Zeri buruz arituko den eta zaintza aringarriak aipatzean zer ulertu behar dugun galdetu diogu Arrasateko ospitaleko "zaintza paliatiboak" arloan diharduen medikuari.

Miren Zubeldiak antolatu du, Tommaso Galati, Izar Etxeberria eta Iñigo Ugarte musikariekin batera. Saioan jasotzen den dirua @yadullahmousawi errefuxiatu afganiarraren Yadu-Yoga proiektura bideratuko da.

Gaur pertsona errefuxiatuen nazioarteko eguna da, eta bihar, yogaren nazioarteko eguna eta udako solstizioa. Hirurak eskutik, elkartasun yoga saio musikatuan!

Larunbatean aukeratu zuten Izaro Elorza Arregi Oñatiko alkate, bigarrenez, aldeko 11 botorekin (EAJren 6 hautesik zuri bozkatu zuten). Gaur goizean elkarrizketatu dugu udaletxeko bere bulegoan.

Atzo jokatu zen Izaban @CamilleExtreme mendi lasterketa ezaguna. Axier Alonso oñatiarra hirugarrena izan zen helmugan. Protagonistarekin hitz egin dugu.

Brontzezko domina eskuratu zuen Unai Cuevak asteartean, Gipuzkoako erlojupeko txapelketan. Jira Bira Eulen taldeko oñatiarrarekin berba egin dugu.

15-16 urteko gazteak dira "prozesuan" parte hartzera gonbidatzen direnak. Gaztelekuko ekintzak antolatzen eta aurrera eramaten laguntzen dute, hainbat bolondres lanetan parte hartzen dute eta ikasturte amaieran egiten duten bidaiarako dirua lortzeko ekintzak egiten dituzte. Guztiaren berri eman digute Malenek, Anerrek eta Auritzek.

Baso-ustiaketa modu ezberdinek klima aldaketaren aurrean duten erresilientzia maila aztertu du Julen Astigarragak Artia mendiko pagadietan laginak hartuta. Ikerketa lana udalaren web atarian zintzilikatuta dago. Baina bertatik bertara ezagutzeko eta ulertzeko aukera izango da larunbatean, ekainak 17, Artaso eta Iturrigorrira egingo den ibilaldian parte hartuta.

Lanaz eta irteeraz hainbat argibide eman dizkigu Julen Astigarragak berak.

Aloñako futbol saileko presidentea izan da gaurko kirol tarteko gonbidatua. Ostiralean, futbol federakuntzak emandako 'Gipuzkoako futbolarentzat egindako lanaren saria' aitzakia moduan hartuta, Javier Azpiazuren ibilbide luzearen errepasoa egiten saiatu gara.